|
|
شلونكم بنات وشخباركم
عساكم بخير وبأفضل حال
يابنات
سؤالي بسيط وأتمنى تفيدوني في
ولاهنتوا ان شاء الله
بغيت تدللوني ديوان الخدمة المدنيه بالضبط؟؟ وين مقرهم؟؟ يعني أبي وصف بالقرب من.. وجذي يعني
عشان أعرف
.gif "Eh S(1)")
وجم مقر لهم؟؟
ومتى بيفتحون إن شاء الله
؟؟
لأان أدخل موقعهم وما أفهم في شي وشكله كئيب
=======
وهمن سؤال ثاني
الحين انا متخرجة من كلية التربية الأساسية
والكليه اخذوا واراقي وصور وقالو راجعينا بشهر 2 اخذي الشهادة
زين هل بيطلبون هناك يعني بالديوان شغلات ثانيه؟؟
====
وبس خلاص
والسموحة اذا أسألتي واجد
اليوان يفتح بتاريخ 15-2 انشاءالله وماله داعي تروحينله موليه لأن الهيئة راح يطرشون الهم شهادتج ماعليج الا انج تدقين على رقم الديوان 828888 وتحطين رقم 1 تسجيل بعدها تدخلين رقمج المدني وبعدها تدخلين رقبتج اللي هي طبعا وزارة التربية وماتطولين يمكن حدج شهر يعني بسرعه انشاءالله تباشرين عملج كمدرسة ويحطون القبول بالجريدة بعدها تروحين الوزارة واهما يفهمونج موفقه انشاءالله واي سؤال حبيبتي انا حاضره.
وتقدرين بعد اتسجلين من النت من نفس الموقع واهوا راح يفتح التسجيل 15 فبراير
اما بالنسبه للمكان ادا اتعرفين وين شركة زين او ادا ما عرفتي
امممممممم
ادلين ايكيا القديم …
خل اوضح اكثر ادا انتي بتروحين من الدائر الخامس جنج بتروحين اليرموك او الجامعه الي بكيفان امشي سيييييييييده وبعدين راح اتشوفين زين على يميينج وبعدها ديوان الخدمه
انا اتوقع اني ضيعتج…..
الله يعينج بس ادا مو واضح قولي لي على شان اوضح….
1- الفترة (الثانية والعشرين) من الجمعة 15 / فبراير / 2024 حتى الجمعة 29 / فبراير / 2024 .
2- الفترة (الثالثة والعشرين) من الجمعة 02 / مايو / 2024 حتى الجمعة 16 / مايو / 2024
لاستيعاب خريجي الهيئة العامة للتعليم التطبيقى والتدريب .
3- الفترة (الرابعة والعشرين) من الجمعة 15 / أغسطس / 2024 حتى الجمعة 29 / أغسطس / 2024
لاستيعاب خريجي الجامعة للعام الدراسي 2024 / 2024 دور أول.
4- الفترة (الخامسة والعشرين) من الجمعة 12 / ديسمبر / 2024 حتى الجمعة 26 / ديسمبر / 2024
لاستيعاب خريجي الجامعة للعام الدراسي 2024 / 2024 دور ثاني.
نقلته لج من موقع الديوان وماتحتاجين تروحين هناك لا تتعبين نفسج بالعربي وحياج الله .
ألف ألف ألف مليون شكر حبيبتي كفييتي ووفيتي .. ماقصرتي والله
عساه في ميزان حسناتج يابعد عمري
أفدتيني وأفدتي كل البنات في عرضج لــ مواقت افتتاح الديوان
(( بس رفيجاتي اللي تخرجوا الكورس اللي فات .. لمن كلمتهم قالوا اي اي انتي تروحين تسجلين وتودين بس الشهادة !!
وبعدها تطلعين او بوقت ثاني لـ منطقه العاصمة التعليمية مثلا !!
الحــين شلون بالضبط
ياليت اذا في مدرسة تفيدني بعد
وروح كريزي .. في كثير بعد قالو عن طريق التلفون ماله داعي تروحين
يعني حدي تخربطت
واحنا شهايدنا نستلمها في 13-2 الى 15-2
شووكرن على الوصف اللي يضيّع هههههههههههههههههه
خربطت حدي
الحين
بقولج
وين بالضبط عند مثلا يوركا ووو سنتربوينت ووو مجمع صن ستي
وين مثلااا عن الطريق اللي صاير
كله جسوور
يعني على يسارج جمعية الحرس وو مركز سلطان سوق االجمله
وعلى يمينج معارض السيارات والغانم
انا هني أدل بس دواعيس ماعرف
ممكن تفيدوني وأكون شاكرة لكم تعاونكم
ونردهالكم في الأفراح ان شاء الله
واذا بتروحين الديوان انا سألتلج وقالوا اهلي عند زين للأتصالات وزين للأتصالات مقابل سيتي سنتر يعني سهل مايبيله سيتي سنتر تروحينله عن طريق الدائري الخامس اخذي جسر لاند مارك تخلين لاند مارك يمينج وتطوفينه امشي سيدة لفة مصنع الصيداوي يمين تحت مكتوب عاليافطة مدينة الكويت امشي سيدة تلقين سيتي سنتر اللي هو مقابل زين وديوان الخدمة تلقينه عند زين للأتصالات بأذن الله .
ادا انتي ادلين طرج روج كرزي اوكي خير على خير
بس انا صريجي غبر
يعني ادا بتنزلين على الدائر الخامس حق سنتر بوينت بس مو دخلت سنتر بوينت لا قبها في نفس مخرج على يمينج تنزلين تحت وتمشين سيييييييييييييييييييده راح اطوفين تقيبا اشارتين وبعدين ديوان الخدمه على يمينج
وان شاء الله البنات يفيدونج بخصوص انج تودين الشهاده حق الديوان
فالكم الجنه ان شاء الله
وعسا التوفيق طريقكم
الف الف شكر لكم
احبكم في الله
والله يعطيج العافيه
لاعدمنا تواجدج الدائم وعطائج الكبير
موفقه يارب وفالج الجنه يارب
مشكوره على ها الدعوه الحلوه