|
|
السلام عليكم ورحمة الله وبركاته
قاعده اكتب لكم موضوعي هذا وانا محجووووووزه 
قصتي
امس باليل عاندت ريلي وقلت له لالالالالالالالازم اروح الجمعيه اييب الماجله وريلي يقول لي يابنت الحلال قعدي الدكتور مانعج من المشي والحركه ,, وانا لالالالالا والف لالالالالا ابي اروح اييب الماجله انت كله اتييب الماجله غلط 
وعندت وطلعت ورحت الجمعيه وتشريت اغراض واااااايد وقضيت لي جم مشوار ورديت البيت والامور طبيعيه، ونمت الساعه حوالى 3 الفجر وقمت على الساعه 4 وربع الفجر وتحتي بركة دم كبيييييييييييره ,, بالبدايه كان عبالي ماي والليت مسكر ويوم تبطل الليت الا اشوفه دممممم احمممممممممر ووااااااايد جان اقوم من الخرعه وركض على طوارئ الولاده وطبعا ماقصروا خدمتهم زينه للحين سوولي سونار وطلع كل شي طبيعي والياهل بخير والمشيمه فووووق وحركة الياهل زينه وحطوني على التخطيط مال الطلق وبين ان فيني طلق باااااااارد والرحم فاتح 2 سانتي.
والله الجماعه ماقصروا خيروني تولدين الحين ونحطه بالحضانه ولا نحط لج تحميلة توقف الطلق وراح تاخذينها باليوم مرتين ولازم تنحجزين بالمستشفي ؟؟؟؟ جان اختار التحميله وماكو ساعه الا الطلق وقف ولله الحمد وجسمي كله تخدر ولله الحمد.
والحين انا تحت الملاحظه لمدة غير معلومه الله يسهل المهم سلامتي وسلامة بعد عمري فديته.
هذي قصتي واسفه على الاطاله
حبايبي منو اولدت بأول الثامن وكان وزنه 2 كيلوين ؟؟؟ وشنو صار معاها ؟؟؟
وتولدين بتاسع ان شاء الله ويطلع بيبيج سليم معافا يااااااااااااااااااااااارب
والحين ديري بالج لاتتحركيين كلش خلج كله مرتاحه
والله يعافيج من كل شر
ياعمري العلم تطور ….
والله في ناس تولد بالسادس والحمدلله ما فيهم الا العافيه
وبعدين خليها على الله واقعدي الحين اقري سورة البقره والله يسهل عليج
ما عليج شر ان شاء الله، انتي حالتج اهون عن حالتي، انا ولدت بالثامن اخر مره، وكان وزن بنتي 900 جرام، تتخيلين، بس الحمد لله، شوفيها الحين شو زينها، اذا ولدتي بالثامن بيخلونها عندهم لين ما تدخل الشهر التاسع، واذا ما عليها خطر بيعطونج البيبي، وبعدين اذا بتربين في الثامن، بيعطونج ابرة لرئة البيبي، وهذا شي طبيعي،
ان شاء الله تدخلين التاسع وما عليج شر حتى لو ربيتي بالثامن حياتي
بالسلامة والله يسهل عليج غناتي
ام هاجر
وعسى ربي يتمم عليج
والله ضيقتى خلقى بس لاتخافين اختى ولدت بالثامن وكا ولدها يهبل ماشاء الله عليه
عسى ربي مايضيع عليج تعب حمالج
ويفرح قلبج
امييييييييييييييييييييين
|
المشاركة الأصلية كتبت بواسطة بدوره 22
 حبيبتي الله يسهل امورج ان شاء الله
ياعمري العلم تطور …. والله في ناس تولد بالسادس والحمدلله ما فيهم الا العافيه وبعدين خليها على الله واقعدي الحين اقري سورة البقره والله يسهل عليج |
تسلمين ياقلبي والله يفرحج بضناج بتمامه
المشكله اني موطاهره الحين 
وتتسهل ولادتج وتولدين بموعدج ياااااااااااااااااااااااااااارب
|
المشاركة الأصلية كتبت بواسطة um hajer
هلا ام عبد الله
ما عليج شر ان شاء الله، انتي حالتج اهون عن حالتي، انا ولدت بالثامن اخر مره، وكان وزن بنتي 900 جرام، تتخيلين، بس الحمد لله، شوفيها الحين شو زينها، اذا ولدتي بالثامن بيخلونها عندهم لين ما تدخل الشهر التاسع، واذا ما عليها خطر بيعطونج البيبي، وبعدين اذا بتربين في الثامن، بيعطونج ابرة لرئة البيبي، وهذا شي طبيعي، ان شاء الله تدخلين التاسع وما عليج شر حتى لو ربيتي بالثامن حياتي بالسلامة والله يسهل عليج غناتي ام هاجر |
هلا وغلا بأم هجووووره
اسم الله عليها وااااااايد صغيره وعنونه
تفرحين فيها ان شاء الله واهي عروس
اييييييييي عطوني للحين ابرتين ملوت الرئه
وابر وايد بعد حق وقف النزيف ومسكنات