ولدي يعاني من البلغم بصدرة تكفون ساعدوني

السلام عليكم حبيباتي شلونكم انشالله بأطيب حال

انا عندي مشكله والله تعبت منها ولدى عمره 4 شهور ومن طلعت من الاربعين وصدره دايم متروس بلغم ويكح كحته تخرع جنه يختنف واخاف والله انه يموت بيدي وديته كذا طبيب طبعا الحكومة داومنا عندهم وديته الهادي وكلهم قالولي ماله حل الا الكمام عشان يفتح الشعب الهوائية وحطيتله الكمام بس وايد طول واهوا ياخذه وديته بوحيمد امدحولياه عطاني ادوية وماكو فايدة خف اسبوعين ورد مره ثانية والحين توني جاية من الطبيب هم كمام والله تعبت وكاسر خاطري مادري شسوي مدحولي الحلبة عطيته ماكو فايدة

ساعدوني الله يجزاكم خير او دلوني على دكتور زين حق هالسوالف واللي تساعدني عسة الله انشالله يفرج عنها كربة من كربات يوم القيامة

اسفه لاني طولت عليكم

الله بشافيه ان شاء الله وانا انصحج بالدكتوره سعاد البصيري بصراحه ممتازه …
وعلى فكره الحساسيه عند الاطفال كل ما يكبرون تخف عموما هذا رقمها لانه مواعيد ولازم تاخذين رفم5711226

جم عمره الحين بالضبط ؟

مشكورة اخت توته على ردج والله ماجربتها بس اختي قالتلي انها كانت تودي بنتها لها ومانفعتها من زمان هالسالفة وماذكر شنو كان في بنتها

هلا فيج اخت نور نورتي الصفحة بوجودج ولدي الحين عمره 4 شهور وكم يوم

انا نصيحتي لك روحي للدكتور محمد سعيد في بو شهري كلينك

ممتاز لمثل هذي الحالات

ما تشوفون شر ان شاء الله

عفوا اختي في تحاميل للأطفال بعمر ولدج تطلع كل البلغم ( نفس المشكله عانيت منها لمن بنتي كانت بعمر ولدج ومشالله وايد وايد كانوا زينين حتى تكرمين تشوفين البلغم بالحفاظه واحسن من الادويه بس للأسف اني ناسيه اسمهم بس اتوقع لو تسئلين الصيدليه يعطونج)

وماتشوفون شر انشالله…

من واقع تجربة مريرة مثلج مع عيالي ….
(د.عفاف الرومي) حق هالسوالف وايد شاطرة وراح تعطيج اذاصار عمره 6 أشهر انشالله أدوية وقاية علشان ما تتكرر الحاله….
رفيجتي دلتني عليها وليلحين أدعيلها والله …

هلا يالغالية :

بنتي عمرها الان اربع سنوات ونصف

من كان عمرها اشهر وانا من طبيب لمستشفى لمستوصف لعيادة

ماخليت شي مضاد ادوية وقاية تحاميل كمام شريناه لها بالبيت استخفيت بالعربي من حالتها

توصلت لشي مهم إني ما سبحها بكثرة امسح جسمها بفوطة وماي دافئ ، إذا زوجج يدخن خليه يدخن بالحووووووووووش

لا تغمتينه بكثرة اللبس ولا تخففين له اللبس اعتدلي .

لا تحطين له أي عطورات وابعديه عن البخور ودهن العود ولا تحطينها انت

اترك سوالف البودرة المعطرة والكلينكس المعطر .

============اشتري جهاز البخاااار ( غير جهاز الكمام ) وحطي فيه بابونج بدال قرص الفيكس يعني نوعي مرة بابونج ومرة فيكس إذا

كان صدره متروس بلغم =================

خلي بطانيته ديباااج وابعدي عن الصوف والبطانيات العادية

سويله مره وحاولي تعطينه منها شوية شي بسيط وحطي منها عند فتحات خشمه علشان يشم ريحتها .

وعليج بتحاميل البلغم ترى لعمره مقدار معين يعني نص التحميلة

واتمنى له الشفاء العاجل

وأى استفسار أنا حاضرة

انا ولدي يوم كان بالاشهر كان تفس ولدج

دلوني على عسل العويد اتصلي عليهم وقولي لهم حاله ولدج

اشتري ربع كيلو والله ماصار اسبوع الا الحمدالله ولدي نظف صدره

ووديته قبل لااعطيه العسل قالت لازم كمام

والحمدالله من عطيته العسل نظف صدره

الف الف شكر على نصايحكم وتفاعلكم والله ماقصرتوا حبيباتي

عسى الله يخليكم عيالكم ويشافيهم لكم من كل شر

علييييييج بالينسوون يالغاليه

لانه يمنع تكون البلغم ويريح الصدر ,, تراه وحده بوحده للكبير والصغير

اختي نعناعه الينسون من وين اخذه واذا في انواع شنو احسن نوع وشلون طريقتة يطبخ مع ماي ولا شلون عفية تراني عليمية اعذريني

اختي نور شنو اسم التحاميل

ومشكورين ولاهانوا الباجي واالله ردودكم مثلكم حلوه الله يجزاكم خير ويعطيكم على قد نيتكم

أختي جامعية :

إنت اسألي دكتورة المستوصف تكتب لج اسم تحاميل سحب البلغم واشتريهم من الصيدلية الحمد لله افتكيت من البلغم اللى بصدر بنتي وبدينا عهد جديد من الكحة !!

ملحوظة مهمة مهمة مهمة :

حبيبة ذكرت انها اعطت العسل لولدها .

يا خوااااااااااااااااااااااتي العسل لا يعطي للأطفال دون السنة يضرهم واحتمال كبير يسبب وفتاة

حتى الحامل ما تاخذ عسل علشان الجنين اللى ببطنها

احذروا العسل للأطفال دون السنة

صح كلامج يا نور انا بعد سامعه هالمعلومة ان العسل خطير جدا على الاطفال دون السنة

حبيبتي العسل مو زين حق الياهل قبل عمر سنه

يسبب تسمم