ابر تعبئة من دهون الجسم

السلام عليكم

عندى استفسار وخاصه للبنات

اللى جربو نفخ الخدود بدهون الجسم نفسه

ياليت تفيدونى بافضل دكتور ايسويها

مابى كولاجين وغيره

ابى دهون جسمى نفسه تنشفط ويرد الدكتور ايعبيلى فيها خديداتى اللى مالهم

وجود خخخخخخخخخخخخخخخخ

بليز ابى رد الله ايعافيكم

انزين يصير انفخ صدري بهالطريقه ؟؟
الي جرب يقولي
قمر عادي رزيت ويهي بس يالله مدام طاح خلننبطح لووول

يا حلو رزة وجهج ياليالى منوره ياحبيبتى

ياليت القى رد من الحلوات اللى مجربين ونستفيد منهم

انا سويت الكولاجين عند لاري ورفيجتي سوتها عنده بس اهي شفطت دهون من بطنها ورد حطهم لها بالوجه ارخص من الكولاجين بس تاثيرهم يقعد فتره ويروحون ما يطول لازم تردين تسوينها مره ثانيه بسرعه يروحون بس الشفط يسويه مره وحده ويخزن الدهون عنده وكل ما احتجتي تروحين ويحطون لج يعني اذا ضعفتي اضعفوا يمتصهم الجسم انا قالي الكولاجين يقعد سنتين واكثر ورفيجتي الثانيه سوت الكولاجين عنده بعد قبلي مسويتها بثلاث سنين ما فشت خدودها وهذا اللي شجعني اسوي كولاجين.

ياقلبى والله فيفو ماقصرتى

عسا الله ايتمه عليج بصحه وعافيه ان شاء الله

انا مانى متقبله اسوى اى شى غير الدهون

حدى وسواسيه !!!

زين حبيبتى الدهون مبين شكلها طبيعى ولا لا؟>>>ماتنعطى وجه

كان ودي افيدج بس انا مسويه نفخ كولاجين عند د.جمال الحربي وماعندي فكره اذا يسوي تعبئه دهون والا لا
بس اشرايج تتصلين على عيادته وتسالين لاني انصحج فيه اهو يتفخ بطريقه حلوه بالويه وعنده ذوق بطريقه توزيع التفخ بالويه

ياعمرى حبيبته ماقصرتى عالمرور والرد عسا الله ايهنيج بعمرج

اتهقين عنده حقن دهون؟ بدق عالعياده واسالهم

اي والله بنات ياليت تفيدونا
رزيت فيسي عادي ولا اطلع

اسفه عالتاخير بالرد
حبيبتي قمر من شافها طمر انا وسواسيه حيل ويوم رحت بسويها قعدت ساعه احلف الدكتور انه مالها ضرر حتى زهق من كثر اسالتي بس سويتها وقعدت فتره اقول انا شلون غامرت والحين ما ادري ودي اسوي الوجنتين لانها تحلي حيل حتى اهو قالي ما يبيلج واجد مثل الجوانب بس 1 ونص سانتي بس رفيجتي الله يهداها تفخت حيل بالدهون بين اوفر اهو نصحها تقلل بس اهي بغت جذي انتي اذا رحتي اهو يشوف وجهك ويقول شنو يبيلج انتي ابدي بكميه قليله وزيدي ان حسيتي انه يبيلج بعد احسن من مره وحده ويطلع واجد انا لما سويت الجوانب بديت بكميه قليله وشفت المنظره وقلت له يزيد لما وصلت للنتيجه اللي ابيها انا كلفتني 580 دينار ورفيجتي 450 للوجه كله انا بس الجوانب والوجنتين قالي بتكلفك 320 او 400 على حسب الكميه اللي ابيها.

حياج الله

لاتحرمينا من رزة هالفيس الحلو

ان شاء الله نستفيد من خواتنا الخدومات الحلوات

يامال العافيه ماقصرتى عالمعلومات بحجز عنده وبشوف شيقوللى

لاهنتى ياحلوه وعسا الله ايتمه عليج وايزيدج حلا

حبيبتي لا تسوينهم لانهم يتكتلوت يعني اذا مثلا شفطتي من جسمج و حطيتي بويهج بعد فتره تصير عندج كياس دهن لانه مو شرط انه البشره تمتصه يصير بين الجلد و البشره.. عن تجربه

vevo
وايد ماخذ منكم الدكتور

انتي جم سويتيها ؟
انا ادري انه في غيره ارخص بس انا ابي المضمون انا شايفه رفيجتي مسويتها لها تقريبا 4 سنين الحمدالله ما اثر بشي هذا اللي شجعني والاهم ما فشوا للحين خفوا مو مثل اول بس ما صار فيها مثل ما يقولون يترهل الوجه بعد مده انا وسواسيه حيل ابي شي مضمون . التفخ ما منه ضرر اذا كانت المواد سليمه ويكون المكان اللي بيحط فيه الابره صح ما يكون على عصب انا ما رحتله الا لما شفت كذا وحده مسويته عنده يالله اقتنعت والحين ودي اسوي الوجنتين و كل يوم اقول باجر .

يارب سترك ! حبيبتى بنت الحزن انتى اى دكتور امسويه عنده؟

يمكن مثل ماقالت vevo ايكون حاقنلج على عصب!

جزاج الله خير عالنصيحه ياحياتى