واي شنو تنرفزني هالحركة وتقثني

المهم
في حركة شنو قثيثااااااااااااا واحس فيها ان صاحبة الكلام ما عندها اسلوب ولا ذوق
بتقولون شنو اهي
في ناس تموت على التشييش وتحب تشكك اللي جدامها
الحمدالله انا اعطيهم طاف
بس هم افكر شلون يسمحون لنفسهم يتكلمون ابهالطريقة

خل اقول لكم شلون
مثلا من يومين قاعده اسولف على رفيجتي وانا ميته من الضحك اقولها شفتي بنتي شتناديني ؟؟؟
قالت شنو ؟؟
قلت لها تناديني ( ……. ) الكلمة خايسة بس تموت من الضحك تفشل ما تنقال وكنت بزف بنتي بس ضحكت قصبن علي فاجئتني بالكلمة
رفيجتي اضحكت بس قالت ايه شوفي منو مناديج جذي ابهالطريقة يمكن حمولتج معيبين عليج واهي احفظتها وانتي ما تدرين
قلت لها شكو ؟؟؟؟؟؟؟؟ ما طرى في بالي هالشي
جان تقولي اي يمكن ما تدرين
يعني سيدة قررت ان حمولتي معلمين بنتي هالكلمة عني

ولا مرة طالعة مع وحده من بنات خالتي تقريبا اكبر مني بجم سنة وكنت بالطريج ادق على زوجي وما يرد اكثر من مرة
انا عادي قلت لاهي ،، مشغول ،، ما سمع التلفون
يعني حتى انا ساعات تصير معاي انه يدق علي وما انتبه يعني عادي
اهي قالت لي زوجج ما رد ؟
قلت لها لأ
جان تشوفني بطرف عين وتضحك وتقولي اييييييييييييه شوفيه ابأي داعوس ومع منو ؟؟
قلت لها فلانة شفيج اشهالكلام ؟؟؟؟
جان تضحك وتسكت

يعني والله استغرب شلون في ناس جذي اشكره تقول هالكلام ؟؟؟؟ وتحب تشيش بين الزوج وزوجته ؟
وتقول الكلمة بكل بساطة وتمشي ما جنها قالت شي

انا الحمدالله ما يأثر فيني هالكلام لانهم مو عارفين زوجي اكثر مني
بس استغرب اقول والله فلانة قوية على هالكلام وما تستحي بعد !!!!