إعلان وظائف شاغره في بنك التسليف والادخار

السلام عليكم

بنك التسليف والادخار منزل اعلان عن وظائف شاغره

في حق خريجين علم اجتماع وعلوم سياسيه واعلام

انشالله واضحه الصوره..لان حاولت ادور بالنت ما حصلت

في وحده منزله نفس الموضوع..بس اعلانها مو ذاكرين خريجين بعض الكليات..
والاعلان هذا غير،،،فقلت انزله وافيد البنات

التقديم من تاريخ ١٩-٢-٢٠١٢ لمده اسبوعين

الموقع الالكتروني لبنك التسليف والادخار
www.scb.gov.kw.

الاوراق المطلوبه

شهادة الميلاد
صوره الجنسيه
شهاده التخرج طبق الاصل
صوره البطاقه المدنيه
صوره الجواز
ورقه لمن يهمه الامر من التأمينات الاجتماعيه

وبالتوفيق..

زيــــن

شلون اقدم من الموقع نفسه ؟ مايصير؟

لازم تروحين

شلون معاشاتهم ؟

وعليكم السلام ورحمة الله وبركاته

يعطيج ألأف عااافية ع الإعلان ما كنت ادري عنه

بس بنات في وحده تعرف وين موقع بنك التسليف والإدخار ؟
انا باجر إن شاء الله رايحة بس مو عارفة وين مكانهم =(
فممكن احد يوصف لي ؟

^^

شوفي هذي خريطة لشارع الشهداء

اهو قرب الاطفاء العام

يعطيج ألــــــف ألــــــــــــــــــــف عافية
صج مشكووورة وجزاجج الله خير ع الخريطة
يا رب تتحقق كل احلامج وامانيج

يعطيج العافية

التقديم من عندهم
بالديره

شفتي برج التحرير..وبلديه الكويت
يكون ورا بلديه الكويت

اللي اعرفه شهاده بكلريوس علم اجتماع ٩١٠ صافي

وباجي التخصصات يقولون معاشاتهم حلوه

تعرفين برج التحرير
وبلديه الكويت اللي بالديره
بينهم اشاره
خلي بلديه الكويت على ايدج اليمين ، ولفي يمين اللفه اللي قبل الاشاره..
تييج اشاره بويهج..وهم لفيها يمين..وتشوفين بعد اشاره ثالثه..هم اخذيها يمين ،والمسافط على يمناج..
في لوحه مكتوب عليها بنك التسليف والادخار
دخلي المسافط..ونزلي من السلم للطابق الارضي .

مشكوره

بنات اذا كنتو ماخذين دورات..سواء icdl
اوغيرها..ودو معاكم الشهاده

واذا مقدمين امتحان توفل..هم ودو الشهاده..
اهم شي تكون كل الاوراق معاكم

وبالتوفيق جميعا..

ملووون وصفج مظبوووط
يدي وصفلي ع وصفج وكان تمااام

يعطيج ألف عافية ع الوصف وع الموضوع انج نزلتييه
في ميزان اعمالج ان شاء الله

انا رحت قالولي يبون صورة مع ان موكاتبين يبون صورة شخصية عاد باجر بروح اكمل ..

ملون متأكده من معاشاتهم انا بكالريوس ادارة .. تهقين نفس الشي؟

عادي امي ولا اخوي يودي اوراقي ولا لازم حضوري؟؟؟
وشلون المكان ومعاشاتهم للدبلوم ؟؟