ابرة الظهر / اللي جربوها الاعراض اللي احسها طبيعيه ولا لا؟

السلام عليكمبنات انا اخذت ابرة الظهر و ولدت قيصريه ولله الحمد التجربه كثر ماكانت مخيفه
كثر ماكانت غريبه الحمدلله ياربي على كل حال

المهم انا من بعد العمليه وانا احس بصداع من ورا راسي مع الم قوي بالظهر
و غير جذي الصداع احيانا يصير نصفي
و كانه خلفية الراس تنبض هالشي طبيعي

و ريولي هم ماتتحمل احس انها بتطيح ماتشيلني

عادي هاباعراض ولا لا

الدكتور نصحني اشرب قهوه
و بس!

شنو اسوي؟ و اشلون لو بشيل الياهل ما اقدر بعد؟

انا ماجربت الابره لكن اللي اسمعه ان هذي الاعراض طبيعيه
صداع والم الظهر وحتى في الم مكان شكة الابره

انا خذيتها عادي ماحاشني الي تقولينه بس الي فيها مشاكل بالظهر مو زين لها

الله المستعان وينكم بنات اللي جربوا ابرة الظهر

انا جرتبها وولدت قيصريه بس ماحاشني ولا شي من هالاعراض

الحمدلله على سلامتج انا جربتها بولادتي امبلا كانت هاذي أعراضها بس ان شاءالله مع الترديد والنفاس العدل تتحسنين ان شاءالله

ما حاشني مثلج

عوار يومين بالظهر مكانها وبعدها راح

وهم عوار بركبي وراح

اما الصداع مو عارفه والله لانه كلش ما حاشني

اهو من اعراضها الصداع بس ما يطول بس روحي الطبيب سالي احسن

انا خبره بالموضوع هذا جم صارلج من اخذتيها وهل العوار لايحتمل ومتواصل
في نوعين الخفيف تشربين قهوه كثير وتنسدحين
والنوع الثاني الي جربته انا عساج ماتجربينه قوي من الظهر والرقبه والراس وتحسين بثقل طول معاي ثلاث اسابيع بس كنت تعبانه حيل في حل واحد ان ياخذون دم من ايدج ويسكرون فيها الفراغ الي صار بالظهر هذا الحل الوحيد توني ماخذتها مره ثانيه وانا تحت الملاحظه في صداع وخايفين يزيد

جربتها وما حاشني صداع

حمرة الورد بالضبط هذا اللي صاير معاي و مابي اروح يغزوني مره ثانيه

اخاف والله انا زين خليتهم يغزونها الحين ارجع مره ثانيه مستحيل

الله يعينج شوفي اكو فلبينيات ولا صينيات يسوون كاسات هوا انا سويتهم بعد ثلاث اسابيع من الصداع ثاني يوم مافيني شي

ان شاء الله بس خل اعدي ثلاثين يوم

انا خذيتها ماحاشني الصداع بس نفس ماتقولين عوار بجسمي وريلي ماتشيلني
بس عقب اسبوعين كل شي رد طبيعي
وعقب ماطفت اسبوع يبت رداده صج كنت راح ابجي من العوار بس ارتحت عقب صراحة
جربي اتييبين رداده

الحمدلله على سلامتج يا رويال و مبروك ما جاج

انا بجريه بس دخلت اتحمدلج بالسلامه و ابارك لج