إلى أمهات أطفال التوحد

بنات شلون تعرفون ان عيالكم فيهم مرض التوحد؟
لازم فحص عند الطبيب ولا بروحكم تلاحظون ان فيهم شي؟
وشلون يتعاملون معاكم؟ يعني كلا ساكتين ولا يتحجون عادي؟ وشلون استيعابهم؟
والتوحد يكون من الصغر ولا عادي ممكن يصير بسن السبع السنين وفوق؟
وهل الأكل له علاقة بالموضوع .. يعني قلة أكل أو مايكون كلش ..؟
وهل في حركات معينة يسوونها؟
وهل التوحد يصير حق الي ماخذين من الأهل ولا عادي حتى الي ماخذين من بعيد؟

وأهم شي هل له علاج .. يعني يرجع الطفل طبيعي ويمارس حياته طبيعية .. ؟

اقتباس:

المشاركة الأصلية كتبت بواسطة عبق البنفسج بنات شلون تعرفون ان عيالكم فيهم مرض التوحد؟ لازم فحص عند الطبيب ولا بروحكم تلاحظون ان فيهم شي؟ وشلون يتعاملون معاكم؟ يعني كلا ساكتين ولا يتحجون عادي؟ وشلون استيعابهم؟ والتوحد يكون من الصغر ولا عادي ممكن يصير بسن السبع السنين وفوق؟ وهل الأكل له علاقة بالموضوع .. يعني قلة أكل أو مايكون كلش ..؟ وهل في حركات معينة يسوونها؟ وهل التوحد يصير حق الي ماخذين من الأهل ولا عادي حتى الي ماخذين من بعيد؟ وأهم شي هل له علاج .. يعني يرجع الطفل طبيعي ويمارس حياته طبيعية .. ؟

والله يا اختي .. اول شي راح تلاحظين من عمر تقريبا سنتين إلى سنتين ونص ان الطفل مو عادي حاله حال اليهال الباجي .. يعني تقريبا من هالعمر تبدأ الشكوك ..
عقب عاد الأفضل طبعا تودينه حق دكتور طب تطوري للفحص ..

والتوحد انواع يعني ما في حاله تشابه الثانيه .. في منهم من يتكلم وفي اللي كله ساكت وفي اللي يخربط ما تدرين شيقول نفس ولدي حبيبي ..

له علاقة بالأكل تقول الدراسات الحديثة ان الأكل له علاقه عشان جذي الغالب يمشونهم على حمية الجلوتين والكازين .. واهيا منع الطفل من منتجات الحليب والقمح مع توفير البدائل طبعا ..

في حركات معينه يسونها .. يعني يتعلق بلعبه معينه ما يهدها بالمرة .. يرتب الأشياء بصف مستقيم ..
رفرفة اليد .. المشي على أطراف الأصابع .. صعوبات بالنوم .. يحبون الروتين .. هذا اللي يطري علي ولو تدخلين موضوعنا المثبت مال التوحد راح تستفيدين أكثر ..

ما ادري اذا كان له علاقة باللي ياخذون من بعض .. لأن اغلب البنات اللي اعرفهم عيالهم صاير فيهم واهيا وزوجها ما يصيرون حق بعض ..

آخر سؤال صعب للحين ما طلع علاج يعالج كل الحالات .. بس في العلاج بالخلايا الجذعيه .. العلاج بالأكسجين .. العلاج بإزالة المعادن الثقيله من الجسم .. العلاج بالحمية .. بس ممكن ان اللي يعالج ياهل ما يعالج ثاني .. طبعا مع جلسات النطق وتعديل السلوك الياهل وااااااااايد يتغير
وأي سؤال حبيبتي احنا حاضرين