أهل الزوج يضلون أهل زوج؟

حبايبي والله قاعده اكتب وآنا ضايق خلقي ومو حابه اكتب بس حييييل مكتأبه,,,,,,, السالفه وما فيها اني عايشه بيت حمولتي والحمدالله احب خالتي وحمواتي وهم حمواني والله علي شاهد وخالتي بالذات اموت عليها وما ارضى عليها والله يعلم ياما تناجرت مع ريلي عشانها وكله يقولي انتي شكوا؟؟؟ بينا؟؟؟ بس انا احبه يوصل فيها عشان باجر ولدي يوصل فيني وغير جذي اهي حبوبه بس فيه شغله لاحظتها واهي اللي مضايقتني لما يصير فيه مناسبه تبين غلاج عند زوجج او انه يحبج يقلبون وتتغير النفسيات كنت الاحظ هالشي بعد لما ارد من سفره طويله لازم تصير انفوسهم شينه ألحين صايره شغله خاصه والله ياجماعه خالتي متغيره علي وما ابي اقولها اخاف تفهم غلط بس حييييل متضايقه من تصرفهم مع العلم ان حمواتي ما شاء الله عليهم يسافرون ويروحون ويردون زين ليش ماترضون للناس مثل اللي انتو تبونه؟؟؟ وزوجي ترى مو الله واكبر رومانسي ولا معيشني حياة الملوك اصلا اكثر السفرات على حسابي بس الناس مالها الا الظاهر

آنا اللي مضايقني اني حيييييل حابه العايله ومتداخله معاهم وجدانيا بشكل ما تتصورونه ليش اصدموني وبينو لي ان أهل الزوج يضلون ينظرون لج انج مرت ولدهم طيبه مو طيبه مو مهم شي يحر والله

من صجج ؟ اخاف يتهيألج !! بالعكس المفروض يفرحون لج انتي مرتاحه ومستانسه مع ولدهم ومو مقصر عليج بشي ! والله ناس غريبه

خليج مثل ما انتي ولا تتغيرين عليهم والله يهديهم اذا جذي تفكيرهم !

طوفي حبيبتي

انا كثري محد تداخل مع حمولته كنت ولا زلت اموووووووووووووت عليهم والله عطيتهم ماي عيني ..

عادي يا قلبي يا مالج من الصدمات ..

طوفي ولا تديرين بال

حبوبه الكل جذي ابسط شي .. تكون معتقد انج مفلسه الرجال .. وبينها وبين نفسها تقول يجمعون لهم فلسين حق البيت احسن من ها السفرات اللي ما لها داعي .. ترا نفس الكلام يوصلني .. بس طبعا بالخشيش !!
شوفي ياقلبي انتي قلتي الناس ما لها الا الظاهر .. براااايي لا تعقدين الامور .. و تواصلي مع ام ريلج عااادي مثل اول واحسن . واهي شوي شوي .. بطخ .. ما تدرين يمكن وانتي مسافره وحده من بناتها حشت لها راسها .. بقعدتج ومعاملتج الحلوة بتغير و يروح الحشي اللي حشو فيه راسها ..

حياتي بيت الزوج معروفين مو كفو مع احترامي للجميع
سوي اللي عليج و عيشي حياتج و طنشي الباقي لا تضايقين
مدام انتي ماسويتي شي غلط و خالتج انتي زينة معاها و زوجج شايف هذا الشي خلاص ماعليج من أحد
هذول محترين منج

عندنا وعندج خير حبيبتي

لا تحطين ابالج حبيبتي اكيد يتروالج

حبيتي ليش هالكلام … ترضين مرت اخوج اذا كان عندج تقول انكم مو كفو!!!

بالنسبة لصاحبة الموضوع … ما عليه حبيبتي طوفي … دام انتي زينه اهم بيصيرون زينين

واذا حسيتي انهم شاينين نفسهم عليج … خلج رسميه … وعادي لا تبينين لهم شي ولا لريلج

صدقيني لما يشوفون انج طيبة وانج ما تشيلين بخاطرج بيحطونج فوق راسهم … خاصه انج تقولين انهم حبوبين

لا تحطين في بالج والله يهديهم لج

حبيبتي طوفي واستانسي وعيشي حياااااااااااااتج

هم شي ريلج والباجي مو مهم

حياتي الحموله مع اخر مجلس معروفه هذي
و احترمي خالتج وعامليها مثل ماتعاملين امج
حبيبتي الانسان يتعامل باخلاقه واذا قلبوعليج بدون سبب صدقيني بردون مثل اول بس خليج نفس ماانتي بطيبج واخلاقج العاليه

الله يهداهم بس ليش جذي؟
انتي ما تقدرين تتصرفين الا انج تطنشين
سبحان الله يمكن يصادف انهم زعلانين على شي و اني تحسبين انهم زعلانين عليج
الله يعينج

مالي شغل فيهم مب اهلي عشان احطهم على بالي

يااختي طنشي وترا دايما انتي بنظرهم بنت ناس مب بنتهم

عادي لاتتضايقين اذا اهما زينين معاج مثل ماتقولين لا تكبرين الموضوع وقت اهما امنفسين اشوي ابتعدي عنهم وصج لين قلتي اهل الزوج يضلون جذي ونادر ما تلاقين علي قلب واحد اربع وعشرين ساعه انا هم احب اهل زوجي واهما يحبوني بس لازم تصير سوالف من تحت الارض شنسوي بعد تحملي وابتعدي عنهم اشوي

اي والله طنشي والله مايبين بعيونهم الطيب كلش
خالتي بناتها يوميا يروحون السوق عادي عندها واذا حريم عيالها راحو طنقرت طول اليوم ومدت البوس وي اسم الله ولا تقووووول مالها
حاجه بس تمشى بالسوقه هه الحين بنتك لا متزوجه ومنثبره عندج بالبيت وكل يوم ذالفه شنو حاجتها ما ادري واحنا بالسنه حسنه ومالها حاجه
ما تشوووف ببناتها كلش ..

وحماتي موظفه وناهبه ريلي ما ادري تغار ما ادري شسالفتها والله انها تاخذ منه اكثر مني ..
اقل شي حتى لو رصيد وصلي منه تدق عليه على طوول وتقوله يدزلها رصيد امبيه شقصدها ما ادري ؟

والمصيبه عمرها 35 وموظفه شالحكمه من تصرفاتها ما ادري ؟؟؟؟؟؟؟؟؟؟؟

هلا أختي ماحبيت أطلع من دون رد لان موضوعج وارد في كثير من الاحيان

وكلنا معرضين لهالشي والله يديم المحبه بينكم ولايغير عليكم يارب بس انا بقولج حاجه

انتي تحبين خالتج وتحترمينها ويضايقج ان انتي تشوفينها متغيره للهني الكلام حلو بس مافكرتي

تعذرينها شوي لان كل شخص فينا عنده ظروف وشغلات تخليه شوي يتغير مزاجه يعني مو كل يوم بيكون

لها بارض وتضحك وتسولف مع الناس ممكن تكون متضايقه من موضوع ممكن يكون ولدها مضايقها فشي

عادي لاتحطين نفسج ان انتي السبب اذا كنتي متأكده من هالشي وواثقه من نفسج انج ماغلطتي على حد

لايهمج شي ولاتعبين نفسج بس اذا استمر هالشي معاج حاولي تروحين لها تناقشينها بهدوء قوليلها يمه

انا سويت شي ضايقج تراج غالية وعزيزه خليها تحس بغلاها ترا الام تبقى ام يمكن حست بسفرتكم هذي

انج خذيتي منها وليدها عاادي ترى كل الامهات يغارون على عيالهم تخيلي ولدها حبيبها اللي ربته وتعبت عليه

فجاه تكون فحياته وحده ثانيه غيرها اكيد مو اهم منها بس بتبقى ام عياله وقريبه منه يمكن أهي تحس انها مفتقدته

لانه انشغل عنها شوي انتي حاولي انه مايبين غلاج قدامها هي بالذات وفي حضورها لازم تكون اهي الكل فالكل

صدقيني هالشي بيكبرج فعيوون خالتج وزوجج انصحيه هالنصيحه لاتبين له شعورج قدامهم حاولي تكونين مستمعه

لسوالفهم حاوريهم اذا كانو قاعدين مع بعض بس لاتكونين محور الحوار ترا بيكون لج اجر عظيييم عند الله انج تراعين شعور

هالمره ترا كل مايكبر الانسان كل مايرق قلبه ويرهف أحساسه بتحس انها وحيده حتى لو كانت عايشه بينكم انا هالكلام عن تجربه

صارت قدام عيني وحاولي انج تكسبينها دووم في صفج ترا رضا ولدها من رضاها …