|
|
السسسسسسسلام عليكم
شلونكم أبلات
عنــدي شرح خبره الاسبوع الجـاي وانا حدي مافهم شي
أسعفوني 
للعلم انا طالبه
ابي منكم افكـــــــااار للخبرات بس بالخااااص عشان محد يسويها ونتوهق باجر خخخخخخخخخ
وحق شنو بالضبط
وليش بالخاص خلوها هني عشان الكل يستفييييد
ابيكم تعلموني
لان عندي شرح خبره وموفاهمه شي
انا طالبه
وقلت بالخاص لان مثل ماقلت لج شرح خبره بالجامعه مابي وحده من البنات تدش وتاخذها عقب راح نتوهق انا وياها
عرفتي ؟؟
مادري تسمونها درس نموذجي بالروضه ؟
اهم شي تحددين خبرتج والاهداف
بعدها تحددين المنبه اللي راح تدخلين منه على درسج
عند اي دكتور ماخذة المادة؟؟
انا ماعرف اسوي شي 
والثلاثا شرحي
الحلقة أما تكون عدد أو كلمة أو تعبيري
أحسن لج اخذي كلمة أو عدد حق المسابقات
على سبيل المثال : ممكن تحطين لخبرة اسرتي وأقاربي وجيراني
الهدف العقلي : يتعرف على العدد 3 رمزا ومدلولا
الهدف الاجتماعي : يحرص على نظافة فصله
الهدف الحس حركي : يقفز 3 مرات
تبدين منبه تركيب منظر من أشكال هندسية مثلث ومربع وباب ودريشة لما يصير شكل بيت
تكونين حاطه بأحد الأركان مجسم فيه بيوت 3 بيوت نقس اللون وواحد مختلف ( اختلاف بخاصية وحده بس يعني احجامهم وحده بس اللون واحد فيهم بلون مختلف )
تعرضين المجسم ووتعززين الجانب الديني والوطني والسلوكي ( يحافظ على نظافة المنزل ) .. من يسكن بالبيت ؟ الأب والأم والأخ والاخت … إلخ طيب من خلقهم ؟ الجانب الديني
ومن وفر لنا البيوت ؟ دولتنا الحبيبة الكويت .. الجانب الوطني
تطلبين من أحد الأطفال يساعدج بالتصنيف تحطين طوق ويضع البيوت المتشابهة تعدونها وتطلعين لهم بطاقة العدد يتعرفون عليه يقرونها فردي وجماعي بصوت عالي وواطي وتكتبينه على السبورة بخط كبير و بخط صغير وبلونين مختلفين وتسألينهم ما الفرق بينهم راح يقولون لج وحده حجمها كبير ولونها والثانيه حجمها صغير ولونها
وتسوين مسابقات عددية مختلفة مثل يعدون عناصر ويضعون بطاقة العدد الصحيح عليها
أو تحطين سلم الأعداد وفيها عدد ناقص
ممكن تحطين بطاقات يحطون طوق على العدد اللي خذوه وبس