أنا ساكنه بالعقيلة ،،، وناوية أولد بمستشفى لندن ،،، نصحوني الله يجزاكم خير

خواتي ،،، شرايكم بمستشفى لندن ؟ الله يبارك فيكم نصحوني ،، حابه أولد فيه لأنه قريب من بيتي ،، وأريح حق زوجي ،،، لأنني بولد قيصري وبقعد فترة أكثر هناك ،،، شوروا علي …

بصراحة انا لو ساكنة هناك جان ولدت فيها
لان الكل يمدحها ويمدح تعاملهم واهتمامهم
وحتى دكاترتهم وايد زينين
الله يسهل عليج يارب

توكلي على الله ولدي فية انا ولدت في صراحة عجبني وايد هدوء و يهتمون فيج عدل

أهم شي انج عقب ماتقررين وين بتولدين صلي استخارة عشان ماتندمين … ترى السهالات من رب العالمين مو من المستشفى …

الله يكتب لج اللي فيه الخير حبيبتي …

مرة حماي دوم تمدحه
وماسمعت احد يذمه
والله يسهل عليج يارب

انا سمعت عنه رايين ناس يمدحون وناس يقلون بوطقة وحرام فيه الفلس !! انا جربت السونار عندهم العادي كان اوكي وزين بس الرباعي حده بوطقة مايعرفوله

انا افضل مستشفيات كبيره لخالات الطوارئ لا سمح الله
لان تعتبر هذى مستشفيات يوم واحد يعني للاشياء البسيطه

وان شاءالله تولدين بالسلامه

الله يبارك فيكم ،،، وان شاء الله الله يجيب اللي فيه الخير ….

الله يسهل عليج يارب
توكلي على الله وروحي مستشفى لندن
انا بعد ناوية اولد فيها اذا الله كاتب لي
ولادتي خلال ايام بإذن الله

بس عفواً ليش ولادتج قيصري ؟

الله يسهل عليج
انا بعد ناويه اولد فيه بس والله خوفوني بعض البنات والحين محتاره وخايفه وانا بروحي على طريف خوافه درجه اولى الله يستر

أنا والده فيه طبيعي خووووش مستشفى والسهالات من الله

الله يسلمك حبيبتي ،، أنا حبيبتي حوضي ضيق ،،، وبكل عيالي ولادتي قيصرية ،،، الله يسهل لج ولادتج بإذن الله ،،، تصدقين أنا زوجي مو راضي أولد بمستشفى لندن ،،، يقوللي ،،، أخاف عليكم لأن لازم تكون مستشفى مجهزة ولها خبرة من زمان ،،، إذا صار مضاعفات لا سمح الله ،،،، لازم يكون عندهم تجهيزات ،،، والله مادري الله يجيب اللي فيه الخير يا رب العالمين…

برق ورعود والله أنا مثلك ،،، الله يسهل لنا يا رب العالمين
خاتون الجهرا الحمد لله على سلامتك ،،، والله أنا اللي مخوفني إنه ولادتي قيصري ،،، الله يسهل يا رب

انا رفيجتي تمدحه وناوية اولد فيه ان شاء الله

تبين نصيحتي انا ما اقولج ماانصحج فيه او ان مو شئ بس بقولج كلمه اكبر من جذي

(((( انحاشي عنه )))))