يامعلمة رياض الاطفال عزاللة معاشج حلال

السلام عليكم بنات أنا أعتبر كل مدرسة رياض أطفال مهمومة وفكرها دايم مشغول وتكسر خاطري لأن محد أحس فيها ألا أذا كانت مدرسة رياض اطفال مثلها والي يقهرأكثر أذا قالولي أنتو يامدرسات الروضة ماعندكم شي مرتاحين يليتهم أجربون أول يوم في أستقبال الاطفال وخاصة اولي علشان اعرفون الروضة عدل
والحين أبي اسال سؤال صريح وأبيكم كلكم تشاركون وياي0 مني اللي تحسفت علي أختيارها رياض الاطفال بعد ماجربت المعاناة

والتعب والكرف من أول الدوام لين أخرة خن تكلم بصراحة أنا وحده متحسفة كثر شعر راسي لأني أقبلوني فنية ورفضت ابي رياض أطفال من القراده بس الحمدللة علي كل حال الخيرة في مااختارها اللة قولو انتو رايكم عاد خنفضفض

أتحداج اذا فى معلمة رياض اطفال مو متحسفه

وأنا اول وحده

متحسسسسسسسسسسسسسسسسسسسسسسفه
من اول يووووووووووووووووووووووووووووم
اااااااااه ليت الشباب يعود يوما << خخخخخخخخخخخخخ
ياليت على كيفي وارد قري واختار اي كلية الا التربية والبطيخ
ولا الرياض اطفال اه ياحر قلبي قهررررررررررررر
كلش مانمغط ظهرنا لي اخر الدوام

تبون الصراحه

انا مو متحسفه هخخخخخخخ

لاني كنت في مكان كلللللللللش مو عاجبني هم كان كررررررررف وتععععععععععععب ومجابل ويوه المراجعيييين وتعالي سوي شغلهم

اهو صج كراااااااااااااف ويهد الحيل الرياض بس في فرق

طبعن اولن بالمعاش كنت اخذ 427 ونص هخخخخخخخخ
دوامي من 7ونص لييييييييين 2نتين الا عشر

ترى كللللللللللللله كرااااااف من 8 لي الوحده موووووت هلااااااك

واجازة ماتقدرين تاخذينها خصوصن بالعطله لانه مايطلعون اي احد يعني من سبق لبق

ومكاااااااااان كللللللللللله رياااااايييييل ومصاااااااروه وهنوووووود وغير المسااااااجيييييييين واااااااااااااااااي

وكل فتره داشه عند القاضي معاي ملف وتعالي شوفي البلاوي اللي قاعد تنقال جدامج

والله انه مرات مكتب سكرتير القاضي يصير كله نم المساجين اييبونهم له

وتعالي اذا يااااااج مراجع معصب والا حمقان

وتعالي شوفي الطق اللي مرات يصير عندهم

يعني الحمدلله على كل حال صج حتى رياض الاطفال كرااااااف مو طبيعي

بس سبحان الله ربي خلااني اول ماتوظف يمكن بهالمكان عشان يصير عندي رياض الاطفال ارحم

وتدرون الداخل مفقوووووووووود والخااااااااااااااارج منه مولووووووود

والله اني انتقلت ومديري مايدري لو يدري جان خلااني انتقل لانه ماكو موظفه وجامعيه تقعد بهالمكان

وبس

بنات لا تتحسفون خلاص شي صار ولازم نتقبل مجالنا ونحبه علشان نقدر نكمل .
وصدقوني مافي أحد مرتاح .
وإذا بتعيشون بالنفسية هذه راح تتعبون ودايما طالعو مزايا مجالنا . والحمد لله وأهم شي إننا محللين معاشنا .

هخخخخخخ

ادري بتخترعون من ردي

بس والله هذا اللي حاسته

كل وحده تعبر عن وجهت نظرها ومشكورين علي المشاركه

خواتي رياض الاطفال حلو بحد ذاته بس الحريم اعوذ بالله منهم هم الى يعكننون علينا من مشررفه ومن ناظره

اما الاطفال والمنهج سلس وحلو

لو تشوفون بنات السعوديه معلماتها + وقطر والمعاناه تحمدون ربكم عندهم تعليم الاطفال الاحرف والكتابه اعوذ باالله سمعنا وسلمنا

الله لا يغير علينا

والفرصه والمطعم عندهم كلها بساعه وحده امااحنا بنعيم المطعم ساعه والفرصه ساعه

ومعلمات السعوديه عندهم مهارات ادراكيه نص ساعه بعد الحلقه وهذا مو عندنا

شفتوا احنا بالنسبه لهم ماندرس شيء بس نتحطم والسبب يعود اكيد لطلبات الاداره

طايعه الله شرفتينا

اي والله صااااااجه يا وادي الغروووووب

صح لسانج والله انه في اداره واشراف اهم اللي يخلون المدرسه تطلع من طورها

بس الحمدلله على كل حال

لأ لأ ما اتخيل نفسي اخليهم يكتبون راح ابجي

الحمدالله ان احنا بنعيم عسى الله لا يغير علينا انشاءالله

صج في اشياء تخليج تتحسفين انج دخلتي هالمجال بس الحمدالله احسن من غيرنا ..

وماكو مكان زين! كل مكان في الزين وفي الشين .. وعلى قولة المثل امسك مينونك لا اييك اللي اين منه

انا الحمد الله عاجبني دوامي
ان اصلا غيرت تخصصي من علوم لي رياض اطفال

ليش اتحسف …. لا والله الانسان لازم يتكيف مع شغله وترا محد مرتاح
وكل مكان في شغل وسلبيات وايجابيات …

انا عند روحي انا اهم معلمه لاني انشئ الطفل واحدد ملامحه …. انتي يا معلمة الروضه افتخري وقولي انا معلمة روضه ولي الفخر ….

باجر يطلعون من تحت ايدج مهندسين ومهندسات وضباط و دكاتره و مدرسين …. وتشوفين زرعج يكبر …..

شعور حلووووو

الدوام صح كراااف بس يا حلووو بسمه الياهل وكلمة يعطيج الف عافيه من وليه الامر او ولي الامر

الصراحه انا كتب الاطفال عندي لاني ادرس ثانيه وحته اعلمهم الاحرف …. وهذا شي من عندي …. وخاصه الكورس الثاني … عندي بالانصراف اعطيهم دفاتر … انجليزي وعربي … واكتبهم

ادربهم عالابتدائي …

وكافي ضميري مرتاح

والحمد الله راضيه ومافكر اغير مجالي والله لا يغير علي …

كلامج معقول يا وادي الغروب وزلابيا بس الليغث المشرفات والتوجية كاليوم منزلين قرار ويلة انتي عاد نفذي وكل شي عليج التدريس والمطعم والفرصة ومشاكل الاطفال تعالي حليها الفروض الشغل اتوزع علي الجموعة كلها مثلا المطعم يكون على السفرجيات والفرصة على المنفذات اللاصفي ابلة المكتبة تمسك فترتها مثل الموسيقى تاخذ كادر علي الفاضي

انا وحده الحمدلله مو متحسفة وايد لانه ماكو دوام او ماكو مكان شدني صوبه او استانست عليه واييييد…

يعني انا احمد ربي واشكره على هالوظيفة الحلوة… وكفاية انه دوامج يتطلب منج الابتسامه قصب طيب ولا وين في دوام يقولج ابتسمي طول اليوم وسولفي مع اليهال..حمددو ربكم وبعد نطلع مبجر ترى احنا دوامنا خمس نجوم بس لو ما الكراف والمصاريف بنصير باحسن حال

ههههههههههههه

والله آنا مستانسة برياض الأطفال .. ..وترى ماكو وظيفة كاملة مكمله ..

حتى الوزير يستجوبونه

كل مكان وله سلبيات وايجابيات …ماكو مكان كله ايجابيات وبدون تعب ..

صاجه والله وايد أسمع يقولون لنا شعندكم يا مدرسات الروضه ما عندكم شئ
خل أيون يقربون ويشوفون الحضور اليومي من ناظره و وكيله ومشرفه
خل يشوفون أولياء الأمور وسوالفهم اللي تحر جنه نشتغل خدم عند أهلهم
خل يجربون يوقفون علي ريل وحده من ندخل الساعه 7 الين الهده 12 وثلث هذا أذا ما كان عليج تأخير
يعني كل سنه لازم تعافين حياتج من هاللي يتسلطون عليج
أعوذ بالله حرب مو دوام
انا متحسفه قد شعر راسي أني صرت مدرسه عاد كنت أداب أنجليزي