= أمينـــــات المخزن ==

السلام عليكم ورحمه الله وبركاته

مبــــــــــــــارك عليكم الشهر

هالتخصص نادر احد يتكلم عنه بفتح المجال له اليوم

وهو امينه المخزن بالمدرسه

اهي وظيفه مررررررررريحه تعتبر اريح وظيفه بإداره المدرسه

لكن فيها سالفه العهده ( عهده المدرسه )

ياليت اللي عندها خبره تتكلم عن هالوظيفه لاني امينه مخزن فمن كثر الاجازات اللي اخذتها مو عارفتها
وبمااني نقلت قريب من بيتي ناويه اعرفلها عدل
وجم ملف اسوي للعهد قالولي 7 ملفات

طيب والسجل اللي يتحجون عنه شيطلع ومن وين اخذه………..؟

للحين ادرس وتخصصي ادراة مواد

اتمنى البنات يفيدونج

نفس تخصصي

وناطرين احد يفيدنا

حبيبيتي ماعندي خبره بس حبيت اسالج هالتخصص وين درستووه ؟؟

قصدج شنو تفتحين 7 ملفات ؟؟؟ العهده اللي عندج اكيد في لها ملفات وانتي مهمتج انج اطابقين العهده اللي عندج بالكروت ولازم تكون نفس الشي ثاني شي عندج نوعين من المواد مواد مستهلكه ومواد دايمه يعني مثل المكتب والكرسي هذي عهده شخصيه ومو مستهلكه مثل الاقلام والاوراق وهالسوالف ف انتي عليج اتسجلين اللي يطلع من المخزن حق الموظفات بالاستمارات علشان بعدين لما اتسووييين الجرد الا شغلج كامل المهم ان الكروت تتطابق م ع المخزون وسلامتج شغلج حلوو

البنوته

هذا تخصص بالتجاري اسمه اداره مواد اللي تتخرج منه تصير امينه مخزن بوزاره التربيه اما الوزارات الثانيه فمادري شنو مسماها

الجوري الوردي

مشكووووووووووووووووووووووووووووره

بس شنو الكروت اللي تقولين عنها

انا يالغاليه مسويه 7 ملفات بما اني ابتدائي اللي هي

1- عهد المعلمات ( من لوحات ودليل معلم ..الخ )

2- عهده مختبر العلوم

3- عهده التقنيات

4- عهده الموسيقى

5- عهده التربيه البدنيه

6- عهده الحاسوب ( كمبوترات وسكنرات والخ…)

7- عهده الاثاث المدرسي

وبس عشان مااتخربط دامني جديده بالمدرسه

واللي موجوده معاي على حظي اجازه وضع وامومه بعد وانا ماعندي خبرررررره
وصبحان ما يردون على التلفونات كلش

فمالي غير اني اشوف امينه بمدرسه ثانيه اكتسب منها خبره,,,,,,,,,,,

والله كريم

في شغله اسمها السجل لكنها مو موجوده عندي ولا اعرفلها

حتى تدريب ميداني ماحطونا بمدارس عشان نفهم الشغل اهم غلطانين

أنا بعد يديدة و حمدالله عشان نستفيد من بعض لوووووووووووووول

ما في اسمه بطاقات و سجل الجرد لازم يكون مع ما افتحت المدرسة موجود ما تجيسنه و المفروض كلشي موجود بس تشيكين و تكتبنه بالاستمارات

و حلو نسويلنه تجمع اشرايج علشان نستفيد من بعض

و انا رفيجاتي كلهم امينات اي شي اسالج ان شاء الله مو مشكلة

لين ياعمري ماقصرتي

بس مافهمت كلامج

يعني سالفت السجل هذي صج!!!!!!!!!

انا لي سنتين

بس ماعمره مر علي شي اسمه سجل

شلون شكله ومن وين اخذه ومن يدلني اياه؟؟ المديره او الوكيله؟؟

والاستمارات اللي تقولين استمارات شنو اسمها بالضبط………..؟

عفيه انقذوني قبل يوم الاحد………..لاني مو عارفه شي

انا مسويه 7 سجلات عشان مااتخربط اخاف في شي ضايع وانا توني مباشره بهالمدرسه

فأبي شغلي بروحي ويخصني بما اني الوحيده وتحت توقيع اللي بباشرهم يوم الاحد

هلا وغلا حبيبتي كروت موجوده بالمخزن اهي تنكتب فيها اسم كل موظفه وشنو بعهدتها انتي السجلات اللي مسويتها شنو فيها ؟؟؟ اوراق عاديه والا مثل بطاقه ورديه ؟؟

مااعرفها جوري اول مره ادري بسالفه الكروت منج؟؟

انتي تطلبينهم باستمارات الصرف من صبحان,,,,,,,,,,,؟

انا سجل( عهد المعلمات ) عندي مقسمته جداول وورق عادي بالورد اوفس اسويه بالبيت

( اسم المعلمه )
( مادتـــــــــها )
( والماده اللي اخذتها سواء دليل معلم او لوحات او بطاقات انجليزي ..الخ )
( تاريخ استلامها وتوقعها )
( تاريخ ارجاعها وتوقيعها )

لان في معلمات ياخذون دليل المعلم ويكشتون بعدين مايردونه
فاسوي نشره داخليه قبل نهايه الكورس الثاني ابين فيها ارجاع الدليل والعهد اللي عندهم

انا مادري الحين اللي اسويه صح او لا
بس اللي مقتنعه منه اني امشي عدل بخصوص اللي اشوفه انا بس
لاني الوحيده واللي قبلي ماورتني شي فمن منو اعرف الشغل ووين السجل الرئيسي

اي هذا اهو صح لازم اتسجلين كل شي

ويارب اتييبين ولد وادعيلنا معاج الله يتمم زواجي على خير

انا نفسج علبلي اول السنة واخر السنه ..

بس طلع كرااااف .. على اصوول .. والعهدة صعبة ..

كل شي تسجلينه .. حتى انبوبه المختبارات .. الفايلات الي بالادارة الكراسي بانواعها .. الكتب حتة تانية .. تطلع عييينج .. هذا غير الاشراف .. والبيع بالمقصف انا صج ماعشت هلجووو لكن اشووف ناس

وسط السنه يكون الشغل خفيف ..

ياعمري الله يسمع منج
والله يتمم زواجك على خير يارب

لا سليله المجد الشغله سهههههههههههله

بس مشكلتنا بالتجاري انهم ماعطونا تدريب ميداني بمدارس

فمو عارفين شغلنا عدل

محضره العلوم يعطونها تدريب ميداني بمدارس

وثاني شي……..انبوبه المختبارات مو امينه المخزن تسجلهم لأ ( محضره العلوم )
وامينه المخزن بس مجرد تشوووف بعينها تسجل بملف عهدة العلوم اللي عندها وتوقع محضره العلوم وثاني شي توقيعها لانها شافته
يعني المسؤول الاول محضره العلوم,,,,,,,,,ولازم توقع

والفايلات عمري ماعديتهم

ولا عمري بعت بمقصف ولا اخذت مناوبه مدري عشاني ارفض واهو لازم مدري…..؟
لكنها مو شغلتي هذا شغل المدرسات يتناوبون اذا بساعدهم من طيبي بس

والكتب المدرسيه ليست عهده بس مجرد توصل نوزعهم ع الطلبه وتنتهي المسأله
لانعد ولا شي