أبشركم ألف الحمدلله

السلام عليكم ورحمة الله وبركاته

خواتي وحبيباتي كويتيات…..

بشهر 10 من سنة 2024 نزلت موضوع بالمنتدى بعنوان شفت هالتوقيع في أحد المنتديات وبجيت ( دعواتكم ) https://www.q8yat.com/t509635.html

وما شاء الله الردود كانت وايد… وكل رد فيه دعوة لي ولخواتي المحرومات….

واليوم أبشركم…. وأقول لكم أنا حاااااااااااااااااااااااااااااااااامل وللحين مب مصدقة ألف الحمدلله يا ربي عالنعمة وألحين أنا ببداية الخامس….

والله مب عارفة شنو أكتب لكن الكلام ملخبط والاحاسيس فوق الوصف ……

نصيحة مني خواتي وأنا مجربة وما أتكلم عن تجربة غيري البقرة لا تتركونها أبدا أبدا أبدا…. والله مثل السحر….. كنت أسمع بس أقرا كم يوم وأوقف….. وقبل كم شهر توكلت على الله وقريتها يوميا جريب الشهرين تقريبا يوميا أختمها ويوم كانت فيني الدورة كنت أختمها من الأيباد وقريت فتاوي تجيز هالشي…..

بالبداية كنت أحلم أحلام تخوف…. على فكرة كنت مسحورة – حسبي الله ونعم الوكيل – فاللي سحرني وكل هذا عشان ما أحمل الله ينتقم منهم ووايد تعبت من هالشي…. لكن ما يأست…. ما تركتها…..

وبعدها بشهرين بعد ظليت أقرا منها لكن جزاتها على 3 أيام وحسب ظروفي…. وأكثرت من الاستغفار والاذكار والصلاة عالرسول عليه الصلاة والسلام…..

وتفاجات بحملي والله حتى وريلي ما صدق يوم شاف التحليل موجب…… لمني لحظنه ودمعت عيونه وعلى طول سجدت سجدة الشكر……

بالفعل ربنا رحيييييييييييييييييم وما ينسى عباده …..

ويزاكم الله كل خير يا اللي دعيتوا لي….

ماشاءالله تبارك الرحمن
عسى ربي يتمم عليج حبوبة ويرزقج الذرية الصالحة
ويفرج على خواتنا بقسم تاخر الانجاب ويفرح قلوبهم