أفكار لهدايا للطلبة والطالبات مميزة وغير مكلفة بالصور تفضلوا

7

7

7

الهدية

إسم حلو

والياهل ينطرها نطره مو طبيعية

الكثير من المعلمات وآنا أولهم

ما نبي نصرف من فلوسنا على الوسائل والهدايا

ودايما نقول إحنا مو مجبورين

صح إحنا مو مجبورين

7

7

بس خلونا نفكر بهدايا

ما تكلفنا وااايد تكلفتها قليلة جدا

لها أثر كبييييييييير في نفس الطالب

شبه داااائمة ..تقريبا كل السنة

نحتسب فيها الأجرلله تعالى وحده

7

7

يلى يلى يلى

عشان عيالنا الحلوين يستانسون

7

7

يلى نبدي

الفكرة الأولى

ملك الصف

ملكة الصف

الخطوات

تطبعين هذي الورقة على الورلد وتكتبين يمها من ملك الصف أو ملكة الصف

أو هذي الورقة

وتغلفينها تغليف وتحطين وراها مغناطيس عشان تصير داااائمة عندج

الفكرة الثانية

نجم أو نجمة الصف

الخطوات

تطبعين هذي الورقة على الورلد وتكتبين داخلها من نجمة الصف أو سوبر ستار الصف

وتغلفينها تغليف وتحطين وراها مغناطيس عشان تصير دااايمة عندج

وكل يوم حطيها على السبورة وخلي يمها مربع فاضي عشان تكتبين إسم نجمة الصف أو سوبر ستار الصف

وبطرف الورقة لزقي جيس شكله حلو وداخلة ستكرز نجوم ولونه يكون مناسب

نفس الصورة إللي تحت ((بس ترى الجيس هذا اصفر إنتو خلوه أزرق عشان تناسق الألوان ))

فيه دفتر نجوم عند بومية الدفتر الواحد تقريبا فيه 6 ورقات كل ورقة متروسة نجوم

يا بلااااااااااااااااش

شوفو الجيس داخلها النجوم ما تكلف شي كلش ملش

الفكرة الثالثة

تلوين اليد

تروحين الجمعية وتشترين ألوان الوجه سعرها تقريبا دينار بس تطوووووول عندج وااايد

ما تخلص بسررررعة فيها برررركة

وتسوين خمس كوبونات بشكل حلو ويظل دااائم عندج مكتوب عليه

مبروك ربحتي تلوين لليد مجانا تفضلي بالفرصة

تيي لج البنت بالفرصة تاخذين منها الكوبون عشان تستخدمينه ببقية الحصص ((لا تقولين ماكو شغل ..حتى بالفرصة ..ترى ما ياخذ منكم وقت ))

شوفوا هذي الألوان وفيه أشكال ثانية بعد

7

7

خلو الكل يعرف منو المعلمة الكويتية

لو تفرون الهند والسند ما كو مثلها يكفي إنها كويتية

7

7

إن شاء الله أكون أفدتكم

وما بي منكم إلا الدعاء لي بظهر الغيب

فكرة الملكة والنجمه كلا اسويها بالحصص ههههههههه بس موكل يوم علشان لايملون

والطالبات يستانسون عليها معنا كبار بالمتوسطه

فكرت التلوين ماانصح احد يسويها يمكن الالوان تسبب حساسيه للطلبه او اهلهم مايرضون

الله يذكرها بالخير موجهتي اللي بالميداني

قالتي: لاتطبعين بالطباعة على ايد اليهال

ولا تلوين على ايدين الطلبه او ويهم

ولا ترسمين نجمه على ايد الطلبه انسي

يمكن يسبب حساسيه

ولاتحطينلهم استيكرز اللي على شخصيات في اهل دينين مايحبون هالسوالف

وانتي ماتدرين منو الطالبه اللي اهلها دينين فعلشان تتفادي المشاكل حطيلهم استيكرز على ورد على نجوم

عجبتني فكرة التاج ان شاء الله بطبقها على الطالبات …

تسلميـن ..

اقتباس:

المشاركة الأصلية كتبت بواسطة كل شيء عادي أبله كويتيه وبسسسسسسسس صدقتوا أمزح معاكم كلكم فيكم الخير والله بس أبله كويتيه مبدعه كالعاده الله يكتبه في ميزان حسناتك ويعطيك على قد نيتك

فديتج والله يالغالية

ومشكوووووووووورة على الدعاء

مشكوره ابلتنا وماننحرم من مواضيعج وافكارج يامتميزهـ..

وسالفة الحساسية صح اذا كانت على الويه

بس اليد ان شاء الله تعالى ماكو الا العافية