أكيد كل بنت مرة في هذا الموقف .زواج المطلق من بنت .

حبيبتي مو كل مطلق يعني فيه عيب يمكن العيب بالمره ويا كثر عيوب الحريم

الاحسن انج تسألين عدل قبل اي قرار اما الارمل اتوقع انه للحين فيه محبه وايام حلوة مع مرته اللي ماتت فالاحسن المطلق على الاقل اهو اللي طلق مو القدر اللي فرقهم

انا اشوف السالفة عادية مطلق او ارمل نفس الشي كله مافي مره هههههه
بس مثل قالت اختي همسات الليالي الارمل للحين يحن لايام زمان وقلبه مكسور بس المطلق عايف ولايعة جبده .. نصيحتي لج اذا جاج واحد اخلاقه زينه خايف ربه توكلي على الله والله هالزمن صار يخوف فالواحد يحمي نفسه ويتحصن بالزواج ابرك لله النفس اماره بالسوء لا تقولين انا وانا ..

انا لما تزوجت زوجي كان مطلق وعنده ولد بس الولد بحضانة امه ومافيها شي عادي وكان عمري صغير وايد اصغر منج ووالحمدلله الله عطاني جمال ملفت يعني السالفه سالفة نصيب ومو شرط ان يكون الريال فيه عيب علشان جذي طلق مرته بالعكس عادي يمكن يكون مومرتاح بزواجه الاولي الواحد مايعرف الاسباب

شوفي..انا كنت بنفس حالتج..وكتبت موضوع ناقشت فيه بنات المنتدى عن زواجي بمطلق..بس الفرق انا اكبر منج..ما احب اقولها بس هذا الصج…

صراحة بالنسبة لي..الاثنين صاروا نفس الشي..العازب والمطلق..انتي تبين اخلاق وعشرة حلوة….ونصيب عدل…ماتدري اهو مع العازب ولا المطلق..سالي عدل وادعي ربج..انا ادري انه اهوا قرار مو سهل وتحسين انج تتنازلين وايد…بس هاذي الدنيا…سالي عنه عدل عدل عدل والله يسر امورج…واموري…

وانت ترى ما كبرتي وايد احس يمكن عندج فرصة بنصيب زين…فلا تستعيلين بقرارج

25 صغيره تو الناس على المطلق او الارمل بالعكس حلاتها تعيشين حياتج مع واحد مومتزوج من قبل انتي اول وحده بحياته … مادري هذا رايي بس لو كنت مكانج ماافكر اخذ واحد مطلق مومجبوره لي حق اخذ واحد ولد اول مره يجرب الحياه الزوجيه واللي اعرفه ان اللي مومتزوج مستحيل يفكر ياخذ وحده مطلقه عكس هو اذا كان مطلق عادي ياخذ بنت ..وتدرين اعرف بنات صغار خذو مطلقين وحياتهم عادي ماشيه وبنات تزوجو اكبر منج 28 و29 وخذوا رياجيل مومتزوجين وكبرهم بالظبط وبالعكس انطرو نصيبهم لين جااهم وهم عادي عايشين حياتهم والمسأله اولا واخيرا نصيب

واله بصراحه صت اخاف من هالموضوع

ياكثر اللي من أهلنا ومعارفنا يطلق ويتزوج وبعد ما يتزوج وحده ثانيه تحلى بعينه الأوليه ويردها لها

وصارت مع ولد عمي طلق مرته وعنده بنت وقعد كم سنه وتزوج وصار عنده بنتين فجأه وبدون مقدمات رد للأوليه بعد يمكن 6 سنين من طلاقه حلت بعينه وردها

وبنت خالي خذت واحد مطلق جم شهر وطلقها ليش

طلع يبي يرد طليقته بس زفته وتزوج يبي يحرها عاد غيرت رايها ووافقت تردله وطلق بنت خالي

طلع شنو متزوج بنت خالي عشان توافق ترد له طليقته

يلعبون في بنات الناس حسبي الله عليهم

عشان جذيه انا لو شنو ما آخذ واحد مطلق لو اتم بدون زواج

صج مالهم أمان

حبوبه لاتقولين مطلق ولا ارمل بو طبيع مايغير طبعه
يعني اذا كان اول مره يتزوج او سبق له الزواج وبعدين فركش طبعه هو هو ماراح يتغير
وفي شباب مطلقين لما تزوجوا صاروا ناجحين بزواجهم الثاني
بس المهم تتسألين عن اسباب طلاقه يعني اذا كان شكاك او بخيل او نحيس هذا غسلي ايدك منه ام اذا كانت زوجته السابقه نسره وموقادر عليها هذا اخذي وانتي مغمضه

وعلى العموم انا اؤمن باحساس المراه انتي بنفسك اللي تحكمين من خلال لقاءك معاه اذا حسيتي انه صادق بكلامه راح يوصل الكلام للقلب بدون مقدمات ام اذا حسيتي انه مو مرتاحه من الوضع فآمني باحساسك
اخيرا اذا الله قسم وتزوجتي مو تنسينا من صالح الدعاء
الله يوفقك

ما تفرق اهم شي التوفيق من رب العالمين الزواج نصيب محد يدري شنو ربنا خاش لنا فعشان جذيه امشي على طريج الصح وربنا راح يكافئج بالزوج الصالح باذن الله

توج اصغيرة

نطري نصيب احسن من جذيه

انا معاك على طول الخط … الله يوفق جميع البنات ويرزقهم النصيب السنع
الله يستر عليك ويوفقك في قرارك

ما انصحج بالمطلق انتى توج صغيره وانتظرى نصيبج …وكثير من المطلقين ظالمين حريمهم فتلقينهم يحطون فيهم البلاوى علشان يتزوجون …وانتى اشحادج على المطلق مدام تملكين الزين والأخلاق وصغر السن تزوجى واحد ماجرب وهذا من حقج….

والله حبيبتي موضوعج وايد مهم
انا اقولج تجربتي
انا اول ما تقدملي زوجي وقالولي مطلق زعلت وقلبت الدنيا ليش انا طايحه بجبدكم وهذا كان عمري 20 وامي سكتت على السالفه وعقب سنة يو وتقدمو رسمي وقالتلي امي وكان عمري 21
فاستخرت وسالنا ليش كان مطلق واهلي اسالو عنه اذا كان زين والا عليه مشاكل والحمدلله الكل يمدح فيه الصراحه
وتزوجنا والحمدلله الله وفقني وياه والصراحه لو ادري اهوه جذي جان قبلت فيه من اول مره
والله لا يغير علينا انشالله
فانصحج اذا اخلاقه زينة والكل يمدحه توكلي على الله
ومع العلم ريلي ماكان عنده عيال من زواجه الاولي
الله يوفقج انشالله

انا هم بنت عمتي مسكينه كانت كله لاهيه بالدراسه وخذت الماستر من لندن وردت الكل طاير فيها مسكينه اتينن حدها جمال واخلاق وشهاده ورزينه المهم تقدملها واحد مطلق وحده اهو مستانس عليها واهله ميتين عليها فجأه رد حق مرته وطلقها المسكينه واهله لي يومج ميتين عليها ..الله يرزقها باللي احسن منه يارب …

السالفه سالفة نصيب لا أكثر ولا أقل ..والاستخاره الاستخاره اهم شي حق الزواج والله يوفقج