أبي أقرا على علاج لشعري

السلام عليكم ورحمة الله وبركاته

خواتي أنا أبي أقرا على الحنة اللي احطها شلون ؟ لأني بعيد الشر عنكم شعري خفيف حيل لدرجه الصلع يعني كم شعره من قدام بس وهذه خلقة الله مع ان الحمدلله جميلة بس الله خلقني بهالشعر الضعيف وأبي أقرا على الحنة والسدر اللي أحطه على شعري شلون الطريقه؟ دورت بالنت ولقيت الرقية الشرعية للسحر والعين وانا لاني مسحورة ولا عين لاني من طلعت على الدنيا وهذا شعري بس مادري أختكم غشيمة وياليت أحد يساعدني وجزاكم الله خير

والله اختي ما اعلم
بس القران كله شفاء حاول تقرين الفاتحه والكرسي والمعوذات وترا يعني اما ثلاث او خمس
اسال الله لك الشفاء ولجميع المبتلين………..

جزاج الله خير أختي والله يسمع منج بس شلون الطريقة هل أنفث فيه عقب كل قراءة ولا عقب كل 3 مرات ؟ وشلون ترتيب القراءة يعني 3 مرات سورة الفلق وبعدين 3 مرات سورة الناس..الخ ولا مرة سورة الفلق ومرة سورة الناس ومرة سورة الصمد وبعدين اعيد الكرة 3 مرات ؟

الله يسامحكم ابي بس الطريقة

أقري الرقيه الشرعيه بس دام منبت شعرج جذي ماعتقد بيكثر لانج قلتي هذا شعري

انا اقول تصدقي بنيه الله يشافي شعرج واذا بتقرين على الحنه والسدر اهي مو سوره معينه يعني لانه عندج اول الرسول كان مرات يكتفي بالمعوذتين للرقية وكان في صحابه يرقون بس بسورة الفاتحه المهم انتي حسن الظن بلله ولو تقرين على قولة الاخت المعوذات والفاتحه وسورة الكرسي وكلج ايمان انه يتحسن مو مهم الترتيب ولا الطريقه المهم انج تثقين انه الله راح ايشافيج بتقربج منه وهذي القصد من القراية والله يشافيج ويشافي جميع المسلمين

حبيبتي العبد يسعى ويجتهد والباقي على ربنا ,انتي نكج مدمنة اوريو ,اذا عندج سمنه مفرطه فاحتمال تكون أثرت على هرموناتج وتأثر شعرج اذا ماعندج مشكله ففي كثير من الحبوب ممكن تنفعج أعرف وحده تستعمل hair vitوالله العظيم كانت قمتها طالعه والحين تبارك الرحمن اشزين شعرها تقول أول مره بحياتي يطول فانتي جربي ومع هذا اقري الرقيه الشرعيه على الزيت أو الحنه والسدر وفي خلطه اسمها الخلطه العجيبه عند الحواي وبالجمعيات جربيها .

السلام عليكم جميعا اخواتي في الكويت ماهي التغدية التي تساعد نمو الشعر بالشكل الطبيعي وتفيده لكي اكثر منها لان عندي مشكل في شعري هناك طبقات ملساء على راسي منزوع منها الشعر البعض يقولي مشكلتي هي النرفزة و سوء التغدية مع اني عملت رجيم قاسي ارجوكم افدوني يااهل العلم وشكرا

الفتاة الماسية والله حبطتيني بس أنا متأكدة مافي شي يصعب على رب العالمين وعلى فكرة بنات هذا مو مرض هذا من طلعتي عالدنيا جذي شعري
ماس ولولي فديتج والله ارتحت لكلامج ونور الكويت انا الحين قاعده ااخذ حبوب بيرفكتل ومادري ماشوف نتيجة تذكر غير ان اظافر صارت تطول اسرع بس
زهرة باديس والله انا احط حنة وسدر ومغلي البابونج والحلبة وازيت شعري بزيت املا والخروع والفاتيكا
انا بنات قاعده احاول ابذل الاسباب عشان الله يحقق مطلبي ومافي شي يصعب على رب العالمين

الله يرزقك خير القران وما نويت به يارك الله فيك