|
|
نبيكم تعلمونا من خبرتكم وتفيدون المقبلين على الزواج وان شاء في ميزان حسناتكم :
1- شلون نتعامل مع اهل الزوج ؟ مثلا لازم نطق الثقل في البداية لما نعرف شنو طبايعهم وعاداتهم ولا عادي نصير على طبيعتنا ولكل حادث حديث !
2- اذا حريم اخوان الزوج (حريم الحموان ) شلون نتعامل معاهم ؟ نفس خواتنا بما انهم خوات الزوج ام ما نطيح الميانة ونخليها رسمية احسن مع بداية الزواج عشان ما يتعودون عليج واذا غطيتي فجأة يتشرهون !
3- شنو اهم المشاكل الي تواجهها العروس في بداية زواجها ( من علاقاتها مع اهله ) ؟
(وعلى نياتكم تزرقون) يعني صفي نيتج وخليها طيبه وعسى الله يوفقج يارب
استغفرالله استغفر الله استغفر الله
سبحانك اللهم وبحمدك,,, اشهد ان لا اله الا انت,,, واتوب اليك
اللهم رب الناس اذهب البئس واشفي انت الشافي لا شفاء الا شفاؤك شفاء لا يغادر سقما اللهم اشفي لي اختي ومرضى المسلمين يارحم الراحمين
حلات شوي شوي لين تكسبين الكل وحمواتج خوات رجلج راح يبيون اذا حبوبات والا لا
وكسبيهم يمج مالج شغل فيهم ان طلعو وان قعدو انتي عليج تقعدين تسوالفين تضحكين وتمشين
وعلى حريم حموانج لاتحتكين معاهم لا بشر ولا بزين وخلى علاقتج بالبدايه تكون رسميه وابعدي عن المشاكل والغيره
لان كثرة غيرة سوالف حريم الحموان
وديري بالج تشكين لها اى شي ولا تسوالفين عن حمولتج عندهم
ترا مافي مشاكل بدايه الزواج انتي كله استغفري اذا نزلتي عندهم وخليج مع خالتج اهم شي
اكسبي ودها بالكلام الحلو والقعده الثقيله
وعسى الله يوفقج حبيبتي
والاهم مسكي لسانج
يعني لاتتكلمين بكل شي
حطي في بالج ان كل كلمه وكل تصرف محسوبين عليج
انزين اذا حسيت انهم مو بالعيني يعني بالعربي ما يحبوني ويحقروني وما يحطون لي اعتبار شسوي اهني !؟