|
هلا والله بحررررررررريم الكويت؟؟؟؟
اليوم السؤال واضح من العنوان؟؟
هل قاعده تربين عيالج نفس ما كانت امج تربيكم!!!!!!
وشنو الشي اللي قاعده تتحاشينه بتريتج كان امج تسويه
او العكس
شنو اللي ودج من تربيه امج يكون في تربية عيالج
مثلا
انا امي _ الله يطول بعمرها _ فيها طوله بال عجيبه يحن الواحد فينا واهي حاقرتنا
والله لو عيالي جذي جااااااااااااااااااااااااان ذابحتهم من زمااااااااااان
يمكن هالصفه فيها لانها ربه بيت مو موظفه نفسنا مشاكل ولويه وغثا
والصفه بعد الحلوة اللي في تربيتنا هي حرص امي كل يوم على انها تسمع لنا
مع اني سوالفنا كانت باااااااااااااااااااااااايخه وتااااااااااااااااافهه
وكان هالشي على العصاري
يالله دوركم
ثاني شي انا مو متزوجه بس حبيت اقول راي اذا ممكن ……….
مستحيل الوحدة تربي عيالها مثل تربية امها لها لانه بسبب اختلاف الأجيال بس هالشي ما يمنع من ان الوحده تتمسك بالعادات و التقاليد ……
من الشي الي ودي اعلمه عيالي ( بالمستقبل ) من تربية امي الصدق ….
امي عودتنا إنا نقول الصج حتى لو كنا غلطانين ………
مشكورة همسات ليالي على الموضوع
امهاتنا لا دارسين و لا شي
بس ربونا احسن تربية
و كنا حريصين على العلم
انا هذا الشي مو عارفة اعلمه عيالي
صاروا يتكلون علي بكل شي
خصوصا التدريس …… امى ما درستنى ، بس انا وايد احاتى بعيالي و تدريسهم اكثر منهم.
الشغلة الثانية …. الصلاة
مو عارفة من وين ادخل عليهم و احببهم و اخليهم يلتزمون
الشغلة الثالثة….. قول الصدق
عيالي اذا مسويين شي غلط يألفون عذر ثاني تجنبا للعقاب مو عارفة اعلمهم ان يقولون الصدق دائما حتى لو غلطانين
هذي الشغلات فشلت فيها و ما ادري شلون امهاتنا علمونا هالشغلات
و بعدين في ملحوظة: امهاتنا اغلب الوقت كانوا معانا ما يخلونا عند الخدم كلش ، ألحين شوفي الوضع اغلب اليهال تربية خدم و اغلب وقتهم مع الخدم شلون راح يطلعون ؟ خصوصا ان الأم تداوم الصبح و العصر مواجيب او اغراض بيت او تدريس يعنى كله لاهية عنهم.
وفي قول للصحابي علي كرم الله وجهة وهو " ربو اولادكم لزمان غير زمانكم"
يعني مانطبق تربيه اهلنا لنا على عيالنا حرفيا لان زمنا كان غير
وظروفه غير وزمن عيالنا اكيد غير ف لازم يتغير الاسلوب والطريقة
والله يحفظ لكم عيالكم من كل شيئ ويحميهم ويكتبهم من الذرية الصالحة يارب
وابتعد عن الاشياء الي اثرت فيني سلبيا