يا معلمات نصحوني نصيحة خوات وانتوا ادرى بهالموضوع

بنات الله يخليكم ويجزيكم الخير يارب على مشاركاتكم لي

انا داومت اخر شهرين بالتدريس ومادتي تربيه حياتية واذا صار ممكن ندرس تربية وطنية

بنات انا مفكرة اطلع ….. بصراحة انا كارهة هالشي ولما اشوف اشكثر من اهلنا تطلع من التدريس تروح مكان 2 وترجع له؟ اقول شلي دفعها انها تطلع غير الشقى وما نشوف ناس تطلع من الوظايف الادارية كثثر المعلمات لما يطلعون؟؟ اما شلي رجعها للتدريس اقول يمكن ارتاحت ونست التعب وولهت عالمعاش او اي سبب كان ممكن يكون التدريس افضل

المهم ساعات اقول خل ادرس واجرب وساعات اقول افك نفسي خاصة انه صبيان واحط واسطة اقعد بالبيت لما اشتغل بالاوقاف

شرايكم

اختي ورد وردي ترى التدريس حلو اذا كنتي تحبينه ومعروف ان اول وثاني سنه تعب بس بالسنة الثالثه تكونين حفظتي المنهج وتقريبا اكتملت الوسائل وتعودتي على دخلت الزوار ويصير روتين بحياتج وراح ترتاحين ان شاء الله بس المهم حددى المادة الى تحبينها او ترتاحين لها واعتقد التربية الوطنيه احسن من الحياتية وبالتوفيق حياتي

بس انا الاساس اهو الحياتية والوطنية تصير اذا صار في نقص مدرسات او كنا 2 ابلات حياتية فنتعبر وايد لان بس ندرس اولى وثانية فيصير النصاب ناقص ويكملونها احتياط كل يوم او وطنيه اذا احتاجو

المعلمة الجديدة : ورد

وظيفة المعلمة أفضل مهنه …. ولكل مهنه تعب ولكن

مع الممارسة تصبحين معلمة متمكنه ….. ولا راح تخافين

من موجهه او موجه او ناظرة …… سوف تصبح شخصيتك

اقوي من الان ……… ولكن اختي مادام انتي مداومه لابد

ان تثبتي ذاتك …….. حرام انك تداومين علي الفاضي

اثبتي ذاتك بتنويع بالانشطه الاذاعية ….. والوسائل التعليمية

ومدارس البنات اكثر راحه من مدارس الاولاد سوف تجدين

فررررق ……… وكانت عندنا وكيله تقول ليش ترفضون الاحتيااط
انتي مداوومه من سااعه سبع لين وحدة شحقه ترفضين الاحتيااط

بالعكس اخذيه واستغليه بالتصحيح الدفاتر التحضير وكلها اربعين دقيقه

وصدقيني مقوولتها صح ….. شنو استفدنا من مجابله بعض المعلمات الا الحش…………مع احترامي للمعلماات ولكن هذي صفه بالنسااء

اختى …… اذا اردتي التحويل الي وزارة سوف تفتقدين العطله الصغيرة
العطلة الطويلة ………… والرااااااااااتب …….. ومجتمع النساااء فقط

انتي حبي الوظيفة ومدام النصااب قليل يعني مرتاحه والابتدائي اسهل من المتوسطة اللي فيها اختبارات الاساابيع ونهاية الفصل الاول ونهااية الفصل الثااني

تعوذي من الشيطان ……. وقولي انا معلمة ممتازة معلمة احب وظيفتي
معلمة مبتكرة ………… ووفقك الله

اختي مهرة كلامج حلو صراحة وانا ان شاء الله بجرب وبحاول اني اكون شاطرة بمهنتي
لكن انا اذا بشتغل ماراح اخسر عطلة الصيف لان ابي اكون ادارية بدار القرآن يعني في عطلة عودة+ مجتمع نساء
الفرق هو المعاش

بصراحة انا ودي اتناقش مع احد وهذي فرصة اني اتناقش معاج واشوف وافكر لان عجبني كلامج

انا كاتبه ورقة عن مميزات وعيوب التدريس والاوقاف بوجهة نظري

مميزات التدريس
1المعاش
2العطلة
3اذا عرفت له خلاص ماكو مشكلة حسب ما اشوف المدرسات

العيوب
1الشغل وايد
أ- اعيد نفس الانفعالات بكل حصة والقصة اكررها 100 مرة وجني اول مرة اقولها بأنفعالاتي (شي ممل)
ب-الاحتياط يحطوني مع صبيان كبار خوامس وروابع وماقدر عليهم (فككرة الاحتياط نفسها انا مو رافضتها )
ج- تدريس تربيه وطنية مع مادتي يعني بقعد ادرس مرة 2 كل يوم
د-اذاعة مدرسية

مميزات الاوقاف
شغل مكتبي
اختار اذا صبح او عصر على راحتي
عطلة عودة

العيوب
المعاش ينقص

وسلامتج ابي الحين شتشوفين؟؟؟؟؟؟

ورد وردي …كل مكان له سلبيات وايجابيات ..

التدريس مهنة حلوة اذا انتي حبيتيها …وقدرتي تعطين فيها

جربي هالسنة ..اذا حسيتي انج تقدرين كملي واستمري بالتدريس

أولا اختي ورد وردي فكرة التحويل لدار القرآن يعني بالأوقاف لا اتعبين نفسج لانه مايصير ليشش؟؟؟؟؟؟؟؟؟؟
انا أقولج آنا قبلج بغيت الأوقاف ومت عليها لمميزاتها مثل ما إنتي عارفة قالولي مايصييير لانج متخرجة من كلية التربية ووزارة التربية أحق فيج من الأوقاف وهم يبون الطاقات الوطنية على قولتهم ومحتاجين تخصصي طبعاً آنا لغة عربية
وأعتقد راح يقولولج نفس هالحجي لأن التربية ما ادري الوطنية أول الحياتية توه ججديد أوكي
بس أنا من كثر ما عانيت من التربية العملية بغيت النحشة المهم رحت وجبت واسطة وحالتي حالة وقومت الدنيا وما قعدتها بس أبي أروح وزارة الأوقاف وبصير عادي مدرسة وخذيت موافقة من حتى وزير الأوقاف
بس ردونا التربية وما وافقوا ألا بتوفر البديل
والله مت من القهر أي بديل اللي يبونه هو بس تعجيززززززززززز
المهم دقوا علي المنطقة التعليمية باشري العمل وألا تعتبرين متغيبة عن العمل

المهم الزبدة انصحوني أهلي داومي موخسرانة شي شوفي الوضع يمكن يعجبج والحمدلله قزرتها والدوام فيه الشين والزين المهم تروحين مدرسة زينة وإنتي تبرزين نفسج بشغلج وتدريسج

والله يوفقج وترى التدريس حلو بس أهم شي السياسة مع الوكيلة والمشرفة وإنتي حاولي إذا قدرتي التحويل بس ترى أغلب اللي بالأوقاف هم من الشريعة والآداب أما التربية ذاك أول أما ألحين مستحيل بس عني آنا حرام تعبت أهلي معاي وما وصلت لنتيجة

والله التدريس تعب ولعوزة
بس مع الوقت تتعودين عالروتين
والحلو فيه انه دوام محفوف كله حريم بحريم
والعلاقات فيه روعه بين المدرسات اذا الله وفقج بمدرسة سنعه
والاحلى فيه انه اذا تزوجتي تصير عطلتج مع عطلة عيالج
حتى الهده مع عيالج
حياتج مرنه وسلسله اكثر من الموظفات
وطبعا المعاااااااش له ثقل كبير بالحسبة
يعني موفرق مية او ميتين
معاش المعلمة يزيد بسرعه اكثر مما تتخيلين
والحياة تبي يااختي وانتي تبين لج ولعيالج
صدقيني انتي ابتدائي
شنو التعب في الابتدائي ولاشي
مومثل المتوسط والامتحاانات والتأخير واللجان
ولا الثانوي
يعني الحمدلله مقدور عليه دوامج
اقصاه مصورات وقصص وشرح مبسط
بس الي مزهقج انج تدرسين صبيان
حولي لمدرسة بنات حيل اريح وصدقيني نص التعب بيروح
لانه الصبيان حييييييل مرهقين
بس مع الوقت تعرفين لهم
وعسى ربي يوفقج

حبيبتي ورد

انتي مشكلتج الصبيان مااالووومج ……. رفايجي انتقلوا من متوسطه الي

ابتدائي اجباري علم الاجتمااع وحطووا بعضهم ابتدائي صبيان شنو يقولون

طلعت لهم قرون منهم وحدة منهم هادية حيل تقوول الحين ماادخل الا بعصا

يعني صبيااان اهم اللي متعبينج اكثر حولي حق بناات اذا عندج طبعاا وااسطه الحين حطووا النااس وثبتوهم ومشت الطيور برزاقه …… حااولي تروحين حق مدرسة بنات وشووف الفرق استمريتي وشفتي مشيتي مع الوضع اهلا وسهلا …….. شفتي صعوووبه وما تقدرين تتحملين مااعليج من المعااش الفلوس رايحه راايحه وشدعوة جمعنا شي كل ما زاد الراتب خربطناا …….
حاولي مكان ترتاحين له وتفتكين من تحضير واختبارات وتصحيح ومسؤؤلين عليج مشرفه = موجه = وكيلة = نااظرة

اهم شي أختي الراحه النفسية ….. واذا انتي مو حابه الشي ما تقدرين تستمرين
واقولج شي انا عندي صديقه تعين جديد شحلاتها تكرة التدريس مع انها من متفوقات اللي بالجامعه تدريسها خوش تدريس ماعليها قصور بس ماتبي تشتغل مدرسة شسويت علشان تحول ادارية عندنا ترا صعبه التحويل حق ادارية تتوقعين شسوت
/
/
/
/
/
/
1- الغياب المستمر بدون اسباب وبعضها بدون عذر وخصم من الراتب
2- ما عندها اصلا دفتر تحضير تخيلي ماعندها دفتر تحضير حق المادة
3- تهاوشت مع الناظرة علي اساس تعطيها تقدير ضعيف علشان يحولونها
4- رفضت دخول الموجه لها بالفصل ………

شسووت الناظرة عطتها ضعيف ووو انقلتها تأديبي حق مدرسة صبيان ابتدائي مع انها متوسط
واستمرت علي الحال حتي امس اتصلت فيني وقالت ابشرك حولوني الي ادارية بالمنطقة التعليمية ولكن بعد مااذا بعد الاحراجات اللي دخلت فيها وما تسووا عليها ……..

الزبدة اختي الحين حاولي بسرعه من يوم الاحد حاااولي بتحويلج الي ابتدائي بنات ……. علي الاقل اهوون لما تشوفين نفسيتج وتشوفين الزيادة الكادر الجديد ينفع حق السووق ملابس العيد والقرقيعاان

ودمتي اختي بوود

مشكوووووووووووورة اختي مهرة وانا ان شاء الله بحاول اروح المنطقة التعليمية واسوي نقل وادور لي واسطة واروح لمدرسة بنات وعلة قولتج نص التعب يروح لما ابتعد عن الصبيان

وبجرب عند البنات اذا انتقلت لهم سنة لان اعتقد ينصبر عليهم مو مثل الصبيان …………. وعلى قولتج ارتحت كملت مارتحت افكر بالنقل ذيك الساعة بارك الله فيج

يا جماعه الصبر ثم الصبر ثم الصبر ..

بالبدايه الكل يكونون خايفين و محتارين ..وودهم بالنحشه ..

بس لما تتعود الوحده على التحضير و تتعود على التعامل مع الطلبه
و الزميلات و المنهج … يصير كل شي سهل ..
انا باول سنه كنت احضر خلال ساعه ونص او اكثر … و الحين يادوب التحضير ياخذ مني وقت الكتابه بس .

للعلم انا معلمة انجليزي … و الصبيان ما يبون الا شخصيه حبوبه و قويه بنفس الوقت ..

و الصبيان فيهم ميزه … الغالبيه ينسونها …
ان التوجيه غاااالبا يكون متساهل مع ابلات البنين اكثر من ابلات البنات

والله مر علي موجهين خلال الـ4 سنوات اللي درست فيهم … تدرون بالاجتماع اول شي يقوله … الله يعطيكم العافيه كافي حضوركم و مجابل الصبيان و انا عارف ان الصبيان يبون مجهود كبير ..
ومن هالحجي اللي يشجع ..

وترا البنات ما يخلو تدريسهم من المشاكل … دلع زايد .. عسى ما تنفخين يم البنت الا قامت تبجي و ثاني يوم امها تلعلع بالاداره

تخيلو في ام مشتكيه على ابله لانها صرخت على البنت اللي قاعده يم بنتها … تقول خوفت بنتي ..!!
و الابله يعني بالله اتصارخ من شوي ؟؟ وشلون لو مصرخه على بنتها !! الله يستر

غير الانشطه و الشغل … الكل يبي شي مرتب و كااامل و الكامل الله ..
اما بمدارس الصبيان .. مو نفس التدقيق ..

انا معلمة بنين .. و ما افكر احول للبنات .. ما اتحمل دلع و ملاقه

مشغوله اول مرة اسمع وحدة تحببني بالصبيان ما شاء الله عليج الله يتمم عليج ……. خليتيني افكر بكلامج تصدقيين؟ بس مادري هم انا شفت صبيان يبجون بسرعة وان شاء الله الي ماشية سيدة محد بيشتكي عليها اما عاد اذا طلعتلي وليه امر دعلة فشسوي الله كريم

حبوبه الامهات الدعله موجودين بكل مكان .. بس يفرق بين البنت و الولد ..
ان الولد ما يكون حساس مثل البنت .. يعني اتزفين شوي … ما يعتبره زف .. عنده هذا حجي عادي … اما البنت .. فأول ما تروح للبيت تعطي امها النشره بالتفصيل
و عليها رتوش مرات ..

و الصبي اللي يبجي بسرعه امره اسهل من البنت … يعني ستيكر ولا حلاو و بس كافي .. مادري يمكن انا ليش اني متعوده عليهم – اربع سنوات – فعندي اهم اريح ..
و تخيلي لما الله يرزقج بام اتدرس و تتابع ولدها … يصير الولد شحلاته مثل العسل ..

ميزة البنات انهم يهتمون بدروسهم اكثر ..دفاترهم انظف .. يكتبون الواجبات ..
بس هالمميزات ما تغطى على التوجيه و الاداره اللي اتطوف بس لانج اتدرسين صبيان

وترا حتى بالحصه لو حضر لج الموجه و لقى لويه .. او شوية شطانه .. بيعذرج … اما لو صف بنات و فيه حركه زايده … فطبعا بتحصلين حجي اضعاف اللي ممكن يقوله لو بصف بنين

و الصبيان لو حبوج … بيصيرون روعه … ولو فهمتي الشغلات اللي يحبونها
و تشد انتباههم تصير الحصه وناسه ..

تبين مثال ؟؟

بالحصه .. لما ادش و ابي يرتبون الادراج …
اقولهم يلا … حط الجير على الـ R وردو قري شوي … وايديني جني ماسكه سكان السياره هههههههه

جذي علطول اجذب انتباههم … و يستانسون واهم يرتبون الصف ..

اما لو كان الصف وصخ … اقولهم ديوانية رياييل و فيها وصخ ؟؟ يصير ؟؟
يلا يلا نضفوها علشان اقهويكم … و اصب لهم قهوه هوائيه .. يعني بالاشاره بس

بالبدايه يضحكون … و عقب يصيرون يمدون الفنيال الخيالي علشان اصب مره ثانيه ههههههههه

بس طبعا لازم كنترول علشان لا تصير هيصه

اذا ادارتج سنعه … و مرتاحه مع المشرفه … فالصبيان مو سبب كافي انج تنتقلين ,,
ترا مو سهل الوحده تروح مكان يديد و تثبتين نفسج من يديد

موفقه ان شاااء الله

مشكووووووورة ،،، ادارتي عيبها الوكيلة بس خوفج اطيح بناس اردى
انا بصلي استخارة

الله يوفقج حبوبه ..

يود مينونك لا اييك الاين منه