آه منــكم يا بعض الحــريم <تـقولون مـالا تفعـلون> يالمتزوجين تعلمـو

اتمنى كل وحده فيكم تدش الموضوع تقراه (عدل) الى اخر كلمه ومانزلت هالموضوع الا حق فئه من الحريم يبي لهم طراق يصحيهم من الي اهما فيه (اسمحولي على هالكلمه)

لاحظت انه بعض الحريم تشتكي من ريلها سواء بتعامله اومو حاس او انها شاكه فيه او بمعنى اصح انها منبشه وتدور من وراه على سوالف (يعني شنو بتتوقعين راح تلقين !!) يعني خايفه على ريلج وتبين تحافظين عليه مو بهالطريقه باسلوبج وحسن تعاملج معاه اهو الي راح يمنعه وقبل لا ياخذج اكيد سألتي عنه ومااخذتي اي واحد والي يبي يبط جبدي اكثر بعضهم الي تقول اغار عليه حتى من نسمة الهوا @@ شدعوه حبيبتي الغيره حلوه بس مو بهالجنون حتى الريال يكش في بعض الرياييل مايحبون المره تتحكم فيهم او حتى تحسسينه انج شاكه فيه ترى اسلوب النغزات ومن تحت لي تحت محد يرضاه لو انتي مكانه وريلج جذي يسوي فيج ترضين ؟ ماعتقد راح تزهقين عيشتج وهم الريال جذي
طبعا (انتبهو ) اني مااتكلم عن كل الحالات عن الحالات الي الحريم الي يبالغون الواحد عنده عقل ولما يقرى يميز وين الصح وين الغلط

مع احترامي للموجودين انتو يالحريم الي قاعدين تسوون هالسوالف شنو مستفيدين من هالشغلات
غير خراب بيوتكم وتهرب رياييلكم واذا ما كان عنده شي راح يسوي غصبا عليج وعناد فيج

بقول لكم موقفين وصار جدامي ومع ناس اعرفهم يعني مو تأليف ولا سامعته من احد

الاول واحد تووه املج يعني اخذه وحده عن طريق الخطابه يعني ماكان يعرفها ولا تعرفه عاد هالبنت نوعها غيووور على زوجها حتى من اهله الي قاعدتله قعده معنه هالريال واللله انا اعرفه عدل ماعنده سوالف ولا خرابيط يعني الالتزام عنده التزام تشوفينه يسولف ويضحك مع حريم اخوانه والمقربين بس انه عارف حدوده واهيا عيونها تتطاير على الموجودين شلون يسولف معاهم الي قامت ماتزور وتدور حجج عشان مايروح شوفو الى اي درجه ولا فوق كل هذا تنبش بتلفونه وتدور من وراه عاد لما مره شافت مسج قديم كان من وحده كان يبيها وخطبها وماصار نصيب الظاهر ناسي يمسحه او شي قامت الدنيا وقعدت يعني ليش تنبشين بماضي الريال في رياييل تكون عندهم سوالف قديمه يعني حطي في بالج هالشي مثل ما انتي قبل الله اعلم كان عندج ولا لا المهم تخيلو معنها عرفت انه هالمسج قبل لا ياخذها قامت تهدد شوفو قوات العين وكبرت السالفه لين وصلت حق امه عاد امه وقفتها عند حدها وياريت تأدبت تمت تدور من وراه لما اهو زهق قام وقفل تلفونه وحتى لما يدش النت تنط يمه تبي تشووف وتناشبه كره يشبك جدامها قام يشبك بالدوانيه ولا لما يروح بيت اهله شوفو وين وصلته ومسكين الله يعينه اذا بتم جذي راح ينقلب كل شي على راسها
————————-

يعني مثل ما انتي تشبكين وتسولفين ويصير عندج اسرار بينج وبين صديقاتج واهلج حتى اهو مايبي احد ينبش في تلفونه واغراضه ودايم اقول اذا الريال عنده سوالف وخرابط صدقوني الله بيكشفه ومحد راح ينفعه خلج عزيزة نفس وواثقه من نفسج ولا تقصرين بواجباتج وفي بيتج خل الناس تشهد انج الزينه وانه اهو العوي مو العكس والله ما يضيع اجر من احسن عملا

اما الموقف الثاني
هالريال نوعه مفتح باللبن وكان عنده علاقات سابقه وشبعان من الدنيا تزوج عاد مرته درت انه اهو جذي وتدرون بسوالف الحريم وتشيش قامت تتعبث وتدور من وراه بكمبيوتره بتلفونه باغراضه وحصلت شغلات بس اسكتت لانه هالشغلات قبل لا ياخذها بس شنو كانت النتيجه الشيطان قام يوسوس براسها انه ممكن للحين مستمر او عنده او او او او يعني لو اهيا مو منبشه من الاول جان ما انحطت بهالموقف المهم تقط عليه نغزات ومره امسكت تلفونه لقت مسج دازه واهو نوع دوامه يختلط بالحريم وعنده زميلات فا كان داز حق زميلته (هالزميله متزوجه واهيا ماتدري ) قامت نادته وكلمته وانت وكلمها قال لها هاذي فلانه معاي بالدوام ومتزوجه وسكتها طووف لها هالموقف وتكرر على كمبيوتره اهو قال لها جهازي ما تجيسينه عاد اهيا بقلبها ليش ما اجيسه قامت ونبشت ونزلت بالسانها انها افتحته قام وعصب عليها واخذ موقف انها تنبش وتدور من وراه سووا نفس الاول قام يقفل وقامت تصير مشاكل وسوالف بسبة هالشغلات وقام يعايرها انها شاككه وماكو ثقه عاد شسووه عند جهاز ثاني ومسجل الاسامي الي فيه بالقاب وكانت خطه منه يبي يطيحها وكان يدز مسجات منه حق رفيجه طبعا كانو متفقين مسجات حب وسوالف وماتنقال وطاحت بالمصيده بس الله ستر عليها انها اسكتت بس اهو حس فيها شي وبعدها بوقت اعترف لها انه حركه منها دام انها تنبش ماراح تلقى غير الي ييغثى تبين تدورين من وراي راح اعطيج الي تبينه !!
—————————————-

اتمنى فهمتو مغزى القصتين واستفدتوو واسفه على الاطاله