أكمل الماجستير والا .؟؟

شلونكم خواتي
بغيت استشيركم بشغلة انا تخرجت ولله الحمد بتفوق من كلية أدبية صعبة شوي والكل يتمنى يدش فيها
لكن بعد التخرج حسيت بقلق وتوتر مادري ليش ؟ والكل كان ينصحني اكمل دراستي واخذ الماستر طبعا انا رفضت وقلت ارتاح شوي بعد الدراسة والتعب والحين صارلي 10 شهور متخرجة بس ماحس برغبة باكمال دراستي بس في ناس قالولي راح تندمين بعدين اذا ما كملت واخذت الماستر
انتو شرايكم ؟ وبشنو تنصحوني ؟
وجزاكم الله كل خير

حبيبتي اول شي انتي ما قلتيلنا انتي متزوجه او لا

الشي الثاني
مدام انتي شاطره بالدراسه ماشاء الله عليج كملي الماستر مافيها شي
واعتقد الماستر بس سنه او انا غلطانه ؟

بعدين شنو تخصصج

الغالية أنا نفس حالتج .. ساعات أقول لااازم أكمل وساعات أقول>> نو مور ستدي <<

حبيبتي استخيري وعسى ربي يكتب لج الخيرة

اول شي مبروك التخرج ومنها الاعلى ان شاءالله..

استخيري..

وبالنسبه لي انصحج تكملين..

والله يوفقج..

مبروك التخرج والفال لي يارب.. .

ومن صجج تسالين؟
ضغطي على نفسج وكملي
الزم ما عليج شهادتج

الف الف مبرووك التخرج ..

يبه حده ما يبيلها تسألين .. اذا الظروف مساعدتج ومعدلج قوي ومحد رافض
من الاهل كملي ومن غير تردد .. والله العظيم آنا خواني 4 معاهم دكتورااه يحسون ان الشهاده عطتهم موقعهم الاجتماعي اللي اهمه فيه .. عكس اخوي الجعده اهو الوحيد اللي ما معاه شهاده تحسين ان ناقصه شي .. اهو كان نفسج جذي متكاسل .. وعقبتندم وحس بنفسه وراح سجل بجامعه بمصر لأانه عندهم نظام انتساب دراسة
من غير حضور محاضرات والحمدلله خلص ماجستير والحين بدا بالدكتوراه ..

والله يوفقج انشالله

شوفي يا عمري ويا قلبي……………

اولا مبروك على التخرج…………………….

ثانيا اذا كانت عند الرغبة في الاعلى انا اشد من آزرك واقول جو اند ستدي وكملي لان بعدين راح تندمين

اذا ما اشتغلتي وعندج هذا الطموح ادرسي وبشرينا بالماستر انشاء الله

مبروك التخرج ..ومنها لأعلى منها ان شاالله

اذا كنتي قادرة تكملين كملي الحين وانتي بنشاطج والمعلومات بعدها ثابته بمخج ..

شي أكيد انه الشهادة كل ما ارتقت كان أحسن ..

وموفقه ان شاالله

زهور المحبة
ومشكورة بعد عمري عالرد
أنا مو متزوجة ، والماستر سنتين تقريبا ، بس المشكلة ان مالي نفس للدراسة مادري ليش ؟

مشكووووورين خواتي عالردود
بس المشكلة اني كل ماتذكرت الدراسة تحوشني ضيقة الله يعلم فيها مع اني قبل كنت نشيطة واحب الدراسة بس من تخرجت وانا احس بضيقة واكتئاب ومالي خلق حق اي شي

برايي سجلي لأن القوانين تتغير وممكن فرص قبولج تقل وممكن تكملين واذا حسيتي انج موقادره وقفي قيدج
أصلا مسأله القبول والتوفل يبيلها وقت على الاقل ضمني لج مكان ويظل الماستر شئ اختياري مو اجباري وشئ طبيعي مالج خلق تعبتي سنين بس صدقيني انا نفسج كنت مو مصدقه اطلع الحين عقب 6 سنين ولهت على الدراسه والجامعه ايام حلوه