|
|
السلام عليكم ورحمة الله وبركاته
شلونكم يامعلمات شخباركم؟؟
سمعتوا اخر خبر؟؟
جت نشرة قبل نعطل للعيد يقولون لنا ولا معلمة تلبس كمام عشان ماتخوفون الطالبات وتراعون حالة القلق والتوتر اللي راح يكونون فيها
و مدرستنا مافيها عيادة يعني المعلمة هي اللي تشوف الطالبات اللي عليها اعراض ومشتبهه فيها توديها غرفة العزل ليما يوصلون اهلها وياخذونها
وماوفروا لنا ادوات التعقيم احنا اللي نجيبهم معانا
وين استعدادت وزارة التربية ؟؟؟؟؟؟؟؟؟؟؟؟
لا والمصيبة الاكبر ان الندوات والمحاضرات اللي سووها للتوعية عن المرض يقولون لنا لاتستخدمون الديتول يحتوي على مواد سامة واذا بتستخدمونه اخلطوه مع ماي عشان يخفف من حدته
الله يستر علينا بس
ابي رايكم بالموضوع يامعلماتنا العزيزات…
واحنا انقول اوكي ياوزارة التربية بس جهزي لنا مقبرة لائقه!
ان طحت مريضه محد بينفعني ..
وقل مايصيبنا إلا ماكتبه الله لنا
** والله يعينكم مدرستكم مو مجهزة شي للطلبه كل شي على المدرسات هذي المصيبه
الله يعين
والله شي يقهر00يعني يقولون لنا موتوا ولا احنا متحسفين عليكم000
بس انهم يطلعون نشرة وقرار يمنعون لبس الكمام اقول شكلي بلبسه عناد عليهم وخل يكتبون فيني افادة ..
قرار غبي مثل قرار الندوة اللي سووها والزام المعلمات بحضورها ..
قرار غير مسئول وصاحب القرار مع احترامي .. ولا مو لازم .. ماقدر احترمهم اكثر من جذي ..
وفعلا فعلا اثبتت انها وزارة بطيخ مالها اي علاقة بالوقاية والحماية واخر اهتماماتهم احنا المساكين ..
وكلينكسات ديتول معاي
ماكنت البس كمام لما داومنا
بس عناد عليهم بلس
صج وزارة الهم والغم
يمكن خيره لي .. الف حمد وربي يحفظكم يا احلى ابلات ^_^
لو انا منج جان صورت النشرة ووديتها حق الجريدة والا اقرب نائب يقلب الوزاره فوق تحت
شنو هالمصخره شنو هالتخبط شنو هالعقليه