ااااااااااااااه تعبت من هموم ومشاكل الدنيا

مرحباااااااا يسعد ايامكم بالخير

اول موضوع لي في المنتدى

كتبته لاني احبكم

كثير تضيق صدورنا صح ؟؟

وامور كثيره بحياتنا تتعقد ..

اشياء نتمناها ولا تصيير ..

كثير يفكرون ليش فلانه تمشي امورها وانا لا ..

ليش ماتسهل امري في الموضوع الفلاني ..

ليش زوجي /ابوي /اخوي /اختي /معلمتي …الخ كذا معي

وكثير كذا يفكرون باحباط..

وانا منهم

تاملت بحالي كثير ..

تضييق تضييق علي ..وشوية صبر ودعاااااااء ويفرج امري ..

سبحانك ربي ماعدلك واحكمك

وكلنا نمر كذا ..

اكتئاب وتفكير وهواجيس ..

اشياء تافهه جدا ..تعكر كل اليوم علينا ..واحيان مو تافهه ..

كل انسان وله مشاكله ..

له اوجه نقص تقهره ..

يحاول يحلها ..احيان يقدر ..احيان لا ..

يجيه الم ..

يحس كل الابواب مسكره بوجهه ..

يزهد بالدنيا ..وبالناس ..

وبعد وقت ..تفرج ..وتنحل ..ويقول يااااااااااااااااااااااااتفاهتي ..

كلكم اللحين تقولون شلون تفرج ..

واني اقولها كذا ببساطه ,, مع ربي كل شي يفرج

تدرون دايم دايم احس ان ربي يحبنا ..

خصوصا حنا معشر النساااء ..

لاننا عاطفيات قوه ..

وننتظر عطف ,,وحنان ،،واحد يحس فينا ..

وصراحه كثير اوقات ..مانلقى ..

يعني مهما كان اهلك زوجك خواتك صديقاتك ..لهم مشاغلهم ..

وتمر عليك ازمات ..احيان ماتقدرين تقولينها وتفضفضينها لاحد ..

وتقفل الدنيا بوجهك ..

وبعضهم تستلم للحزن ..وتقعد تصيح ..وتعيش بكابه ..

وسبحان الله ..

بعضهم تلجا لرب السموات والارض مالك كل شي ..

نسينا اللطيف ..

ستوب هنا وفكري باالاسم لطيف بحالك ..لطيف بتدبير امرك ..
والله بس الاسم يعطينا امل في الحياة ..

الحمدالله لك
الدعاء هو انك تشكين لرب يسمعك ..ويعلم بحالك ..يعني العباد يدرون وش صاير معك مهما شكيتي
ووصفتي حالك ..

ربك يدري بحالتك قبل ماتشكين ..

كم مره شكيتي وحسيتي ان الي معك ماتسمعك ..مشغوله بحالها ..كم مره بغيتي تشكين والي تبيغنه من الخلق ماكان متوفر ..مشغول نايم موموجود..

تخيلي تشكين كل يوم ..كل يوم ..كل يوم وش بيصير الي قدامك بيطفش او تطفش منك وبيقولون خلاص مانيي نسمع مشاكل ..

بس لما تشكين لربك يسمع دعائك وندائك وشكواك لو شكيتي كل يوم وكل ساعه وكل دقيقه يسمعك .. لو عدتي الموضوع مليوون مررره ..يسمعك ..

وفوق هذا كله لما تشكين للخلق وش تستفيدين ..؟؟
الي يحبك بيزعل عليك ويضيق صدره عشانك ..
والي مايحبك بينبسط على الي صارلك ..والي مايهمه ماراح يهتم لامرك ..صح

طيب ربي ..اذا شكيتي ودعيتي عنده وش بستفيدين ..اجرا كبير اجر الدعاء ..تعتبرين صابره ..لانك مااشتكيتي لخلق الله ولجئتي له وحده ..

تدرون بالدعاء وش تضمنين
لك 3 امور مضمونه لك

مذكوره بهذا الحديث ..
عن رسول الله اللهم صلي وسلم عليه : " ما من مسلم يدعو الله بدعوة ليس فيها إثم ولا قطيعة رحم إلا أعطاه الله بها إحدى ثلاث ، إما أن تعجل له دعوته ، وإما أن يصرف عنه من السوء مثلها ، وإما أن يدخرها له في الآخرة "

بالله وش رايكم بالتقسيم الالهي العادل ؟؟

اما ربي يحقق لك امنيتك بالقريب العاجل
او كان ربي مقدرلك سوء ويصرفه عنك
او يحفضها لك للاخره

ولا يرد القضااء الا الدعااء كما هو معروف في حديثه صلى الله عليه وسلم

يعني بدعائك تحققين خير كثير سواه عرفتي فيه او ماعرفتي ..

طيب كثير يقولون ندعي وربي مايستجيب لنا

لازم نعرف متى وكيف ..

تعرفين وش هي اوقات واماكن ارجى في الاجابه

تحريها دائما وانقطعي عن هالدنيا ..

بذكر الي تمر علينا يوميا وغافلين عنها او اسبوعيا ..
اول وحده تمر علينا كل اسبوع اخر ساعه من يوم الجمعه
حطي توقيت في جوالك اللحين تذكير ان هذي الساعه لربك بمجرد ماتجي هالساعه اتركي الخلق واتركي الناس واتركي الحياة واقبلي على ربك وادعيه بما شئتي والحي وابكي وتباكي ..

اخر الليل قيام الليل
مافي بنت تصلي الليل وتبكي بين يدي الله ومالقت فيها لذه ..ابدا ابدا الي ماتلقا فيها لذه هذي معناها تعودت عليها وصارت تسويها كعاده
كل يوم عندنا من بعد صلاة العشاء وحتى قبل الفجر كل هالوقت مفتووح لناا
قفلي غرفتك ..
وافرشي السجاده
واسجدي ..قوليله كل همومك هو يسمعك هو الوحيد الي بيده امرك ..

بين الاذان والاقامه
كم مره نسمع الاذان باليوم
فكرنا ندعي بهذا الوقت المبارك ..؟؟

بعد الصلوات المكتوبه
خلي لك عشر دقايق بعد اي صلاة وادعيييييييي ونوعي بالعبادات حتى ماتحسين بملل مع ان اذا اديتها بخشوع وتدبر ماراح تحسين بملل ابد بالعكس تحسين بقربك من الله وانه هو قريب لك زي مانتي قريبه منه ..

في السجود
يعني وقت مفتووح متى ماضاق صدرك صلي ركعتين مو لازم وقت معين وبوقت السجود اشكي لربك
حسيتي بالتكه والهم ..خلاص خلي الي انتي فيه ..قولي بصلي ..وروحي اسجديها
عن أبي هريرة رضي الله عنه عن رسول الله صلى الله عليه وسلم : " أقرب ما يكون العبد من ربه وهو ساجد ، فأكثروا من الدعاء "

كم مره ننام على ضيق
فكرنا اول مانصحا ندعي بعد مانذكر الاذكار نقول يارب هاليوم يصير يوم بشرى وسعاده وخير
يارب اجعل يومي هذا غيييير عن سائر ايامي
اللهم اجعلي حياتي زياده في كل خييير ..
حسي باليوم ..عاملي كل يوم بمعامله خاصه بالدعاء ..
حتى تتجدد نفسيتك ..
لاتدعين وانتي في بالك وراي الشي الفلاني ركزي واستحضري قلبك بالي تقدرين عليهوكل حواسك تصير في دعائك بس ..

يوم عرفه ..ليلة القدر..ووقت مانتي صايمه في رمضان ..وقت نزول المطر ..الدعاء للميت بعد وفاته..عند التقاء الجيوش هذي كلها اوقات ارجى في الاجابه

وعموما كل الاوقات هي مجابه طبعا
لقوله تعالى " وإذا سألك عبادي عني فإني قريب أجيب دعوة الداع إذا دعان "
هذي الايه تخلي الي قلبه حجر يبكي من رحمة ربي فينا ..سبحانك يااربي كم انت رحيم عطووف
سبحانك ربي تعلم بحالنا ..سبحانك ربي تعلم بضعفنا وحاجتنا الدائمه لدعائك ..

وافضل الدعاء الي ذكر بالقران ويمر علينا في الايات ..دعاء الانبياء ..
ومن ثم الحديث ثم دعاء السلف الصالح..

وتعلمي تدعين وانتي في كل حال ليس فقط في حال الابتلاء

وتذكري ان ربي استجاب لكل الانبياء في القران نوح عليه السلام ربي استجاب له بعد مادعي علطول (وَنُوحًا إِذْ نَادَى مِنْ قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ)

ونبي الله ايوب عليه السلام بعد ما مرض دعا ربه ..
(وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ * فَاسْتَجَبْنَا لَهُ فَكَشَفْنَا مَا بِهِ مِنْ ضُرٍّ وَآَتَيْنَاهُ أَهْلَهُ وَمِثْلَهُمْ مَعَهُمْ رَحْمَةً مِنْ عِنْدِنَا وَذِكْرَى لِلْعَابِدِينَ)
وسبحان الله ربي استجاب له علطول ..

ويونس في بطن الحوت في ظلمات ثلاث الليل والبحر وبطن الحوت( فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ)

وزكريا عليه السلام كان يبي ولد دعا
بالولد وهو وزوجته كلهم كبار في السن
ولايجيبون اولاد ..تخيلي رجل كبير يدعي ان ربي يرزقه ولد ..
(وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ * فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ)
واستجاب له الرحيم ..

ليش ربي استجاب للانبياء ؟؟

تدرون ليش ؟؟

بالقران الاجابه .. (إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ)

وادعي ربك وانتي متيقنه انه راح يجيب دعااائك ..ان دعائك هذا كله بيصير وانت بس موكله امرك لربك وتنتظرين عطفه فقط ..يعني هو بيصير ..وبتفرج ..وبترتاحين ..

لو لم ترد نيل ما أرجو وأطلبه *** من جود كفيك ما علمتني الطلبا
صدق والله

وافتتحي دعائك باللهم
اللهم اسعد قلبي ..اللهم يسر امري ..اللهم سهل يامسهل ..ياارب يااارب

ولكل مشكله دعاء يناسبها طبعا ..

يعني انتي وحسب مشكلتك ..
ادعي ربك باسمائه حسب المشكله اذا امر صعب يامسهل كل صعب
اذا حسيتي انك مكسوره ياجبار حسيتي انك مظلومه يانصير
قال بعض العلماء : اسم الله الأعظم الذي إذا دعي به أجاب وإذا سئل به أعطي هولا إله إلا أنت سبحانك إني كنت من الظالمين ، اللهم إني أسألك بأني أشهد أنك أنت الله الأحد ، اللهم إني أسألك بأن لك الحمد ، لا إله إلا أنت الحنان المنان ، بديع السموات والأرض ، يا ذا الجلال والإكرام ، يا حي يا قيوم .

ولاتنسون بعد كل دعاء تدعونه قولو اميييين اختمو دعائكم بها

قال رسول الله صلى الله عليه وسلم لما سمع رجل يدعو : " أوجب إن ختم " فقيل له : بأي شيء يختم ؟ قال :" بآمين ، فإنه إن ختم بآمين فقد أوجب"

وتذكروو ان تبدون بالحمد على الله والشكر له والثناء عليه وعلى نعمه
وبعدين تصلي على رسولنا الكريم اللهم صلي وسلم عليه
وبعدين تدعين بما تتمنين
تذكري بكلمه كن فيكون يتغير الحال ويتببدل ..
واختمي بالصلاة عليه صلى الله عليه وسلم ..

قال تعالي : " وآخر دعواهم أن الحمد لله رب العالمين "

والى هنا وصلت لاخر موضوعي

اسال الله ان يجعله من علم ينتفع به وان يكون لي لا علي يوم القيامه

اللهم اسعد قلوبهن ويسر امورهن واجمعني بهن في الجنه ياارب
اللهم اجب دعائنا وندائنا ياا سميع الدعااء ,,
دعواتكم بنات ..ربي افرج همي ..
والله ماكتبته ..الا وانا احوج منكم له ..
وصلي اللهم وسلم على نبينا محمد تسليما كثيرا

وسوري ع الأطاله
دعواتكم لي ربي يحقق مرادي ويسهل امري

جزاج الله خير موضوعج محتاجينه وايد ..والشكوه لغير الله مذله بس الواحد يرتاح لي فضفض

مشكورة على التذكير

موضوعج ياه بوقته جنج تدرين اني بحاجه لمثل هالكلام
عسى الله يوفقج ويحقق لج مرادج ويسعدج دنيا واخره ويرزقج من حيث لا تحتسبين اللهم امين

يزاج الله خير

موضوعج ياه بوقته جنج تدرين اني بحاجه لمثل هالكلام
عسى الله يوفقج ويحقق لج مرادج ويسعدج دنيا واخره ويرزقج من حيث لا تحتسبين اللهم امين

سبحان الله

الله يجزاك الف خير

كلامك يشرح الصدر ويبعث بالامل

الله يجعله في ميزان حسناتك

ويرزقنا ويرزقك راحة البال واستجابة الدعاء

الاميره جوري … اسعدني مرورك
سوسن … العفوو
brettey .. ويوفقك ويسعدك يارب
القطاة… ربي يسلمك ويفرج همومك
cat^q8.. وياك يارب
رواضي 20..تسلمين يالغلا ربي يسعدك
om_dodo.. اسعدني مرورك
english_teasher.. امين الله يريح بالك
زوجة عزيز .. اسعدني مرورك

معاج حق بكل كلمة .. يا رب افرج همنا وارزقنا على قد نيتنا

مشكوره

جزاج الله خير على الكلام الطيب والله يجعله فى ميزان حسناتك

.

يزآج الله خير : ) !
و الحمد لله على كل حآل .. !