|
|
السلام عليكم
بعد التوكل على الله وصلاة الاستخارة قررت بعد ظروف صعبة مررت بها خلال فترة التدريس أن أنقل من معلمة إلى ادارية , فهل عندكم فكرة عن كيفية تنفيذ ذلك ؟ علما باني هذه اليام تعبانة حييييييييييييييييييييييييييييييييييل وكله ماخذة طبيات بسبب الحمل والتعب وخاصة اني اشعر بخدران في الذراعين ولا استطيع الامساك بشيء وساراجع طبيب العظام يوم السبت …
فماذا ترون ؟
كوني معلمه سابقه الله كرمني بوظيفة ثانيه الحمدالله
لازم يكون تقريرج ضعيف لمدة سنتين اعتقد
او ناظرة المدرسه تكتب لاتصلح معلمه اوشي مثل جذي بس الموضوع صعب وعسي الله يسهل عليج
بدون واسطه ولا تقارير ضعيفة
شكرا على نصيحتش بس انا تقريري العام الماضي جيد لأني كنت مدرسة جديدة والمفروض انه امتياز … بس بصراحة الناظرة حقدت علي من اخر السنة اللي فاتت رغم اني من المدرسات المسالمات وهادية مالي شغل باحد واللي علي اسويه كل ذنبي اني حملت ومرضت !!!!!!!!!!!!!!! وبداية هالسنة زاد علي التعب وحولوني مجلس طبي ومع بداية السنة اعطتني اللجنة اجازة اسبوعين والحين ايديني مخدرة وما احس فيها وان سويت مجهود ولو بسيط احس مثل الكهربا تسري بعظمة ذراعي حتى ولدي الصغير ماني قادرة اشيله وهذا مأثر على نفسيتي وصحتي بالنازل وما عندي حدامة من بداية العطلة لليوم وكل ما ادور ما احصل واطلب تجيني وحدة تستهبل وما تبي تشتغل … والحين طلبت وحدة صار لها شهر ونص ما وصلت وكل ما ادق عالمكتب يطلع اعذار وعيالي اوديهم حضانة وعلى هالحالة ما اقدر اسوي شي خاصة وانه زوجي مسافر لندن وما راح يرجع بالسلامة الا بعد 10 الى اسبوعين ..
ادعو لي ان الله يفكني من هالتعب لين اولد شهر 12 ….
مشكورة يا عمري ولا تنسيني بالدعاء بالصحة والعافية ..
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
عسى الله يهون عليج وتولدين بالسلامه
ويسرلج التحويل وتخلصين من التدريس وهمه
آميييييييييييييييييييييييييييييييين
وربي يسهل دربش ويبعد عنش عيال الحرام ويخر عيال الحلال في كل دروبش ..
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
والله يا اختي ماعرف 0000و ما حبيت اطلع وما اكتب شي
غير الله يوفقج ويسمح دربج ويسر امرج ان شاء الله
ام الجوري … عليج بالدعاء والحاله اللي تمرين فيها ان شاء الله بتكون وقتيه وترتاحين يارب وما تشوفين شر
بس خايفه المنطقه يرفضون او السالفه تطول… منو اللي نقلت بسرعه ؟
سوي استخارة الاول وبعدين قرري بالنسبة لي الحين انا ولدت ولادة مبكرة من اربعين يوم وجاني نزيف وبغيت اروح فيها من التعب بس الله ستر وللحين بنتي بالمستشفى
وقراري هذا بعد الاستخارة لا رجعة فيه وان شاء الله ارتاح لأني تعبت وايد وايد وايد من التدريس وكرهته كره العمى …
بس الحين ابي امومة لان بنتي تحتاج عناية خاصة بس سمعت انهم مانعين الامومة بعد ..