أبي بنتي تلبس الحجاب شلوووون

السلام عليكم حبيباتي

باختصار هي مو مشكلة ولا قضية كبيرة ..بس صرت احاتيها هاليومين

بنيتي حبيبة قلبي بجري ..هالسنة كملت 11 سنة

اشوفها اسم الله عليها كبرت ..وصرت اشوف طلعتها من غير حجاب مو حلوة

مع انها حبوبة وهادية والله يخليها لي عقلها كبير ..بس لي شافت خواتها اللي اصغر منها

طالعين ..تحب تطلع معاهم ..تحب تروح الالعاب

انا مابي احسسها انها صارت مرة ..واكبرها عن عمرها..مع العلم توها ما بلغت

وفي نفس الوقت مابي اتعامل معاها على انها صغيرة ..وهي ماعادت صغيرة

الحين ودي تلبس الحجاب ..بس احس راح احرمها من الطلعة براحتها لانه ابوها في هالحالة

راح يقتنع انها " صارت مرة "..وراح احرمها من القصات والسوالف هذي

وفي نفس الوقت ..ابي تلبس شي يسترها لاني خايفة ربي فيها اولا وخايفة عليها ثانيا

اسم الله عليها تلفت النظر …

مااا ادري شلوووون…. محتااارة

هم انا نفس المشكله

بس كاسره خاطري احجبها مبجر

على السنه اليايه بحجبها ان شاءالله

دامها مابلغت لاتستعيلين عليها بس لاتلبسينها ضيج وبنطرونات هيئيها لهدوم المحجبات الواسعه والجم طويل والسوالف هذي

مادري احس توها صغيرة على الحجاب خصوصا انها مابلغت نطريها لي بلغت حجبيها
وحببيها بالحجاب ليما تكبر شوي بس الحين لبسيها لبس محتشم يعني تنانير مو وايد قصيرة واذا
بنطلونات تلبس قمصان طويله ساتره وخليها تجرب الحجاب بالبيت اخذي لها الوان حلوة يحبونها البنات
والقصات ان شالله ماراح تنحرم منهم لما تكون عند حريم تستانس بشعرها بهالقصات والتسريحات واللبس
وهي لما تشوف رفيجاتها بالمدرسه تحجبوا راح تتشجع وهي راح تطلب الحجاب ان شالله ..

وادعيلها بالهدايه والستر ..

انا رايي اتعلمينها شويشوي لا تحجبينها فجاه اول علميها على انا تلبس طويل وجذي وبعدين علشان ليما تحجبينها الا اهيا لبسها ساتر وكل شي

الحجاب فرض عند البلوغ و فيه حديث

اما عن بنتج فحصنيها و لبسيها لبس واسع و توكلي على الله

بالتدريج علميها تلبس طويل ووسيع وانه عيب هذا يطلع وهذا يبين
وانه اذا لعبت واذا مشت تستر نفسها وانها بنت وحلو الحجاب عالبنات
روحي معاها السوق وراويها ملافع ناعمة وحلوة وسوالف ماركات قولي هذا لي كبرتي شوي تلبسين جذي
وانج بتستاسين لمن تشوفينها لابسة حجاب وانج متشوقه لهالشي وان الحجاب طاعة للرب قبل مايكون زينة للبنت

والله يوفقج

مادري حبيبتي احسها توها صغيره بس انتي عوديها بلبسها اكون طويل يعني لما تلبس بلوزه قصيره على بنطرون قوليلها ماما هذي قصيره مايصير تلبسنها لبسي الثانيه احلى !! يعني قصدي اخذيها بهداوه وعقل لا تخلين خوفج عليها يخليها تكش من سالفه الحجاب
ولا تخافين بعمر 14 او 13 البنت تحب تكبر روحها وتجرب الحجاب فانتي بهالمرحله شجعيها

لين تبلغ حجبيها
الحين خلي لبسها طويل وساتر
وعسى ربي يحفظها ويخليها لكم يارب

حبيبتي مدام انها للحين ما بلغت لا تحجبينها لما تبلغ حجبيهـــا

بس يعني كلميها انها بنوته كبيره وسولفي معاها اهي من خلال سوالفج معاها راح تحس انها كبيره

ووراح تتصر مثل الكبار ما يتصرفون

وصارحيها وسلفوي ويايها كانها كبيره

الله يحفظها لج ان شاء الله

شوفي حبيبتي اهي توها صغيره بس انا اقولج حبيبيها بالحجاب و عوديها اهي و خواتها من الحين عاللبس الطويل و الساتر
والله حتى الصغار قم ينخاف عليهم من عيون الناس حتى لو بعدهم بنوتات

لا تلبسينها حفر او قصير
و حسيسيها بطريقه غير مباشره انها كبرت و جذي

بعد توها صغييرة.. لبسيها الواسع والطويل و بعد سنة سنتين حجبيها.. حرام الحين وايد مبجر وراح تعطينها احساس انها كبرت واايد واهي بعدها صغيرة

الله يحفظها لج من كل شر …….امين

رآي من رآي آلبنــآت .. حببيهـآ بـ آلحجآب هي وخوآتهـآ .. وعوديهآ بـ آلبيت أنهاا تلبسـه
قولي لهـآ ودي أشوفج لآبسـه حجآب وريني شكلج فيـه .. وكلميهآ على أنهـآ كبيرهـ بس مو حيل
لكن بعد مآتبلغ حجبيهآ مو آلحين .. هـ آلفترهـ عوديهآ ع آللبس آلمتحجبآت وآلسآتر

ربي يخليهآ لج ويحفظهآ من كل شر

خليها على راحتها توها صغيرة حرام

خليها تستانس بعدين لاتحجبينها غصب هذي حياتها وهي حرة فيها انصحيها وحاولي تقنعينها بس لاتجبرينها على شي

ترى بعدين تقطه من وراج