أغراض الجمعية

السلام عليكم ورحمة الله وبركاته

الموضوع واضح من عنوانه

شنو أغراض البيبي اللي نشتريها من الجمعيه
من كريمات ومناديل و و و …..

انا قالت لي أمي على جم شغله بس قلت لازم اسأل كويتيات
تعودت أسألكم عن كل شي لوووول

روحي اي جمعيه او مركز سلطان قسم البيبي وتلقين كل شي يفيدج وكل الماركات تكون يم بعض
والله يسهل عليج ان شاء الله

البيبي عندج الشامبو و الشاور باث و اللوسيون و البودره. عندج بيجون يحطونهم في علبة وحده اللى هي نايلون شفاف صج صغيره بس حلوه.
عندج اسفنجه السبوح، المرطب ، كريم الحفاظ، العلبه المقسمه اللى ينحط فيها الحليب.
الرضاعات طبعا اذا توه مولود الزجاج عندي افضل لانه انظف بس اذا اكبر خليج على البلاستك علشان لا يكسر.
تلاقين المشط و المقراض احيانا يكونو بعدة وحده و ممكن تلاقينها بعد بالسنتر بوينت او المذركير.

المناديل المرطبه مهمه اذا كنتي بره البيت للازمات.

هذا اللى اذكره الحين

صابون ملابس للبيبي انا اخذ صناعة المانيا الاماراتي مو شي وماينظف

داوني الاطفال مخصص لاطفال الخليج على قولتهم لونه ابيض ( كومفرت )

فرشاة لتنظيف رضاعات البيبي

مصاصة

حفاظات

مجموعة الشامبو اذا ما اخذتيها ( انا شاريتها من سنتر بوينت )

رضاعات اذا تستخدمين بيجون انا استخدم د. براون من بروي ارخص من انج تطلبين من برا

ومن الصيدلية :

دوا الغازات للطفل

بودرة السر

شاش للغسيل انا ما اغسل البيبي بالحمام تكرمون

حبيبتي روحي الجمعيه الي يم بيتكم روحي الاستاف الي فيه اغراض البيبي شنو تاخين اخذي مثلا ( بامبرز – كلينكس المرطب – بودر – سودو كريم – عود اذون للطفل- شامبو – صابون السائل للاستحمام – اسفنجه للاستحمام – مصاصه – حليب اذا حابه بس ما انصح انصح بالرضاعه الطبيعيه – مميات – حلمات المميات مقاس سمول اخذي 6 و ميديوم 6 و لارج 6 – فرشه علشان اتغسلين المميات و فرشه اصغر حق حلمات المميات – اويل بيبي جونسن – كريم مرطب – لوشن الجسم ) هذا الي الحين انا اتذكره
انتي لما اتروحين راح اتعرفين شنو تشترين و الله يهون عليج

الرحيق المختوم : كفيتي ووفيتي
وجونسون اند جونسوون احسن شي
ومميات بيجووووووووون الاحسن

مجموعة جونسون(شامبو-لوشن-صابن جسم-قطن اذن-مناديل مرطبه-بودر) بامبرز-مميات- صابون للمميات-فرشة لتنظيف المميات

تحصلينهم غير الجمعية ومركز سلطان هم بعد كارفور ولولوهايبر في قسم اطفال خاص وبعد سنتربوينت …

مشكورين بنات