|
|
السلام عليكم ورحمة الله وبركاته ،،،
الموضوع بأختصار يا بنات الخير ، ان ابني الله ايحفظه ويهديه وايد مراهقته امتعبتني ، احسه احيانا ما يحبني وما يحب ألمسه ، وصار ما يدرس مع انه وايد ذكي ، ما يهتم فقط ايسوي اللي في باله ، اذا نصحته ايقول انزين انزين كأنه ايقول لي ياله فارقي.
ابوه عيز معاه احيانا ايطلعه وياه ويحاول ان يتقرب منه ، ايصير زين اشويه وترد ريمه لحالته القديمه ، لما اصحيه الصبح للصلاة ايقوم ويصلي الحمدلله بس وايد ايأخر الصلاة ، والتلفزيون هاي الجهاز اللي خاطري اكسره ، مدمن افلام اجنبيه ولما اشوف احيانا معاه الفيلم أحس اني بانفجر وايد كلماتهم وسخه ولهم حركات سخيفة الله يهدهم ويلعنهم ، اقول له يمه ترى هاي الفيلم وسخ بنده ، بس المشكله الحين معظم المحطات وسخه ، يا ربي شنو اسوي الولد ما يدرس ما يفتح اكتاب ، واذا فتح الكتاب اشويه وبعده ايقول ابي ابريك ، شنو اسوي وياه مب حاس بمستقبله مع اني انا وابوه اثنينه نشتغل ودارسين بالجامعة ومهتمين فيه ، يعني شنو يبي حنان وماعطينه ، وفلوس ما انقصر ، وصداقة كلما انحاول نقترب اهو يبتعد ، لا والمشلكة لما اخوانه ايشوفون اكبيرهم هاللون ايقلدون عليه ….لا وبعد وايد ايغار من اخوه الأصغر منه يبي كل المدح له ، مع اني وايد امدح فيه ، ياربي ساعدوني شنو اسوي وياه..
ساعدوني اشلون اتعامل مع مراهق عنيد ما يعرف مصلحته ، وللعلم اهو بكري وعمره الله ايحفظه 14 سنه….
ورحم الله والديكم نصحوني….
او بدورات طارق السويدان
راح تلقينه واحد ثاني
يدرسونه ويحببونة بأهله
هذي فتره مراهقه وتعدي بس حاولي تشركينه بدورات دينيه وثقافيه وهم خلي ابوه يستمر بتقرب له
|
المشاركة الأصلية كتبت بواسطة أم محمد و أحمد
 السلام عليكم ورحمة الله وبركاته ،،،
الموضوع بأختصار يا بنات الخير ، ان ابني الله ايحفظه ويهديه وايد مراهقته امتعبتني ، احسه احيانا ما يحبني وما يحب ألمسه ، وصار ما يدرس مع انه وايد ذكي ، ما يهتم فقط ايسوي اللي في باله ، اذا نصحته ايقول انزين انزين كأنه ايقول لي ياله فارقي. ساعدوني اشلون اتعامل مع مراهق عنيد ما يعرف مصلحته ، وللعلم اهو بكري وعمره الله ايحفظه 14 سنه…. |
ولدي كبر ولدج اسم الله عليهم ونفس الحاله بالظبط بالظبط وانا وابوه تعبنا تعبنا ونفس الحاله يغار من اخوه الاصغر منه معني كلشي له
والدراسه الله بالخير والسبه التلفزيون والبلي ستيشن وكلامنا وياه بفففففف بالهوا وانا مثلج ابي حل ياريت البنات يفيدونا
هذا موقع الدكتور محمد فهد الثويني
تخصص مراهقه
راسلوه واشرحي مشكله ولدج وان شاء الله مايقصر معاكم
الدنيا تخرع والله يا اختي والصبيان هذا حالهم اخوي نفس ولدج بالضبط وامي متعذبه معاه يكره الدراسه معنه ذكي ويلط شي على الطاير بس سبحان الله بالدراسه فاشل وداه ابوي لدكتور وطلع عنده نشاط زايد ويسبب له تشتت بالتركيز الحمد الله على كل حال
ادري قرقت وايد بس حبيبتي كثري الدعاء لولدج وتوكلي على الله وصدقيني الدعاء بيصلح حاله
خلي ابوه يتقرب منه حيل مو يوم ويومين ويتركه
ترى الولد يحب التشجيع شجعوووه مثلا حطي مبلغ مثل 50 دينار وراويه قولي هذا المبلغ ان درست واجتهدت وجبت الشهاده علاماتك مرتفه بيكون من نصيبك وحطيهم بظرف وقفلي عليه وحطي بالتجوري ولي نجح عطيهم اياه
بالعطله شركيه بأي نادي خليه يطلع الطاقه اللي فيه
وخليه يشاركم بمسؤولية البيت عشان يحس بأنه له اهميه كبيره عندكم
واذا حصل لكم السفر سافروا معاه خلي يغير جو