|
|
مساء الخبر
توني والده واجازة الوضع تخلص آخر الشهر
بنات هل اجازة الامومه لو قدمت عليها تتسبب بنقلي؟
شنو عيوب اجازة الامومه؟ هل اقدر اقدمها بس شهرين ؟
وشكرا
هلا حبيبتـي ..
الحمدلله على سلامتـج حياتي ..
اللـي أعرفـه اني غالبا ما يتسـبـب نقـل ..
عندنا كذا وحـده منتقلـه من اجازة أمـومـه ..
اذا علاقتـج زينـه مـع الناظـرة ممكـن ما تنقـلـج ..
بس هي من حقـج .. واذا محتاجتهـا اخذيهـا ..
وموفقه حياتي
إذا تبين مدرستج و ما ودج تغيرينها تقدرين تاخذين اجازة الأمومه و تقطعينها بآخر أسبوع .. يعني قبل لا تنتهي ال6 شهور تردين تداومين
أما إذا عايفة مدرستج — (زي حلاتي) لا و الله اخذي أجازة الأمومه و استانسي فيها .. و ضحكي و استانسي لأانهم راح ينقلونج .. و إن شاء الله تكون المدرسة الثانية خيره لج .. و ادعيلي ان المدرسة اللي راح أنتقل لها عقب إجازة الأمومة زينه 
انا ودي انتقل وما ودي و مادري الخير وين
.gif "Eh S(8)")
|
المشاركة الأصلية كتبت بواسطة مطيريه ماركه
 اي صح ينقلونج تصدقون بنات مو بس المدرسات حتى موظفات وزارة التربية أختي أخذت إجازة امومة جك بم ناقلينها لغير قسم ، طيب بنات ليش بفهم ؟
|
يعني بيأدبونا .. عشان ما نعيدها و ناخذ أمومه مره ثانية هههههه
الحمدلله و الشكر … وزارة مريضة نفسيا الله يجيركم و يجيرنا 
بعد انا مثلج باجازة وضع واناويه اخذها واخاف ينقلونى من مدرستى عااد وايد ارتحت عليها
أنا أتوقع انها تسبب بالنقل
والله اعلم
|
المشاركة الأصلية كتبت بواسطة ^sweeta^
يعني بيأدبونا .. عشان ما نعيدها و ناخذ أمومه مره ثانية هههههه
الحمدلله و الشكر … وزارة مريضة نفسيا الله يجيركم و يجيرنا |
والله سويتا تناقشت مع بنات العايلة بهالسالفة امس عقب هالموضوع الكل يقولون يمكن بيعوفونا بهالإجازة عشان ماناخذها
والسؤال ليش ؟ وشحقه ؟
الأبلات ماقصروا من حقهم يرتاحون هالإجازة من حقهم والا ليش تقرونها
شيلوها أبرك
ليش سوالف الحريم تطلع يا أستاذة نورية المفروض انتي مرة نفسهم حاسة فيهم بس نبيج عون صرتي فرعون
ولا نقلوني على حسب إدارتج
أنابعد نفسج بإجازة وضع و آخر شهر 3 اداوم قدمت أمومة شهرين ..!
بالنسبة للنقل على حسب الناظرة إذا تبيج تثبتج عندها بالمدرسة وإذا لأ ينقلونج مدؤسة ثانية
شوفي حبيبتي الواسطة فوق كل شئ عندج واسطة يحطونج في المكان اللي تبين حتى لو تردين لمدرستج القديمة
حتي لو المدرسه محتاجتها