|
|
بنات بقولكم سالفه لأن أنا تعبت ومالقيت حل عندي بنات خالاتي وحده أكبر من الثانيه حوالي بسنتين بنت خالتي الكبيره الله رزقها وتزوجت وبنت خالتي الثانيه الله مارزقها عسي يرزقها بنت خالتي الثانيه أللي مومتزوجه كانت تقعد معاي أنا وبنت خالتي وتحلطم من نصيبها أنه طول لأن كنا مع بعض ثلاثتنا مثل الخوات المهم أنا تزوجت وبنت خالتي الكبيره تزوجت وقعدت بنت خالتي الثانيه ماتزوجت أللي تحلطم المهم صار حده بالنقاش مع بنت خالتي أللي تزوجت مع أنه قبل شزينهم وشحلاتهم بس مادري ليش التغيير لأن أحيانا أحس التغيير من أللي تزوجت لأن من تزوجت ماقامت تعبر بنت خالتها ولاترد علي تلفوناتها علي أبو أني تزوجت وصايره تحب تقعد مع المتزوجات وتسألهم وحقها تبي تعرف سوالف بس أنج تقاطعين بنت خالتج أللي ماتزوجت ومره كنا بيمعه عند بيت أهلي وتقعد تعاتبها أنتي ليش ماتردين علي تلفوناتي وليش شايفه نفسج وأحنا قبل شحلاتنا نطلع مع بعض المفروض الزواج مايغيرج ذيج المتزوجه فهمت أنه تغييير منها فقاطعتها وقالت كيفي وقت مابي أحاجيج بحاجيج مو تجبريني علي قالت كيفج أللي مومتزوجه قالت خلاص خليج علي راحتج ماراح أمووت أن ماحاجيتني المصيبه وين أللي متزوجه شتحر ذيج فيه تحر صج حريم بطريقة نومتها مع ريلها والله جدامي زوجي قالي سوي الحركه هذي وأحنا نكون قعدة بنات الأغلبيه متزوجات بصراحه نسكت مو عشان شي تقديرا للبنات أللي مو متزوجات ولأن ندري هذي نيتها وثانيا حراام مايجوز تقولين أسرار الفراش وتقعد تسأل بنات أنا بسويله أكشن يديد عطوني أقتراحاتكم أقولها فلانه دشي النت ودوري شدرانا زوجج شيحب المهم صدف قعدت أنا وأهي وبنت خالتي المتزوجه بروحنا وتقوول سالفه حدها قذره عن النومه وأنا عصبت عليها قلت ليش تقول هالحجي أنا متزوجه أنقص ويهي و فقدت وفصلت عليها وقلت لها أنتي وحده يا موليه يامومصدقه علي الله أنج تزوجتي أتقي الله ولانبي نعرف عريس الغفله شسوالج جان تقوولي بغثها بحرها خليها سكت وألحين بكل يمعه بس تشوف هالفقيره تقعد تشرح زوجي باسني زوجي مادري شسوي حجي ماله معني حاولت أنصحها بصراحه طاقتني بالطووفه … ولاالمصيبه اليمعه كل نهاية أسبوع في بيت أهلي لأن أمي العوده وقمت أكره دشت ذيج لأن تجرح الثانيه بسوالف ماصخه شسويلهم حاولت أقنعها تتقي الله بس ماترد علي …أنا برايي أمنع المتزوجه من دشت بيت أهلي قويه صح …
الزواج نصيب و يمكن هي بجذي تخرب علي عمرها خصوصا ان نيتها تبي تحر
الله يهداها و يرزق كل البنات و عيب اللي تحر علي الزواج لان هالشي هي ما خذته بقوتهاو بذراعها عشان تفتخر فيه
مريضه !
لو منج قولي للي مو متزوجه ترى الاخت مريضه
ولاتحسبين يرضيني الي اهي تسويه
واكيد ماتتحجى جذي الا تبي تعوض نقص فيها
معقوله عاد
وصلنا نحر بعض بهسوالف
يعني هلشي بيد منو ؟
بيدها ؟؟
طبعا لا !!
ماتدري ان هلشي بيد الله .. والله اهوا الي عطاها .. وهم الله اهوا الي يقدر ياخذ الشي منها !!
وهلفقيره شنو سوت لها ؟؟
ذنبها بس ان ربنا أخر نصيبها لحكمه منه .. او ان خاشلها واحد زين ..
حبيبتي خلي احد كبير يتدخل ويكلمها ..
حرام تسوي جذي ..
واصلن حتى لو مو عشان البنت … اصلن مايصير تتكلم بهسوالف الخاصه جذي ..
.
.
.
هذي فيها نقص .. تلاقينها محترة من الثانية بشغلة و تبي تحرها بهالشي لأنها مجربته
بس صج الله يعينكم عليها .. أصلا مايجوز تتكلم بهالسوالف !!
|
المشاركة الأصلية كتبت بواسطة عسل مرت قيمر
 استغفر الله
معقوله عاد وصلنا نحر بعض بهسوالف يعني هلشي بيد منو ؟ بيدها ؟؟ طبعا لا !! ماتدري ان هلشي بيد الله .. والله اهوا الي عطاها .. وهم الله اهوا الي يقدر ياخذ الشي منها !! وهلفقيره شنو سوت لها ؟؟ ذنبها بس ان ربنا أخر نصيبها لحكمه منه .. او ان خاشلها واحد زين .. حبيبتي خلي احد كبير يتدخل ويكلمها .. حرام تسوي جذي .. واصلن حتى لو مو عشان البنت … اصلن مايصير تتكلم بهسوالف الخاصه جذي .. . |
والحمدلله إنج ماتغيرتي والله فيج الخير والبركه
بسراحه أنا ألحين تضايقت لمن قريت السالفه
النوعيه هاذي يبيلها أحد أقوى منها
أو أحد يفشلها جدام البنات وهي تسولف بخصوصيتها
صج ماتنعطى ويه
ما اقوول الا الله يهديها
اصلا ما يصير تتكلم بهالسوالف
و اصلا يشنو بتحرها
الحمدالله و الشكر بس
مومصدقه في بنات جذي وااااي فشله شكووووو اقول اسراري الزوووجيه…
المتزوجه صدقيني ان ربي بيعاااقبهااااا على الي تسويه…اذا ماني غلطانه تلعنها الملائكه..
والي مومتزوجه الله بيرفع حضها ويعوضها بنصيب احسن من الي متزوجه وتحرهااا…..(صج نقص عقل)
مااااوصيج على بنت خالتج هالله هالله فيهااا ولاتحقرينها وقوليلها موكل وحده تتزوج تتغير..وان شاءالله خيره التاخير بالزواج…
الحمدالله الذي عفانا بما ابتلاها به وفضلا على كثير من خلقه تفضيلا…والله احتريت