أمس طحت واليوم متنرفزه

قوه حبايبي

الله يسلمكم امس بديت انا و خواتي حملة تنظيف من عقب الغبره, امي و ابوي رايحين المزرعة و ماخذين كل الخدم وياهم

علشان جذي ست الحسن المرتاحة قالت بتصير الفلته وتنظف البيت قبل ما يردون امها و ابوها علشان على الاقل يلاقون مكان يقعدون فيه بعد ما يردون

و شمرت عن ذراعي و اخذ الهوز بنظف الحوش "قاصه على خواتي خذيت الحوش لان حوشنا صغيرون" واصعد الدري مال الصطح و بيدي هوز الماي وعقب ما خلصت و ابي انزل ما نزلت مثل الناس لا, نزلت سلايت جني رونالدينو بيقطع الكره من خصمه و صاره الزلقه كلها على البتاعه " المؤخرة" الشي الايجابي في هالزلقه اني بغمضة عين ولا انا واصله تحت

هذا العصر و طول الوقت احس بالالام الدورة لين نزلت علي امس بالليل , اتصدقون انا اخترعت لانها جدمت اسبوع عن موعدها و الظاهر هذا كله من اثر الطيحه, وصدق رسولنا عليه الصلاة و السلام لما شبهنا بالقوارير بسرعه نتأثر من اي طيحه او طقه

وعاد اليوم انا صايره عصبيه و منفسه ومتمرفزه و مالي خلق

المشكله قاعده اتصفح في الحياة الزوجية و كل ما اقرا مشكله احس عصبيتي قاعده تنعكس على ردودي علشان جذي امتنع عن المشاركه اذا حسيت ردي صج بيخرب بيت صاحبة المشكله لاني بعفر بريلها عفار و بشرشحه تشرشح من كثر ما اتنرفز منه من خلال قرايتي لمشكلتها واذا برد احاول قد ما اقدر ان الرد يكون مجرد دعوه لها

وهذا جرني اني اتفكر بنفسيات الناس بالمنتدى, تلاقون في الحزينه و في المستانسه و في المضغوطه و في العصبية ..الخ. وكله هذا قاعد يبيين من الردود واحيانا ما يبيين والمشكلة انها احيانا تأثر على صاحبة المشكلة يا في الايجاب او بالسلب

اهني انا احب اوجه كلمة لصاحبة المشكلة, ترى مو كل حل لمشكلتج ممكن انه يناسبج, شوفي الحل اللي يمشي مع شخصية زوجج عقب ما تستشيرين عقلج اولا ثم عاطفتج وتوكلي على الله و طبقية

واللي حابه من البنات تضيف شي تنبهنا عليه بخصوص عرض المشكلات او الردود اقول لها اهلا و سهلا و خلونا نستفيد

سلامات ماتشوفين شر

ومرات الواحد يتفاعل مع المشكلة لا ن يكون متنرفز بنفس وقت القراية فيكتب رد مو حاس فيه

بس لمن يهدي ويتاقلم مع السالفة ينصدم من رده

انا اقول الواحد لمن يقرا موضوع ينرفز اول شي يتعوذ من الشيطان ويكون ريلاكس ويدور افضل الحلول

اللي تناسب صاحب المشكلة ولا انه نحده على حلول لا سمح الله ممكن تزيد المشكلة

ووعسى الله لا يكثر المشاكل يارب

سلاااااااااااااااماااااااااااااااااااات
وخطاج السو …

وكلامج بالنسبة لحلول مشاكل
الحياة الزوجية >> عين العقل

سلاااامتج وماتشوفين شر

وصااجه الردود تنبني على حسب النفسيه

واللي حاطه الموضوع لازم تتقبل اراء الكل

وي طالع نسيت اسالكم

تهقون الطيحه هذي تأثر على خلفي؟؟

اول شي حطي بالج ع نفسج . شفيج طايره بالسلم ادري متحمسسسسسه وايد في غسيل حوش هههههههههه
وثاني شي بعض مرات اتفاعل انا مع اذا قريت مشكله يعني اشوف هالحل يناسب لها ارد اذا مايناسب ماعندي شي اقولهاا الله يوفقج معاه الله يهديه لج ع الاقل ادعي لها بس ماقول شي يخرب مشكلتها زياده
اناا اشوف بعض بنات لا يتكلمون باشياء يعني اقول بقلبي اللي تقوله جذي تخرب علااقه مو تعدله الله يهداهم بس
واحناا بناات داشين منتدى عشان الكل يساعد بعض بكل قسم مو الا الحياه الزوجيه بس
الله يوفقج المرتاحه وحطي بالج ع نفسج وماتشوفين شر حبوووبه

الله يسلمج حبيبتي الشر ما ييج اخيتي

اي و الله صاجه اللي تحس انها مستنفره اول شي تتعوذ من الشيطان و تراقب الله في ردودها ردج عين العقل

امين يا رب ويبعد عنا المشاكل

خطاج اللاش الله يسلمج حبيبتي

وشاكره لج ردج اخيتي

الشر ما ييج اختي

اي صج تتقبل اراء الكل بس يا حلونا اذا كل وحده راعت مشاعر الثانيه اعتقد جذي ما راح نشوف هواش بين العضوات

مشكوره على ردج حبيبتي

سلامتك هههههههههههههههههههههههههههههههههههههههههههه والله ذبحني الضحك ع الطيحه

سلامات والله ضحكني كلامج
ههههههه

تدرين الواحد لما يحس انه بمشكله
ما يفكر عدل عشان جذي نصيحه
لحد يسمع حق احد عنده مشاكل

سلاامات ما تشووفين شر

سلامتج

كلامج صحيح

سلاماااااااات يا الغالي سلااااااامات

ما تشوفين شر ان شاء الله

اشوى انش طحتي على الاير باق ولا على ظهرش كان مصيبه

كلها كم يوم وتصيرين نفس الحصان بس امتنعي عن المواضيع فديتش