إحتفال زوجه بمناسبة مرور سنه على زواجهاآ ~ مع التعليقات

طبعا الموضوع ملطوش من منتدى ثاني

هذي سلمكم الله مر على زواجها سنة وحبت تفاجئ زوجها بحفلة عملتها بنفسها بالبيت
تقول بالمنتدى هذاك

اقتباس:
السلام عليكم ورحمة الله وبركاته

جبت لكم صور عشانا انا وزوجي بمناسبة مرور سنه على زواجنا

طبعا كله من طبخي وتصويري

واذا تبغون المقادير بكتبها لكم بموضوع في المطبخ

وعقبالكم يارب
جا الزوج ولقى هالسفرة العامرة قدامه

[IMG]

[IMG][/IMG]
وهذي تعليقات الاعضاء بالمنتدى هذاك

اقتباس:
كبسسسسسسسسسسسسسسسسسسة حمراااااااااااااااااااااااااا

ودجاااااااااااااج شوايه

لايجي بطنس شي تراها عيني ههههههه

الله يتمم عليكم بالسعاده والتوفيق والراحه
ولايغير عليكم

اقتباس:
الحين هذا طبخك او طبخ رجالك ؟؟؟؟!!!

اذا تبين الجد

اتوقع انها اخر حفلة لك مع هالرجال المسكين

اجل هذا عشى حفلة

العامل باستراحتنا يسوي لنا احسن من كذا

يارب لك الحمد على النعمة رز احمر وملوخية وعصير تانج

أأي ياكبدي

اقتباس:
انا أكثر شئ شدني في الطبخة ,, رقبة الدجاجة واضحة أنك طابختها لحالها !!!

صور عشاء زواجك صراحة له معاني سامية بغض النظر عن أنه بسيط أو انه عشاء عزابية ومن هالمعاني ان لقمة هنية تكفي مية ومن معانيه بعد ان اهم شئ الاخلاق

ولا يفوتني اني امدح زاوية التصوير حقت الصورة الثانية كانت زاوية مناسبة للالتقاط السماط ( السفرة ) وأكواب العصير وصحون الملوخية .. وكراعين الدجاج

الله يهينكم على طووول

اقتباس:
اشبك ياعزوز ع البت

بالعكس اخسريك منو مايفهم

وربي قمممه الرومنصيه

حتى من جد افكر اتزوج بعد موضوعك ذ1

<< مغمضه عيونها وتتخيل الشكل حول الملوخيه

خصوصا المصاص خش مزاجي

اقتباس:
لا حول ولا قوة الا بالله

اجل هذا عشاء يفتخر فيه

بالله اللي سوت الرومنسية هاذي ما لقت الا كبسة دجاج احتفالا بمرور سنة على زواجها

بصراحة مو معقول عن جد لازم ننشره في الاخبار ووكالات الأنباء أن فيه وحده طبخة لزوجها كبسة دجاج بمناسبة مرور سنة على زواجهم

الله يكملك بعقلك

اقتباس:
والله انك صح هذاالي ينفع للرجل السعودي املي كرشته عشان يسد ثمه ولا لونك متكلفه كان قال وشذا الخرابيط وحتى لوجاملك واكل كيكه وعصير ناظرك وقال مافيه شي ينوكل !!!!!

اقتباس:
اجل عصير برتقال مع رز ودجاج محروق

وإلا السفره اللي من عصر جدتي

السنه القادمه حطوا حفله صح قاتوهات مشويات فطائر عصائر جذابه

وجلسه تفتح النفس في موقع يفتح النفس

واذا تبغوني انسق لكم ماعندي مانع وعلى حسابي ها بعد وش تبو

اقتباس:
مهي قصة محترين بس هذي ماشافت وش سوت نور لمهند في عيد زواجهم

صراحة انها جابت احباط للشباب السعودي المقبل على الزواج

يعني غير انا بنقبل بهن وهن ثلاثة الوان تبونا نقبل بسفرة العزابية اللي حاطتها

خلاص قررت ادور على اجنبية بعد سفرة التانج والدجاج المحترق اللي محتفله فيه

اقتباس:
على خير وعقبال 100 سنه

وبصراحة صاااااااااااادقة اختي الداوودية الشعب السعودي حاسد مهند على نور

اوخص يانصراوي اللي ذابحتك الرومنسية

شيفن نفسك مهند واخذ مقلب بنفسك تبي تزوج اجنبية علشان تملاها عقـــــــــــــــد لا تطلعين لا تجين لا تدخلين لا تاكلين لا تلبسين

اكثر شي تعرفونها كلمه لا

بعدين حنا السعوديات يالله يالله راضين فيكم هالحين الاجنبيه بتقؤل بسس تعال اخذني موافقه!!!!!!!!

اقتباس:
هو حدا امرين يا ان هالسفره بشقة عزوبيه وهذا الاقرب

يا انك من جدك وهذي مصيبه

الحين تركتي كل انواع الرومنسيه ولا عرفتي الا دجاج ورز
وملوخيه وعصير الربيع حاطته في كاسات

شوفي هذي السفره غيريها حطي جرايد
عشان تطلع من جد تحفه تقل غدى عمال يبنون عمارهـ

هههههههههههههههههههههههههههههههههههههههههههههههههه هههه

اللهم لا شماته

لعنبو بليسك متنب صاحيه واقسم بالله شئ يقهر
انا لو اني مكان زوجك باكل بعدين بزعل

<< ما يبي تفوته الكبسه

هذا حفل مرور سنه اجل السنه الجايه وش بتسوين
كل واحد اثنين شورما وعصير الثلاث جواهر << يا قدمي

السنه الي عقبها صحن فلافل
بدون مشروب

الي عقبها خبزة تميس وشاهي
وغمس يا عمممممممممممممممممم

اللهم لك الحمد على النعمه
ما اقول شئ

بس من جد الرمنسيه لها اهلها
وانتي من جنبها في الرمنسيه

بس ما اتوقع انك سعوديه
بنات السعوديه ملكات الرمنسيه

اصلا مصنع الرمنسيه في بناتنا الله يخليهم لنا
ونصدر برا

انتي شكلك والله اعلم افغانيه
من تورا بورا

اجل كبسه بمناسبة مرور سنه على الزواج

يا شيخه ليتها كيك امريكانا
وعصير تروبيكانا

اصرف

ههههههههههههههههههههههههههههههههههههههههههههههههه

أجل كبسسه وملووخيه لاا وعصير برتقال بعد

قسم تحطيم أحس البنت انتحرت بعد هالتعيقات ~> الله يكون بعونهآ

اقتباس:
هو حدا امرين يا ان هالسفره بشقة عزوبيه وهذا الاقرب

يا انك من جدك وهذي مصيبه

الحين تركتي كل انواع الرومنسيه ولا عرفتي الا دجاج ورز
وملوخيه وعصير الربيع حاطته في كاسات

شوفي هذي السفره غيريها حطي جرايد
عشان تطلع من جد تحفه تقل غدى عمال يبنون عمارهـ

هههههههههههههههههههههههههههههههههههههههههههههههههه هههه

^
^
^
ررررررررررهيب تعليقهااااتهم
ما يسوى عليها هالاحتفال كسررررررو فيهاااا
يآآآآآآآآآآآحبهم للشماته تمصخرت البنت
كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآك