|
|
باختصار أنا متوهقه.. أنا وحيدة ماعندي خوات
وأخوي هذا أول زواج له.. ,أبي عرسه يكون بأحلى صورة
ساعدوني .. بللي يطري عليكـــم
صاله مناسبة.. طقاقه ثقة
افكااار لديكورات الصالة ..أفكار تقديم المهر
فنتك في كروت الدعوة..
أتمنى منكم أرقام محلات زينه أوعناوين
شااااكره لكم حبايب قلبي مقدمـــــا
ولحد يبخل علي اعتبروني اختكم
يا حبيبتي في هني واجد مواضيع هنيه بركن العروس تفيدج عن كل شئ طلبتيه وحاطين احلا شئ
دوري بالعناوين
اما المهر والله عاجبتني فكره وحده
حطوا مهر اخوهم بحساب بالبنك باسم زوجته
وجابو الكرت بعلبه كشخه متروسه ورد مجفف
وواربطوه بربطه ستان
كان شئ لما شفت الصوره
طبعا مع الشبكه والعطور
مشكككورة حبيبتي >> بنت العاشــرة..
والله يبارك فيج وفي حباانج
صاجة المواضيع موجودة لكن ..ماشالله واجد احولت عيوني..
في شغلات محددة ابيها ماحصلتها
مثل.. نظام الطاولات والكراسي بالصالة؟؟
ومحلات حلوة لطباعة كروت الدعوة وافكار جديدة..
>>> فكرة الحساب البنكي روووعه وذربة
اساسا العروس فاتحــــة حساب فاتحـــه للمهر
اعجبتنــــي حيييييل..
وسجلتها عندي بورقه
جزاك الله خيـــــر يالغاليـــــة
ان شاء الله البنات ايفيدووننا
حتن انا ودي بفناتك
احنا المهر ودينه مع الشبكه و عطور فرنسيه و دهن عود و ورد و مخلط و بخور بصندوق و غلفناه بورد
وااااااااااايد طلع شكله حلووه و حده ذرب .. و قريت فكره بالمنتدى اعجبنتي انه تشترين جنطه ماركه مع
بوكها و تحطون المهر بحساب باسم العروس و تحطون كرت البنك بالبوك عرفتي !! حده كيوت الفكره بس احنا كنا نبي شي تقليدي مثل اول و ضفنا عليها افكار يديده ..
بكذه عرس هابين بنظام الطاولات المدوره ..
هذا اللي اعرفه والله سامحيني على القصور ;$
الله يتمم على خيــــر .. والله يوفقه ويووفقكم بعرسكم
ايه والله وحيدة والعرس كله على راسي..
والكل يسألني ها شسويتي؟.. بس فالحات شسويتي؟
وأن سألتي وحدة منهم عن شغلة قالت لج ها؟! مدري.!
>> فكرة مهركم حلوة وهي الدارجة
وفكرة الحساب وتحطين البطاقة في بوك او علبة هم حلوة..
تحيـــــــــــاتي لج
وبالتوفيق حبيبتي
يعني اذا عندنا بالمنطقه العاشره احلا شئ الهيلتون اطلبي منهم نظام طاولات ويحطون بست بعد
نفس نظام صالات السعوديه موهنا كنا مسرح مدرج وع لووووووووووووووعه