هو عارف بالظـــروف المفروض يوقف معي حضنتــه وقال عايفنـــــي

هلا بأغلى حبيبات على قلبي ماراح ادخل بنك مستعار انا صريحه وكل اللي بالمنتدى اللي يعرفني واللي مايعرفني حبايبي
فديتكم

بدخل بالموضوع انا قبل رمضان وانا عند اهلي بحكم ظروف اهلي وكنا بأجازه انا وهو وأحنا من سكان الرياض بس بحكم وضيفتنا سكنا الحفر واستقرينا فيها بس بالاجازه كل منا يرووووووح لأهله وأذا اشتقنا حق بعض يانتعشى بره اونتمشى اونسكن فندق وأنا كنت مبسوطه بالوضع لانه يشتاقلي حيل كأني عروس المهم مريت بظروف مايعلم فيها الا رب العالمين وفاة ولد اختي وبنت اخوي اللي ربيتها وكانت روحي وعانيت بمرضها وتعبت بحملي وولدوني قيصري بالسابع بسبب الاكسجين وخافوا على الجنين ووايد اسباب وكانوا هو معارض وبشده على العمليه يبي طبيعي ويبي اولد بالتاسع مع انه بلغوه بالخطوره بس خليته يطلع اتصلت بأخوي ووقع لي على العمليه فديته
زوجي حنون وخايف من العمليه لانه يقولي مابي لوسكين يجرحك حتى الخياطه الداخليه رافضها الاخ يقول لآتولدين طبيعي ومن غير شق خخخخخخخ>>
بس جبت وطمنوه على البنت وعلي نسى كل شيء وفرح بالبنوته ومقابلها24 ساع ويغليها غلا عيونه انا اللي بدت معاناتي من وجع عمليه ورجلي اعرج فيها ودمله وبواسير عزكم الله ونزله معويه وقالون والله تعبت لاجلوس اجلس ولاقدر امشي وبكاء لارحت الحمام والمشكه النزله المعويه لازم كل شوي حمام وبنتي بالحضانه من جهه ونفسيتي زفت ونفاسي الله عالم بأكلي مالي نفس ابدولااهتميت بجسمي ولاكريمات ولاشيء وبس يجي زوجي كنت اكشخ والله عالم بالتعب اللي كنت احسه بس مابي ابين له اتحامل على نفسي واضحك واقهويه والدمعه بعيني
المهم قالي بعد العيد بنرجع شقتنا يكفي اربع شهور وانتي عند اهلك اشتقتلك ومن الكلام الرومانسي قلت اوكي يصيرلي 33 يوم كويس وبنتي تطلع ان شاء الله من الحضانه وهو كان يلمح بالشغله اني ماراح انطر لمن اخاص الاربعين المهم رجعنا للشقه وكان طايربالطريق من الفرحه فينا ذيك الليله كان يلاعب بنتي وكنت اكشخ قبال المرايه عنده طالعلي وقالي احس بتبلد من جهتك قلت يمكن يمزح ونمت بحضنه بعدها وقالي بوجهي انه عايفني والله يابنات حتى انا عايفه الشغلات ذيك بس فاقده عطفه وحبه بس حزت بخاطري ولي يومين اساير الوضع ابد مومثل قبل حنانه كان يودعني ببوسه ومايمل جلستي وبس يلمني كل ذا اختفى ياريت تفيدوني منو صار لها مثل وضعي اخاف خايف من العمليه وصار له تبلد من ناحيتي

عسى الله يهديه ويسخره لج
بس ما أدري إختي، مداج اتسوين نيو لوك قبل لاتروحين شقتج، واتجهزيلج قمصان نوم يديدة؟
وعناية الجسم من سنفرات وكريمات؟ ترى الرياييل يحبون ايحسون بالتغيير إللي صار لج، خصوصا بعد فترة الأربعين..

لاماهتميت بجسمي ابد

شدعوه وينكم فيدوني

الله يهديه ..
ويسخره لك ..
ولله يسخر كل الازواج لزوجاتهم ولايشوفون غيرهم..
ااامييين يـــــ رب ــــا

انا ماعندي خبرة بهالشغلات..
بس ليش ماتسوين له مفاجئة ..
وتسوين نيو لوك.؟

لا تخافين حبيبتي الرجال اذا غبتي عن فتره يصيبه مثل الفتور ويرجع مثل اول بس تتجدد علاقتكم العاطفيه
صدقيني بس يبيله شويه وقت انتي خليه على راحته وراح يرجع لك مثل قبل لانج طولتي بيت اهلج
موفقه حبيبتي

صبغت شعري بالصالون وقصيت فكتوريا وسويت تنضيف لوجهي ويديني ورجولي
وحتى اني نحفت حيل

الله يهديه لج ويسخره يا رب

بيتغير يمكن علي قولتج خايف من العمليه … بيتغير صدقيني بس لاتبينين له ..

شوفي كشخي وضبطي العشا واضحكي وسولفي وجيبي
طاري الموضوع وحاولي تتناقشون بهدوء شنو الاسباب
عشان صار كل هذا

الله يهديه ويصلحه

حبيبتي الرياجيل لازم تجيلهم فتره من الوقت يصير فيهم تبلد وانتي من الاول غلطانه ترى الرجال يتعود على فراق حرمته عوديه حتى بفراشج يلزق فيج وتلزقين فيه بعدها صعبه ينام بروحه عادي بس اهتمي بنظافتج وجسمج ترى الرجال يحب المره النظيفه واللي تغير بشكلها دايم

هو مو عايفج..هو فقد وجوودج الفترة الي طافت..ولا تنسين الرجال نفس البيبي يحب الي يهتم فيه بكل وقت ..وانتي عاد زوجج شكله من النوع الي مايهمه الا نفسه هذا اولا

ثانيا انتي بنفسج كاتببة طريقة حياتكم مع بعض …
= انه انتي وهو كل واحد في بيت وتنقلون من منطقه لثانيه وتطلعون مطاعم وفنادق لما تشتاقون لبعض و تتمشووون…………
يعني حياتكم مافيها مسؤليه ..فيها وناسه واكشن وفالينها خخخخ ….

هذا الي خلا زوجج فاتر شوي لانج تعبتي وفقد كل شي …ومادري اذا صح المثل الي يقول بعيد من القلب بعيد عن العين….

الحين اهتمي بنفسسسسسسسسسج وسوي نيوو لوك
وحاولي تنظمين وقت حق البيبي و وقت حق البيبي الكبير زوجج لا تخلينه يحس انج تعبانه ومرهقه ومالج خلق ……..

….الله يعينج الصراحه بس شتسوين..المساله يبيلها بس شطارة انج ترجعين جزء من حياتكم الاولية ودلعها…… بس قوية سالفة تولدين طبيعي وبدون شق !!! شفتي زوجج مبلتع وتفكيرة بنفسه !! خخخخخخخخخخخخخخخخخخ

موووفقه حياتي ومبروووك البنووووته الله يجعلها من مواليد السعاده

الله يهديه لج ويسخره ان شاء الله
مسألة وقت وعليج بالرقية الشرعيه حتى بنوتج ارقيهاا
والله يسعدج حبوبه

في شي ناقص
ماكو زوج يلم زوجته ويقولها عايفج!
مستحيل!!
اطلع ما افهم
زوج يقولها بويهج عايفج واحس بتبلد من ناحيتج؟؟
واهو بهالمواصفات اللي ذكرتيها!
ناطرج ومشتاق ويبيج!
في شي غلط!