إلى كل من في جامعة الكويت مهم تدشون هالموضوع

السلام عليكم و رحمة الله و بركاته ..

خواتي الحبيبات ..

مثلما تعرفون .. الاتحاد الوطني لطلبة الكويت ماسكته القائمة الائتلافية ..

و انا وحدة حدي حدي ائتلافية .. و دايما معاهم ..

فا اللي عنده اقتراحات و الا مشاكل و الا اشياءات ..

خل يكتبهم في هذا الموضوع ..

و اذا احد مستحي من مشكلة عنده ما يبي احد يشوفه .. ممكن تدزلي رسالة خاصة بالمنتدى اهني ..

على فكرة مو بس الاتحاد الوطني لطلبة الكويت ..

ايضا الجمعيات و الروابط اللي ماسكاتها الائتلافية ..

يعني هالسنة عندكم ..

جمعية العلوم

جمعية التربوية

رابطة الاداب

جمعية القانون ( الحقوق )

جمعية الاجتماعية

رابطة طب الاسنان

جمعية الصيدلة

جمعية كلية البنات

جمعية الطب ( هذيل ماسكينهم القائمة الطبية و هالقائمة نفس الائتلافية فا احنا واياهم واحد)

جمعية الشريعة ( هذيل ماسكينهم قائمة الشريعة (الاتحاد الاسلامي) و احنا معاهم متحدين )

يا جمااااااعة .. تعبت و انا اكتب الكليات اللي فزنا فيها ههههههه اللهم لاااااا حسد ..

الزبدة .. جميع الكليات ما عدا الهندسة و الادارية ..

بس مو معناته انه بنات الهندسة و الادارية ما يكتبون مشاكلهم !!!

لالالا ..

الكل يكتب ..

لأن انا قلت الاتحاد الوطني لطلبة الكويت و أيضا الجمعيات و الروابط اللي ماسكتها الائتلافية ..

يعني عادي .. الكل يحط اللي عنده .. بنات الهندسة و الادارية راح اوصل رسالتهم حق الاتحاد الوطني لطلبة الكويت ..

انا بالخدمة ..

كتبوا كل اللي عندكم ..

و ثقوا ثقة كاملة انه رسالتكم وصلت الى الجهة المطلووووبة .. و راح اعطيكم ردهم بخصوص اللي راح تقولونه ..

حياكم ..

احنا فزنا عشانكم .. عشان نخدمكم ..

فا خلونا نساعدكم و نحل مشاكلكم ..

و السلام عليكم و رحمة الله و بركاته ..

يعطيييييييييج العافيه

وان شاءالله البنات يشاركون بالموضوع

الله يعافيج اختي بنت الكويــــت

نبي تزيدون عدد القبول بالتخصاصات المرغوبه مثل الاعلام بدل 40 خلوهم 100 على الاقل..

لانه وايد مرغوب وكلما اقعد مع وحده تبيه حرام نتاخر…

و الاتحاد بيده كل شي مو..

هلا اختي رونة ..

مشكورة وايد على مشاركتج ..

انا طبعت كلامج و حطيته عندي بالملف .. باذن الله باجر الصبح راح اسلّم اقتراحج لرابطة الآداب + الاتحاد الوطني لطلبة الكويت .. و اقول لج ردهم ..

لا مو كل شي .. بس عنده صلاحيات و ضغوطات على الادارة الجامعية و عندهم شغل تقارير و كتب رسمية و كتب ثانية .. يعني ان شاء الله يحلون هالمشكلة ..

لو سمحتوا يا ليييييت تثبتون هالموضوع ..

ترى هالموضوع ينفع كل اللي في جامعة الكويت يعني مو شوية ! ..

انا بصراحه اتمنى تغييييير كافتيريا التربيه والمبنى ليش فرق بالكليات الثانيه وانا مع الائتلافيه واتمنى ايجاد حــــل بسرع وقـت

اختي ياريت لو تشوفون كفتيريا كلية البنات !

بس نتمنى التغير ويعطيج الف عافيه

السلام عليكم

إختي دكتوره سعيده :d .. أنا من كلية العلوم الإداريه وكنت طالبه من قائمة المعتدله إنهم يحطون لنا كورنر بالكافتيريا للمنقبات عشان يقدرون ياكلون على راحتهم وماشاء الله عليهم ماقصرو سعو لنا بهالشي وحطوه ..

بس اللي حطوه عباره عن بارتيشن خشب (قرشاعه) أنا أدري مو منهم من المدير الإداري !

فياليت تسعون لنا بإسم الإتحاد وتحطون لنا بارتيشن ثااااااااابت مو يشيلون ويحطون فيه اللي ينظفون لين تكسر !!

وإحنا متعشمين فيكم خير

[b]السلام عليكم…

انا اختي بالاجتماعيه توها مستجده وحدها معصبه لان لما الحين ما وزعتو اللوكرات الكورس خلص يعني لي متى تعبت من هالكتب تودي وتييب الصراحه مايصير جذي اهي معصبه تقول ماني مصوتتلهم مره ثانيه تبي المستقله تقول يمكن يسوون شي…. وثاني شي ترى ماكو كراسي وايد بالكليه مو اي احد ايي يلقاله مكان والكراسي شويه بالنسبه لطلبة وطالبات الكليه مايصير جذي يعني وين نقعد مايصير كل ساع نروح الكافتيريا ونرد حوسه وطريج محتاجين كراسي انتو حطيتو شوي لا بعد مكسرين مادري من وين يايبينهم كل مانقعد يهتزون اذا بتحطون حطو شي سنع والا مو لازم ……… واكرر سالفة اللوكرات نبيهم باسرع وقت حاولو انكم تخلصوون السالفه بس ملينا من النطره ….
وشاكرتلج اذا سويتي شي بخصوص هالموضوع

وانا بعد وياكم hasd- 83 نبي الكراسي واللوكرات باسرع وقت لانكم وعدتونا ببداية الكورس يا الاجتماعية…..