|
|
يعطيكم العافيه
والله ترددت وايد قبل ماأكتب بس ودي أسمع رايكم بموضوع بالنسبه لي مهم
عندي بنت خالتي وأهي عزيزه علي وأكثر من أختي وتقولي كل أسرارها
وأهي متزوجه من 5 سنين وعندها بنتين يهبلون المشكله بختصار أن
زوجها قاعد عندها 24 ساعه وتحت أمره بكل شي وحتى ربعه قطعهم من
الدوام لي البيت طول الاسبوع مع أن أهي مومانعته بس أهوا يقول مليت
لأن كان عنده مشروع وباعه فيقولها أحس أني كنت لاهي عنج وعن البنات
وأبي أعوض هالشي ألحين المشكله أن من يطلع مثلا بالاسبوع مره أو
مرتين تعفس علي الدنيا دق عليه وتصارخ وتقوله اذا مارجعت نام بره
آنا بقفل البيبان وماتقدر حتى وين قاعد ومع منوا وأهي تتعمد كل مايطلع
تسوي روحها أنها تبي تسهر معاه بالبيت وتقوله ها ترا ناطرتك وأهوا
مايواعدها أن بيرد يقولها خليني شوي لاتضايقيني ابي اقعد مع ربعي مثلا
اليوم اسهر تعفسه وفعلا تطرده من الدار وأهوا أيي ويطق الباب وتقول
يقولي بطلي البنات نايمين ماأقدر أصرخ وأهي حاقرته وأهوا يستحي
حتى جدام الخدامه يلاقي أغراضه محذوفين بره الدار حتى لما كانت ساكنه
ببيت أهله كانت تقفل الشقه وتخلي جدام أخوانه ينام بره كل من أيي الصبح
يشوفه نايم بالصاله وأنا صراحه عيزت أنصحها أقولها عيب وغلط الي
تسوينه بس أهي عنيده وبصراحه فيها لعانه شوي وأهي تقول أهوا
الي دلعني وخلاني جذي وترا عمرها ماعتذرت له بحياتها سواء كانت
غلطانه أو موغلطانه
أبي رايكم بنات
ومشكووووووووووورين
خل تدير بالها علي رزقها وبيتها وتري اليوم هو زين باجر يقلب وينحاش
والله يهديهم
وبعدين كثرة مجابل الريال للمره تصير ملل لازم في شوق وغياب مؤقت
الله يعينه ويهديها
هذي الصراحه تصرفاتها جدا طفوليه ومارده بيمل منها وبيطفش منها ترى الريال ماله نفس طويل بهالامور
طبعا تصرفها غلط ولا فيه مره جي نسره ؟؟؟
خل تقضب مينوونها لا ايييها اللي اين منه وتحمد ربها وتشكره ع النعمه,,
الحين ينام بالصاله راح ايي له يوم ينام بره ويصير الوضع عادي عنده وخليها اطق حنايج بعدين
هذي حدها دلوعه قوليلها مثلا صديقتي بالدوام تسولف عن وحده نفس سالفتج زوجها كل مايتأخر تقفل الباب عنه عقبها قام يخونها وتزوج عليها يمكن تعقل
الي تقولونه عشان تتعلم وتفهم والله عاد ريلها ينن وحبوب بس صراحه
أهي شوي ملسونه وعيزت وآنا أقولها (أتق شر الحليم أذا غضب)
وأختي شقرا حتى لو أنشغل مع أهله أو ربعه وأهي متسنعه ومضبطه الشغل
هم مايعطيها الحق أنها تطرده ولا شرايج
ومشكووووورين
امزح
الله يعين
إذا كان هادي وحبوب مانفع معاها شكلها بتخرب بيتها
الله يهديها ويصلحها لاتخرب على نفسها بس
الرجال اذا شاف تصرفات المره جذيه بسرعه راح يمل ويصدمها بالشريجة
هذا رايي
هني تصحى
قوليلها اذا اهو صابر الحين ماراح يصبر على طول
والصبر له حدود ..
خل تصير معاه حبوبة بكل وقت .. مثل ما هو يعزها ويدلعها
خل تعامله بالمثل .. ماعليه اهو محتاج وقت حق نفسه بعد
حذريها من خسارته …