ياجماعه لحقوني من طلبات التقل الي عالموقع!!!!!!

السلام عليكم خواتي
انا اكتب هالموضوع وابي ردودكم الي اتمنى انها تبرد قلبي لاني جد جد جد ميته من الخوف!!!!

انا لقيت اسمي في طلبات النقل الي على موقع وزارة التربيه وانا مومسجلة طلب نقل!!!

شنو يعني؟؟هل راح انتقل ولا خرابيط..في ناس قالولي مالج شغل بس انا وايد احاتي ….

فيدوني فديتكم

والله ما عندي خبر ……… بس ما حبيت اقرء مشاركتج و مارد عليج … حبييت ارفع موضوعج
الله يوفقج و يكتبلج الي فية الخير يا رب
و طمنيني اذا عرفتي

سألي موجهتج ساعات ينزل بالغلط انا رحت حاجيت الموجهة بعدين ماصار شي لا تحاتين بس اهم شي حاجي الموجهة

حبيبتى طلبات النقل هذى مالت العام يعنى من السنه الي طافت ما غيرو الاسماء ولا شي
واذا انتي مو مقدمه نقل هالسنه ان شاءالله ما تنتقلين

غريبة اللي تبي تنقل ما تلقى اسمها واللي ما تبي حاطينه

وزارة التربية ما عليها شرهة

بس ما عليه اذا ما في ورقة رسمية بطلب النقل ما ينقلون

حبيبات قلبي مشكورين عالردود الطيبه
انا والله عمري ماطلبت نقل لا السنه ولا الي قبلها
واتصل على الموجهه جهازها مغلق
الله يستر قولوووو اميييين