ولدى والجنس

مرحبا خواتى انا في مشكله وخايفه منها اشلون الحل فيها ولدى عمره 6 سنوات شفته مع ولد الجيران شايل ملابسه الى فوق وحاضنه الولد الى معاه اصغر منه
وقتت دخلت عليه قال ماما انا اسف ماعيدها وثانى يوم شفته نفس الحركه مسويها مع نفس الولد سااااااااااااااااعدونى وش الحل تكفون

شدعوه بنات ولا رد

طيري فيه حق دكتور استشارات نفسية للاطفال قبل لا تتطور الحاله و تستاثمين بولدج و عيال الناس و عرفي من وين متعلم هالحركه

يمكن شايف احد مسوي هشي جدامه او معلمه احد حاولي اتكلمينه بينج وبينه وبهدوء يعني منو علمك هالحركه وليش اتسويها وخرعي من هالحركه واذا ما فاد معاه ودي للاختصاصي اطفال وانت بعد راقبيه

حبيبتي اكيد شايف احد مسوي هالحركه
الولد مو مني والطريج يعرفها

لا تنومينه عندج بالدار ولا تحطينه بيد خدم سبحان الله واهو صغير مخزن المعلومات والصور براسه

اسم الله عليه انشالله ما فيه الا العافيه
بس دام ان عمره كبيره ما يفيد تحقرينه ولا يفيد تنسيه

يا طق يا تهديد يا تحطينه بغرفه وتعاقبينه ان ما يطلع منها نهائيا واكله يوصله لي مكانه بسسسسس
حرميه من القعده معاكم والاكل معاكم على نفس السفره ومن اللعب خليه كله بداره
بس لا تقفلين الباب خليه مبطل او عادي مفتوح بس علميه الحرمان
خليه 3 ايام بس
اذا ما فاد الحرمان استشارات نفسيه والدكتور راح يعلمج

ولا تنسيني طمنيني عليه حبيبتي

ولا تهمين مرده يكبر ويفهم انشالله ..

6 سنوات ؟؟!!!! اسم الله عليه كبير

المفروض انتي متكلمة معاه ومنبهته عن هالسوالف قبل لا تصير

لااااااااااااااتحرمينه من شي ولااااااااا تطقينه ولاتحرمينه القعدة وياكم على السفرة بالعكس شاركوه وكلموه كثر ما تقدرون بالمحبة والامان علميه وبعدين حاسبيه

اختي ما اايدج بهالحل لان الياهل توه 6 سنين معناته ان في احد يا مسوي فيه نفس الشغله فيطلع غضبه بنفس الطريقة بالي اضعف منه او ان شايف احد مسوي هالشغله و بكل الحالات هو عنده جزء من نفسيته منكسر لازم مختص يعالجه السالفة مو سالفة ثواب و عقاب لانها كبيرة وايد و ممكن باجر تاثر عليه يصير الله لا يقوله شاذ جنسيا .. لاااازم متخصص يعالجه لا محاله و كل ما راحت ابجر كل ما صارت نسبه شفائه اكبر و اسرع و راح يصير انسان سوي باذن الله

وديه استشارات نفسيه احسن لج
هم اعلم شلون يتصرفون بهالمواضيع

اسم الله عليه

و دايما ادعي ان ربج يصلح عيالج
اللهم امين

والله ما بغيت أطلع من غير رد لأن الموضوع جداً حساس ويحتاج قرار لازم تعرفين أن المرحلة العمرية اللي فيها ولدج وهي 6 سنوات في علم النفس تسمي مرحلة استكشاف الملذات الجنسية بمعني أن الطفل من خلال التبول والكل بكرامة يبدأ بمعرفة وتحسس بعض الشعور الجنسي الخفيف جداً وهذا الكلام علمي وانا دارسته بس في هالفتره الطفل ما يينبه حق هالشي ، وممكن يكون في ربط مع صوره معينه أو لحظه شافها بمكان وحاول إنه يقلدها ،، المطلوب منج ألحين انج تكلمينه وتقولين له ان هالاشياء عيب ومايصير انها تصير وأنج راح تعرفين اذا اهو سوا هالشي والطفل الثاني حتى لو قاله ما اعلم احد راح ايي ويعلمج من باب التخويف طبعا وراقبيه لا تخلينه ..

مع احترامي حق كل الردود هذا شيء خطير وممكن اي حل غلط تسوينه راح يصير نتيجته عكسية و تبتلشون باجر بمصايب دقي على اي دكتور استشاري نفسي او الاستشاريين ملوت المراهقين والاطفال نسيت شنو اسمهم و اخذي موعد وروحي مع ريلج لا تقوليله خوفج يطقه روحي هناك وبالطريج قوليله و شوفو الدطتور شلون راح يخليكم تتعاملون مع الولد و مرات الدكتور ماراح يحتاج حتى ان يقابل الولد يعالجه عن بعد عن طريقتكم معاه وانشاءالله خير

في استشارات خاصه للعيال
ياقلبي ادري فيج منصدمه
بس شوفي شنو شايف
حبيبتي الله يهديه لج ويصلح باله
طمنينا عليه

لا تحرمينه بالعكس كلميه سايسه …. ومثل ما قالو البنات …
طمنينه عليه

جزااكم الله خير يابنات ماقصرتو والله والى تعرف موقع طارق الحبيب ترسله لى

اول شي تسوينه انج تبعدينه عن هذا الولد خلاص لازم ينساه
وثاني شي تحتوين ولدج وتكرسين يومج وكل يوم له بروحه
تقعدين وياه تجابلينه تغسلين مخه ((((( ركزي على هالكلمه تغسلين مخه )) ليش
لانه اذا شاف في صوبج اهتمام زياده بدون ما يذكر هالسالفه راح ينساها وبعدين تروحين حق دكتور مو على طول
لازم يكون في عندج قواعد ترتكزين عليها عشان تطبقين معاه علاج الدكتور