أماكن تبيع بدل طلعه حق يوم الملجه

مساء الخير حبايبي ..ودي تساعدوني وماعندي غيركم استشيره
ابيكم تنصحوني بأماكن تبيع بدل حق يوم الملجه يعني مو بدل سهره لااا بدل طلعتي مع زوجي
انا واايد احب بدل جوويس بس لما رحتلهم اخر مره ماحسيت انه شي يسوى ..انا حابه بدلتي تكون بنطرون لاني اكره التنوره وما احبها وابيها تناسب اخر واحد يعني تقريبا الجو بيكون بارد فاا بليز الي تعرف لا تبخل علي وانشاله الموضوع يكون مرجع حق غيري من الخوات …
الي ابيه تذكرون
اسم المحل
عنوانهم
الاسعار
بس اهم شي عندي ماتكون سوالف خبه لا ابي شي حلو وكشخه يعني على قولتهم يوايه الحموله وهم ماكون فيه هووله

ودمتم بود

هلا حبيبتي
اول شي ألف مبروك

ثاني شي .. انصحج تفصليييييييييين .. لان السوق ييب اللوعه مافي شي يسوا
فشتري لج حراير وشيفونات وفصلي

الحين وقت شتاء .. في مخامل مشجره تهبل .. اخذي لج وفصلي

وانشالله البنات يفيدونج اكثر

مشكوره حبيبتي وانشاله احطهم بقائمه البدل بس انا ودي ببدله مميزه حق هاليوم ،يعني غير الايام الباجي ابي شي فنتق ومتعوب عليه

التفصيل سبحان الله مادري ليش ما احبه ،وانا من النوع الي وايد احاتي ،وانا جسمي ضعيف يعني يلبس كل شي فعشان جذي ودي بأماكن تبيع بدل زقرت بدون تفصال

اممممم اكوا الي بالمهلب احيانا اييب اشياء حلوه وبعد كوتون عنده تركيب حلوين

وان شاء الله تعجبج بدلاتهم لان الناس اذواق

كوتون رحتلا لسبوع الي طاف ماعجبني شي
اكوا اذاا اهوا الي يم كليرز شفت عنده جم شغله سوالف جاكيتات مشيره بخيوط ملونه بس مادري ليش حسيت اشياءهم بسيطه حيييل يعني حق اللبس اليومي

شوفي انوتا وريفا جويس اوكسجين كله سوالف وفناتك ستايلهم حلوو مو خبه

أممممم فعلا مايبيلج اي شي يبيلج بدلة فخمة وكلاس وسامبل بنفس الوقت وما انصحج بالخياااااط ولا شغل معارض كللللش لان تبين القصة فرق .. روحاي زهرة وايد محلات حلوة .. نورامينا .. الاسطورة .. والفاتنة ..الخ

هم الصالحية فوق كوكو ريبونس والي يمها بتحصلين شغلات حلوة .. هم روحاي مجمع مريم

روحاي فيلا مودا .. اكيييد بتحصلين ..

مالك الاانك تفترين السوقه لأن المحلات عالحظ يمكن اقولك اسم محل وبهالوقت مومنزل شي يديد بس هم بعطيك اسامي المحلات اللي احبها
جويس وريفا(شرق والمهلب)
مونتانا ( شرق والمهلب)
اورجيم ( شرق والافنيوز بس الثاني ارقى من شرق )
ريفرآيلند ( الفنار وشرق والافنيوز والفنار احلاهم )
مانجو (احلى واحد بالفنار والمهلب )
مورجن (الافنيوز والفنار )
زارا غني عن التعريف ( شرق الفنار الافنيوز )
عندك مجمع زهره المحلات اللي تحت

في بالرايه محلات جدا راقيه
ان شاء الله تحصلين عندهم شئ مميز ومايكون مكرر

روحي درهي والا نورامينا

شوفي محلات الرايه
زهره
الصالحيه
و
كوكاي بشرق
التواقيع
الزان
الفاتنه

عدل كلام البنات ..
انتي عروس و لازم بدلة الطلعه تكون مميزة ..

انا اختي خذت لها من echo اللي بالمارينا .. شغله حلووو و ما تلقين 10 بنات شارين نفسج ..

جربي تروحين الراية : فوق فيه محلين .. الدور الثاني على ما اظن .. وايد حلوين و كلاس .. و شغل عدل .. << وايد احبهم و اتعامل معاهم

مجمع زهرة .. و الصالحية ..

المحلات اللي قلت لج عنهم مو رخاص .. لا غالين .. يعني البدلة كاملة بو 100 و طالع .. مو اقل من جذي ..
بس يسوى تشترين بهالقيمة لاول طلعه مع ريلج ..
بما انج ضعيفونة ما شالله .. مراح تتعبين وايد بالموديلات

ان شالله اكون افدتج
موفقة يالغالية

الصالحيه عندهم شغلاااات وااايد حلوووة