|
|
السلاااام عليكم جميعا…
بنات ..
آنا توني مدخله بناتي للحضانه ..
و موعارفه شنو اوكلهم .. للريوق و للسناك…
مثلا …
اليوم …
حطيتلهم :
بيض مفيوح
توست و جبن بالتوستر
جزر مقطع
رقي مقطع
عصير كوكتيل
حليب كاكاو
معمول تمر
ممكن يا امهات تقولولنا شنو افكاركم لاكلات الاطفال بالحضانه ؟ 
واحط لهم عصير مانجا او كوكتيل
حليب بالموز
بسكوت النوع اللي يحبونه عيالي
تفاحه او نوع فاكهه
فول سوداني يحبونه عيالي
ككاو
انا كنت احط لهم كرواسون
والموزه احطها على عدالها عشان لا تتلوث ويصير حوسه او عنب
وكيك المغلف وجيس شبس وعصير صغير عادي اي نوع
بس هذا راح يكون سناك الحضانه تعطيهم وجبة الريوق لا تحاتين
موفقه يارب
تقدرين تحطين العصيرات الصغيرة عدد 2 واحد للريوق والثاني للسناك
من كي دي دي
في كرواسوون صغار ومغلفة ((من أمريكانا والفيصل))
زعتر= جبن= ككاو
تقدرين تحطين بسكوت مغلف بككاو
موزة لأنها سهله بالفتح والأكل أو تفاحة صغيرونة
حليب ومع توست محشى بالشي اللي يحبة الطفل
إن شاء الله أكون فدتج 
ىنا قاعده افكر شنو اوكل بناتي لنهم من النوع اللي ما يهمهم الأكل ولازم أحد يجابلهم و بعض المرات يغصبهم .
يعني اليوم رجعو بالاكل كله ما ذاقو منه شي …
و خايفه من الحضانه .. اليوم حيل حيل حوسه …
بروحهم بناتي عصاقيل …
جاردينيا … شلونج حبيبتي …
رحت حضانة الدانه … تخرع … إسمحيلي صراحه لا شكلها و لا موقعها يريح ….
وضايق خلقي صرت احاتي واحسب حساب الف مره قبل لا احطله شي
وبالبيت كورن فلكس بانواعاه او بسكوت مالح مع حليب ساعات اشتري من بالليل فطاير زعتروالصبح احرهم ووكلهم
والله صعبين عيالنا بالاكل
وي انشالله يطلع اكله يعجبه وياكل والله احاتي
احطلها فاكهه افندي وغيره
احطلها بسكوت او كيك ساراليه ناعم عليها
وغير جذي انا حاطتهها بالحضانه سيلاك بانواعه
ومرات احطلها بفك
وبعض المرات اسويلها توست واحطلها اما جبن كرافت او سلايس او بيض اومليت
وعصير تفاح او كوكتيل الصغار
بس بعطيج أفكار ممكن تفيدج
إخذي الخبز اللبناني الخفيف وفتحيها ومسحي عليها بجبن كرافت بعدين تييبين شوية لبنه وتخلطينها مع فلفل أخضر مفروم أو زيتون أو زعتر
وتحشين فيه الخبز وتلفينه وتقطعينه وممكن تحطيلهم وياه بالجنطة نوع عصير يحبونه ونوع فاكهة وللسناك بسكوت أوروب بالفاكهة
وممكن بعد تشتريلهم التوست الملون وتحشينه أومليت أو بيضة مقلية مقطعةو مخلوطة مع بطاط مسلوق
وللأمانه هالأفكار من كتاب عبير الراشد
احطله صمونتين وحده بيض محشيه و وحده جبن كرافت
و عصيرين و بطاط و بطل الماي بس
باجر بأذن الله بنوعله حبيبي .
للريوق
توستة و جبنة مع حليب كاكاو
و السناك
فاكهة مع عصير او كيك مع عصير