أبلات العلوم والرياضيات

السلام عليكم

حبايبي مدرسات مادتي العلوم والرياضيات

أنا بصراحه متوهقه مع بنتي اهي بالصف الرابع ابتدائي واتيي مرات معاها اوراق عمل او بتحل بالكتاب ومرات انا نفسي ما اعرف الحل شنو

فو اللي يعافيكم اللي عندها استعداد انها تساعدني باي استفسار بيكون عندي بالعلوم او بالرياضيات بكون شاكره لها وجزاها الله ألف خير

وبانتظار مدرساتنا يردون علي بليييييييييييييييييييييييييز

انا شريت من الماستر جميع الكتب لكل ماده ابيها وكل شيء محلول ومن شريت وانا مرتاحه بس ديري بالج اشتري النسخ الجديد مو القديمه

هلا والله حبوبة
انا ابلة علوم واحس البنات يتعبون معاي
على قد ما اقدر اخلي الحل كله مدرسي
بس الظروف تحكم
اذا النشاط العملي تقدر تنقل من وحدة بالفرصة
او تاخذ كتابها
اما اوراق العمل فاتوقع اهي الي عليها درجات
انا مسويه المراجعة طباعة و خليتهم يحلونها لان عليها درجات
وان شاء الله سهالات
لانه المنهج جديد حتى المدرسات ضايعات

تامرين امر حبيبتي

اناادرس منهج رابعه رياضيات

بصراحه الله يعينج المنهج مو صعب كثر ماهو دسم وما يمدي بالحصه نحل التمارين كلها

اي سؤال حطيه بالمنتدى وان شا الله بنساعدج

بنت اخوي ابلتهم العلوم تعطيهم اوراق عمل ويدرسونها ويحلونها بالصف
مايصير تعطيها الأوراق واتقول حليها ف البيت…

حبايبي مشكورين ما قصرتوا بس انا رحت شريت من المكتبه المذكرات ولقيت فيها كل الحلول بس ما يمنع ان بعد نستفيد من مدرساتنا الحبيبات ومن خبرتهم في فهم المسائل أو الأسئله وحلها

اختي مبدعه تسلمين والله يقويج ويعطيج العافيه على بادرة الطيبه بالمساعده وعساج ذخر

والله يجزي الجميع وكل اللي يبادر بالمساعده كل خير عنا وعن اعيالنا