|
|
مرحبا حمل ….
ممكن اتفيدوني من منكم جربت ابرة الظهر ولاده طبيعيه ..ومتي يفج التخدير من الريول…
وشنو افضل مستشفى يتقنها
وانا ما اخذت كمام، حطولب درب مورفين لأني ما تحملت ريحت البنج
فهو البنج فج مني على طول بس ياتني الدوخه وهوار الراس وياتني الحاله اللي كله ابي انا لمدة 4 ايام تقريباً
وترى من جسم لس جسم يختلف
يعني اكو جسم بسرعه يفج من البنج وفي البعض لأ
لان راح ادخل الاربعاء وابي احد جربها بالهادي
وغزة الابره تعور ولا لآ
وتحسين بدخول البربيش ولا لآ
<< تبي تستفسر بعد …
بس لازم ما تتحركين و تقعدين بوضعية معينة هو بيعلمك كل شي لا تخافين هدي أعصابك بس و ارخي نفسك و بالنسبه للتخدير أنا ولدت الساعو 8 ضل معاي لين الفجر قمت رحت الحمام عادي بس أنا حطولي 3 جرعات من الساعة 7 الصبح كل ما تخلص يحطون وحدة جديدة لين ولدت الساعة 8 بالليل اي حبيت أقولك انهم بعد ما يحطولك الإبرة بعدها بشوي بتحسين ببرد و رعشة بس شي 10 دقايق و تروح لا تخافين نخليهم يغطوكي كويس و خلاص
و الحمد لله ابرة الظهر هادي رحمة من رب العالمين
و على فكرة أنا ولدت بمستشفى الصباح
أتمنى أكون فدتكم و الله يقومكم بالسلامة كلكم ياا رب و أنا أنصح بإبرة الظهر للي بيحطونلها طلق صناعي زي حالتي لأنها ما راح تتحمل العوار
انا نااويه اخذها بس الوالده مو راضيه 
تحااتي من الاشاعات الي تسمعها انها تسبب شلل واعاقة و من هالاموور و ناوية بمراجعتي اليايه اخذها وياي عند الدكتورة علشان تشرح لها اكثر عن هالابره .
والسهاله من رب العالمين
و وايد اتريحج و اشطر ناس يعطونج اياها بدار الشفا
و حتى اختي حملت عقبيي و خذتها اهيا وبنت خالي شجعت العايله كلها
حدي صايره فار تجارب الحين يقولولي اولدي برويال حياة وشوفي شلونهم عشان عقب يولدوون هناك
و عن متى فج التخديير مادري لان انا حط لي اياها على الساعه 9 ونص بليل و عقبها ماتحركت الا اليوم الثاني الصبح فيعني صج مادري متى فج عني
ومااحسها تدوخ مثل الكمام يكفي انج بوعيج وتشوفين الياهل اول مايطلع مومثل الكمام تضلين 3 او 4 ايام يالله يفج عنج
خواتي جربوها بالطبيعي وااايييييد يمدحونها يقولون فرق عن الكمام هذاك بهذلة بالجسم والوحدة تقط خيط وخيط
وتقول قصة حياتها >> حتى السري منها تقولة وهذا انا شفتة بعيني لووووووول
انا ااييد ابرة الضهر لانها اسلم علة مخ المرأة من الكمام ..لانة يسبب حالة من النسيان من بعد الولادة .. والله اعلم
لكن اول يوم تحسين بريولج يعني عادي يخدر بس موضع الالم وقلتلج مايدوخ واييد بس تحسين انج في حلم
اصلاً انا ول يوم مانمت كلش طول النهار وانا قاعدة واسولف بس تحسين الدوخ والفرة اللي بالرس