أستفسار بسيط للمتكممات

السلام عليكم

اليوم ولله الحمد والمنه كملت شهر من سويت عملية التكميم المشكله خواتي شنو الاكل ال اقدر اكله الفتره هذي وشنو الاغذيه المسموح فيها والممنوعه انا مارحت المراجعتي لاني حاليا بره الكويت بس فيدوني لحد ماارد الله يجزاكم خير يارب

حاولي تاكلين طبيعي بس على الخفيف
كورن فليكي و حليب توست و جبن جبن ابيض بيض اومليت ربيان و سمك

اي اعتقد الحين تقدرين تاكلين كل شي بس لازم تهرسينه عدل بحلجج

مثل ماقالوا البنات

بس ماعتقد تقدرين تاكلين البيض بأنواعه ولا التوست والخبز بأنواعه

ولا الربيان .. ثقيل ..

السمج احتمال اي واحتمال لا ..

شوفي حبوبة

انا دكتوري قالي بالفترة هذي انتي طبيبة نفسج ..

امشي وجربي ..

الي يمشي معاج استمري عليه والي مايمشي خليه وارجعي جربيه عقب شهر وهكذا ..

عندج انا .. الحين صارلي سنة و3 اشهر متكممه لله الحمد

الخبز ومشتقاته ماقدرت عليهم الا الشهر الثامن

والعيش ماقدرت عليه الا عقب سنة

والبيض عقب 10 شهور وهكذا ..

كل جسم عن جسم يفرق

وكل معدة عن معدة تفرق

انتي جربي بكمية قليله جدا مشت معاج كان بها ما مشى غيري الاكل

الله يوفقج

انتي الحين في مرحلة الاكل المهروس
تقريبا نفس الاكل الطبيعي بس لازم تعلجينه بحلجج وايد و الاكل يكون قليل او خالي من الدهون

مشكورين وجزاكم الله خير ال رديتوا علي

بنات انا متكممة من تاريخ 2-6 يعني صار لي شهر و نص بس اللي مستغربه منه اني اقدر اكل الخبز و توسته و جربت اكلت ربع منقوشه زعتر و بيضه مقلية بزيت زيتون ما تعبت منهم و الصراحة انا مستغربة من نفسي
منو مثلي؟

انا

أختي دونات وين مسويه التكميم عند اي دكتور