|
|
السلام عليكم ورحمة الله وبركاته ,,,
شلونكم حبيباتي …
انا محتارة وابي نصيحة من البنات اللي يعرفون واللي متأكدين …….
شنو التخصص الحلو بالجامعة العربية المفتوحة ؟
منو تعرف احد يدرس هناك..
ودعواتكم بالتوفيق بظهر الغيب " لا تنسون الملك اللي يقول ولك مثله "
ملاحظة :
ما يهمني عدد المشاركات وماراح اتضايق لو محد رد علي بس الاهم الدعوة بظهر الغيب..
واللي تعرف وبتعطيني معلومة تفيدني جزاها الله خير ..
انا خريجة من العربية المفتوحة تخصص حاسب الي …
والتخصص حلو ..بس اذا ما كان ميولج ما راح تمشين فيه
التخصص حلووو وسهل بس يبيله مجاابل ودراسه اول باول
ومثل ماقالو البنات على حسب ميلوج انتي شنو حابه هذا اهم شي
عشان تكونين مرتاحه وتنجحين بالدراسه^_^
واذا عندج اي استفسااار انا موجودة….
|
المشاركة الأصلية كتبت بواسطة tahmeena
 التخصصات الموجودة بالجامعة العربية المفتوحة هي : اداب انجليزي – التربية – الحاسوب – ادارة الاعمال (النظم الادارية – الاقتصاد) ويعتمد على شنو انتي تحبين تدرسينه لان الدراسة بالجامعة مافيها حلو او مو حلو! يعتمد على ميولج ودراستج! ودي اعرف انتي من متى متخرجة ؟ وشنو تخصصج؟ وهل انتي موظفة؟
|
مشكورة على ردج.. انا ادري اهو حسب الميول بس انا عادي عندي كل التخصصات… كلهم اوكي معاي..
عشان جذي سألت بشكل عام .. عارفة والله مافي حلو لا تستغربين.. انا سألتكم لانه كل شي اوكي
بس ابي شي سهل وبسيط ..
وعلى اسئلتج انا شهادتي مو قديمة اقدر اسجل بس قاعده احاتي التخصص ..
انا سمعت انه الجامعة يراعون الدوام لو توظفت مايأذيني اليومين اللي بروح فيهم الجامعة.. " قالي اخوي انه الدوام احيانا يكون محاضرة بالاسبوع واحيانا مرتين كل اسبوع "
اي معلومة مكن تفيدني منج ومشكورة حيل على ردج ماقصرتي ..
" شنو نكج؟ ماعرفت اكتبه"
|
المشاركة الأصلية كتبت بواسطة Programmer.Girl
كلام الاخت اللي قبلي عدل
انا خريجة من العربية المفتوحة تخصص حاسب الي … والتخصص حلو ..بس اذا ما كان ميولج ما راح تمشين فيه |
مشكورة حبيبتي على ردج .. شنو تصيرين بروقرامر جيرل؟ يعني لو تخصصت جذي شنو اصير؟
وجم مدة الدراسة والدوام؟ واذا تعطيني مجمل تكاليف الدراسة " المواد والكتب " بشكل عام .. وتقريبي اذا تذكرين اكون لج شاكرة ألف مرة
|
المشاركة الأصلية كتبت بواسطة زبــــــــدة
انا تخصصي ادارة اعمال – نظم اداريه
التخصص حلووو وسهل بس يبيله مجاابل ودراسه اول باول ومثل ماقالو البنات على حسب ميلوج انتي شنو حابه هذا اهم شي عشان تكونين مرتاحه وتنجحين بالدراسه^_^ واذا عندج اي استفسااار انا موجودة…. |
انا اول شي فكرت فيه هالتخصص… بعدين قمت احاتي وقلت اسأل احسن..
زبدة نكج حيل حلو.. وان شاءالله ابارك لج بالتخرج قريب ..
بسألج نفس السؤال اللي سألته بروقرامر جيرل … انه… امممم
تكاليف الدراسة والكتب المواد وجذي شكثر..
مشكورة حبيبتي على هالجمله
| واذا عندج اي استفسااار انا موجودة |
ماتقصرين وفيج الخير وكلكم خير وبركة حبيباتي…
قالولي سجلي بالبحرين وانا ماني عارفة الطريقة خليج معاي حبيبتي والبنات بيردون على سؤالج مايقصرون
بس لا تزعلين الا مايكون في طريقه اذا فعلا حابة درسين اكو حل اكيد..
هل اقدر اكملهااا بكالوريوس بالجامعه المفتوحه ؟؟ يعنى اكمل دبلومى اذا خلصته ؟؟
زبدة.. بروقرامر … تاهمينا .. ناطرتكم حبيباتي…
وتكاليف الدراسة لو عندج فكرة ومشكورة بكل الحالات حبيبتي