أبي أتنفس!!تعرفون اخصائي أنف و اذن و حنجره وتجميلي بنفس الوقت؟

بنات أنا عندي انحراف
الفتحة اليمين اتنفس فيها عادي
بس اليسار كلش مسكره

قالو لي أحتاج عملية و عطاني اسم العملية ضيعته الحين
أول شي رحت قوقل و شفتها إذا تغير شكل الخشم

و فعلا طلعت تغيره!!
و اهني حدي خفت
شلون إذا تنفست طبيعي بس تغير شكلي للأسوأ

فأبي اخصائي أنف و بنفس الوقت تجميلي
جذي بكون مهتم بالناحيتين!

مو جذي؟

تبين اتسوين العمليه بلبنان ولا الكويت

حبيبتي لو الانحراف داخلي ماراح يبين انه في تغيير موليه

على حسب شده الانحراف يعني ..

وبما انه فتحه مسكره عندج ، فأتوقع انه داخلي ـ يعني ما بيتأثر الشكل الخارجي ( علاجية )

عندج دكتور عبدالله العلي
وايد يمدحونه..الله يشفيج يارب

قبل العمليه سوي حجامه ان شاء الله مع الحجامه ترد امورج

دكتور محمد العيسى سوا عملية بنت خالي ماشالله تينن
اهو قالها اذا العملية تجميلية بس ماراح يسويها

بس اذا في مشكلة بالتنفس او كسر يسوييها
بس وايد شاطر ماشالله عليه

روحيله شوفي شيقول

عندج دكتور علي صفر الي بالمزايا واييد شاطر لان اذا كنت تحتاجين تجميل بنفس الوقت دكتور عبدالله العلي ما يسويلج بس دكتور علي صفر يعدله لج من برة ومن داخل
واااايد يمدحون عملياته

شوفي دكتور عبدالمحسن التركي برويال حياة
وايد زين رفيجتي كان عندها نفس المشكلة قبل سنتين سوالها العملية و مرتاحة ومستانسة وايد
سوالها هم علاج و تجميل و النتيجة طبيعية ما شاء الله عليه
الله يوفقج

كويتية انا ياية بسال عن هالدكتور و الا اشوفج كاتبة عنه شلون شغله بالتجميل؟ انا ما اسمع البنات يتكلمون عنه
بس ودي اعرف شغله حلو و الا عادي؟

شغلة وايد حلو
ورفيجتي مرتاحة وايد ومستانسة
روحيله استشارة وبعدين قرري

روحي عند دكتور خالد الصبيح وايد شاطر حق التجميل وأنا مسويه عنده عدلي الأنحراف وسوه خشمي تجميل وانا الحين وايد مرتاحه من تنفسي

اي رحتله وايد زين الدكتور بس مستغربة ان محد تكلم عنه