أقدر اعلم طفل 3 سنوات الاحرف و كيف؟

السلام عليكم

سؤالي واضح ابي اعلم عيالي الاحرف الهجائيه العربيه اعمارهم 3سنوات و 3 شهور اذا ينفع شالطريقه الافضل و اذا ما ينفع متى ابدأ اعلمهم

وشكرا مقدما

تقدرين تدرسين اللي تبينه
بس نصيحة اقري كتب بهالمجال
تبين كتب روحي لجرير ملينة كتب تربوية

ومن بعدها اشتري قصص وحروف مكبرة وكلمات
بس من رأيي تسالين اشخاص متخصصين باللغة العربية

اما اذا قصدج العمر نفسه { 3 سنوات } فأنا اقولج الطفل خامة بيضة انتي الي تنقشين عليها
بس ديربالج تعلمينه شي خطأ !

شكرا اختي عهود

انا ولدى من عمرة ثلاث يغنى الابى سى دى صج خربط بس زين والارقام بالعربة والانجليزى لى العشرة مرات يخربط ومرات اوكى صراحة انا ماعلمة اهو يسمعنى ادرس اخوانة وهم كنت اوصى خدامتى تعلمة اذا رحت الدوام ماشالله الحين بالحضانة وتقديرة ممتاز
التكرار يعلم اشطار كررى معاة دايما وفى مثل الابتوب فى احرف واغانى حلوة دايما شغليها انا كنت شارية منها على قران كريم وماشالله عيالى حفظو اغلب الصور الصغيرة منها

ريما مشكوره على نقل تجربتش بس ممكن تعطيني تفاصيل عن طريقة تحفيظ عيالش القران

kraza شكرا على افتراحاتش و ان شاء الله اجرب و ارجع لكم بالنتيجه