أرجو المساعدة

السلام عليكم خواتي
أنا عندي مشكلة صارلها أكثر من شهر
يتني الدورة الشهرية من شهر وبعدها طلعلي تسلخات وحبوب مكان الفوطة
وأعاني من حكة قوية مكان الحبوب
جربت كريمات وايد للتسلخات وما نفعت وأخر كريم (بانديرم)
راح الاحمرار بس الحبوب والحكة لسه موجودة!!!
وانا مابي روح حق الطبيب

ساعوني تكفون وشكرا على تعاونكم

اممم اختي يمكن من الفوطه .. او لانج اطوولين فيهاا..

انصحج باستخدام الفاازلين بكثرره ينعم هالمنطقه ويخفي الحبوب.ز

انا قبل كنت استخدم ألويز وهم نفسج تجييني حكه فاحط فازلين وخفت حييل الحكه..

بعدهاا استخدم ليدي سووفت روووووعه ماتجيني الحكه طلع من الفوطه..

جربي الفازلين ورديلي خبر..

شكرا اختي عالنصيحة
بس انا جربت ليدي سوفت وفام والحكة لسه موجودة
وجربت الفازلين وببانثين وميكوزال وكثير كريمات بس ماراحت الحبوب والحكة
بصراحة وايد متضايقة منها

حبيبتي اتصدقين آنا من سنين كنت اعاني من هالحاله واكتشفت ان السبب حبوب المانع الي استخدمهم ومن غيرتهم فارقتني لله الحمد هذا بالنسبة لتجربتي

شكرا غزالة كويتية عالنصيحة
بس أنا مو متزوجة : )

الله يعطيج العافية

كنت متوقعة حبيبتي لازم تروحين دكتور متخصص جلدية وتناسلية لاتسكتين على روحج ترا هاذي منطقة حساسة