إلى المتزوجات الكشيخات اللي يدوخون أزواجهم بعد الفطور لووووول

مراااحب يا قمرات

شلونكم ؟؟
مبارك عليكم الشهر وتقبل الله صيامكم وقيامكم

أنا كتبت موضوع بس مادري وين راح بس لعيونكم الحلوه عدته

للمتزوجات اللي ييننوون رياييلهم وينسونهم أهلهم بعد الفطور لووووول
حبيت أن إحنا نفرفش.خصوصا أني راح انظم لكم رسميا 3 أيام العيد
ومنها يكون مرجع لنا إحنا العرايس ونستفيد من خبرتكم
وخصوصا في جعل الرياييل يتدودهون<<<ياعيني ع الفصحى لووووول
واتمنى أن الموضوع يتثبت وعلشان يكون موضوعنا مرتب راح يصير على شكل نقاط
1-شنو تلبسين بعد الفطور؟
2-شنو يكون مكياجج وشلون تسويينه؟
3شنو تسريحة شعرج؟
4-شنو اكسسواراتج
5-شنو رده فعل أبو الشباب<أهم شيء هذا اللي نبيه لووووول

1-شنو تلبسين بعد الفطور؟
كل شي

2-شنو يكون مكياجج وشلون تسويينه؟
فاونديشن طبيعي وايلاينر عريظ ومسكرا

3شنو تسريحة شعرج؟
عنقوص

4-شنو اكسسواراتج
اسواره ناعمه وساعه وتراجي

5-شنو رده فعل أبو الشباب<أهم شيء هذا اللي نبيه لووووول
مايخص احد

^
^
لووووول احلى شي الرد الاخير لووووووووول عاد متحمسه ابي اعرف شصار جان تدقرين

1-شنو تلبسين بعد الفطور؟
على حسب المزاج مرات اذا بنزل عند حمولتي اكون متجهزه ولابسه دراعه ومطلعه ملفي ونقابي واذا بنطلع دايركت بعد الفطور اكون كاشخه على سنقة عشره ولمن نطلع البس عباتي وملفعي ونقابي واذا بنقعد محنا طالعين مكان مرات اكشخ مرات البس لبس كيوت مرات بجامه يكون مالي خلق شي
2-شنو يكون مكياجج وشلون تسويينه؟
مو شرط كل مره احط مرات مالي خلق !!
بس اذا حطيت على حسب المزاج لي شفت عدة المكياج ابدع عاد مادري شحط
3شنو تسريحة شعرج؟
عنقوص مرات مفلول مرات جدايل
4-شنو اكسسواراتج
سلسله صغيره ناعمه ودبلتي واسواره ناعمه ومرات اذا لي خلق تراجي ناعمين وحجول
5-شنو رده فعل أبو الشباب
سر ما اقول

عني آنآ وحده مآطيق عمري :/ وين لي خلق الكشخة !

رغم آني مآزلت عروس بس طآآف ,

ان شاء الله اللي لهم بآرض وخلق يفيدونج ومآيختمونهآ بـ سر ومآرآح نقؤل p:

بمآ آني ساكنه عند حمولتي .. وافطر عندهم .. لزوم آني آكون بكآمل آناقتي وكشختي ..

آحط ميك آب نعووم .. البس دراعه .. آو تايور كامل .. افطر عندهم .. وبعدها اصعد لشقتي ..

اروح اغير .. البس بجامه .. او البس جينيز .. آو تنورة قصيرة .. او فساتين قصاار ..

تسريحتي آكثر شي ارفع شعري .. وقذله يا مفرق او على جنب ..

اكسسوارات بصراحه ما البس عند زوجي .. نااادر البس سلسال على حرفي ههههههههههههه

بس طبعنااا لما اطلع او انزل عند حمولتي البس خواتم وتراجي وعقد ..

ردة فعله .. دوم يقولي كشخه و ذوووووق ..:/

1-شنو تلبسين بعد الفطور؟
انا ساكنه عند حموله البس دراريع مطرزه او مشكوكه

2-شنو يكون مكياجج وشلون تسويينه؟
بسيط كحل وماسكارا

3شنو تسريحة شعرج؟
البس ملفعي واذا ركبت غرفتي عادي افتح شعري او ارفع نصه بكليب

4-شنو اكسسواراتج
تراجي شوي كبار ودبلتي

5-شنو رده فعل أبو الشباب
ابو الشباب بعد الفطور اهم شي عنده الزقاير!!

بس بقولج اللببس والمكياج مب مهم كثر تعاملج معاه لااااازم تحسسينه انه مرغوب وتمدحينه وتبينين له انج ولهانه عليه

ههههههه العنوان ضحكني
أنا بعد الفطور كككككله نايمه ودايخه ريلي لاعت جبده هههه
بس شسوي اهو عارف اول اسبوع من رمضان هذي حالتي
اليوم صحصحت اشوي

كله نركض وراء رضا ها ريايل بس ماكو فايده

موضوعج حلو

1-شنو تلبسين بعد الفطور؟
عادي فستان قصير او دراعه ناعمه على حسب الموووود

2-شنو يكون مكياجج وشلون تسويينه؟ انا بشرتي بيضه و حلوه الحمدالله فمااحط فاونديشن بالبيت فاسوي حواجي و مسكره و مرات كحل ازرق او اخضر داخل العين وحمره لون طبيعي

3شنو تسريحة شعرج؟
عنقوص او ارفع طرف شعري بكلبس او افله

4-شنو اكسسواراتج
ولا شي

5-شنو رده فعل أبو الشباب
نوعه مايعلق كلش

لووووووووول ليش عقب الفطور في وقت يادوب الرحال يقعد مع اهله وشاي وقهوة وعقبها تراويح

جوابي مختصر

مو گل يوم اكشخ بس اهم شي انيقه و متنوعه

الشعر مهتمه فيہ يومياً

الريال مايدوخ ع مرته من شكلها وبس لا

يدوخ ع حركاتها والسانها العسل معاه

بعد الفطور انام تحته نووم گل اشوي الملم فيہ وامصع خدوده

واتغزل فيہ لي طاف جدامي ولي قعد يمي وامدح فيہ واااايد

بس اذا مزاجه متعكر اظل يمه ساكته

1-شنو تلبسين بعد الفطور؟
ملابس بيت تكون حلوه مثلا جينز و حفر او نفوف. ضيج او قصر ومرات قمصان نوم أدا حسيت ان يمدي نجابل بعص

2-شنو يكون مكياجج وشلون تسويين؟
انا ماحب. مكياج ثقيل و اتفطر يوم وترك مره فبيتنا مره فبيتهم فأكون اوردي حاطه مكياج فاونديشن ومسكرا وبلاشر وساعات احط حمرهطبيعيه

3شنو تسريحة شعرج؟
اكثر شيء احب اخليه مفلول خصوصا ان توني قاصه شعري فابي تبين القصه ومرات اسوي دبل عنقوص. ومرات احط باند وبس

4-شنو اكسسواراتج؟
التراجي ضروري يوميا واحيانا سلسلة ناعمه وسورات. ومرات البس حيول بريلي

5-شنو رده فعل أبو الشباب
ماكو ردة. فعل كلش مايعلق. ولا كأنه يشوف بس اكيد يحب الكشخه
ومرات اتحسف اكشخ لان ماكو وقت اشوفه وايد ورا الفطور على طول يروح القهوه يرد قبل السحور بشوي ياكل وينام فأكون كاشخه توني وشويه واقوم امسح المكياج حق الصلاة وابدل ملابسي حق النوم

اما السؤال الاخير مبدعيييييييييييين فيييييييه ههههههههههههههه