أفكار قرقيعان من ايد أم علي الرفاعي بالصور

السلام عليكم

شلون الكويتيات ان شالله تمام ؟؟!!!

بما ان رمضان قرّب
والمنافسة بدت تلعب لعب بالأمهات

وبما اني بطلت اسوي قرقيعان >> حدي تعبت 4 سنوات !!

وبناءا على طلب الزباين المتكرر

قررت احط لكم كل يوم صورتين
من صور قرقيعاني على مدى السنوات اللي طافت
(صورة للكبار وصورة للصغار)

مع طريقة العمل والأدوات المطلوبة
عشان الكل يستفيد

واللي ايدها حلوة بالشغل
تقدر تسوي قرقيعان عيالها بايدها
واللي ماتعرف تقدر توصي اي احد يسويلها
الصور في متناول ايديكم خليجية

والاستفسارات بالموضوع نفسه
هم عشان الكل يستفيد

يالله نبلش

بسم الله الرحمن الرحيم

.
.
.
.
.
.

(1)

سلة توزيعات للأطفال

خليجية

الأدوات :

قاعدة فلين مضغوظ قياس 50 * 60 >> من المكتبات

قاعدة خشب تقريبا 50*40 >> من النجار

سلة / تحفة شعبية / رول / شرايط / ورد للتزيين (صغار وكبار) / ورق كريشة

/ مسدس السيليكون >> محلات الهدايا

طاسة شوربة >> الأسواق الشعبية

خام سدو سميك >>> البلوكات

حلويات >> الشويخ

#طريقة العمل:

– التوزيعات:

*نقطع رول الكريشة والرول اللي فوقه مستطيلات متساوية

*نعبي الحلويات

*نلفهم بشرايط من اختيارنا

*نحط عليهم اما وردة أو نقدر تحت الوردة نحط فيونكات تور >> مثل ما انا مسوية

*بالنهاية نقص الكشة اللي فوق عشان يتساوون خليجية

– القاعدة:

*القاعدة الفلين نغلفها بسدو بترتيب

*نحط عليها سلة حلوة من اختيارنا بالزاوية عشان يصير لنا مجال نزيّن

*اثبت الطاسة واحط ورد جدامها ولازم لازم قطعة تراثية تدل على المناسبة
*ناخذ اللوحة الخشبية ونحط عليها الغرا ونحط القاعدة الفلين عليها ، نضغط عليها ونتركها
تقريبا يبيلها يوم عشان تنشف وتثبت
(طبعا هالقاعدة الخشب بمثابة دعامة تقوي القاعدة عشان ما تنكسر معاج ..

بنات تنسيق الألوان يلعب دور كبير بجمال القطعة اللي تسوينها

وتنسيق الورد نفسه مهم جدا جدا جدا

شجعوني عشان أكمل ،،،

(2)
الصندوق

الأدوات:

صندوق خشبي
فلين للتعبئة
ورد / شرايط
ورق سلوفان
خام ستان
خام تور بولمعة
حلويات
قرآن صغير
مسدس سيليكون

طريقة العمل:

*بما ان صندوقي عميق >> عبيته من داخل بفلين
*نلبس الصندوق من الداخل بالستان
*نزين بالتور والورد بطرق فنية
*نحط الحلويات بورق السلوفان مثل البكشة
تقدرين تحطين اي شي تبيه داخل الصندوق
كهدية للحريم الكبار
(عن نفسي حبيت بهالشهر الفضيل اني اهديهم كتاب الله)

وسلامتكم

وانتظروا جديدي خليجية

الله يقويج

تسلم الايادي ام علي
شغلج يهبل ومتعوب عليه
والله انج طيبه يالغاليه وغيرج ما يسويها الا القليل
ربي يبارك لج بمالج وعيالج ويسعد حالج يالغاليه
الف شكر
وراح اتابع للنهايه مع العلم اني اول مره ادخل هالقسم ولفتي نظري
الله يجزاك خير

ماشاءالله شيجلووو

بالتوفييييييييييييييييييق

وااااو ماشالله شغلج حلووو ورااااقي مااااقصرتي عالافااااااده ،،
متاااابعينج ويريت لو تكتبين من وين تنشرى هالاشياء مو بكل مكان نلقاهم

ماشاء الله تبارك الله

تسلم ايدج ع الشغل الروووعه

الله يوفقج يارب

ماشاءالله عليج شغلج حلوووو

كملي

مشكوره حبيبتي

وهذا تزيين ثاني لنفس الأدوات

(أفكارللتزيين)