هل تحبين عيلج كلهم بنفس المستوى

هل تحبين عيالج كلهم بنفس القدر والا فيه تفاوت

احس ان بنتي الوسطانيه هي اقرب عيالي لقلبي

يمكن لانها حنينه وعطوفه وتحس فيني اكثرمن

اخوانها وتسمع كلامي بس احس بتأنيب الضمير

مرات اقول لازم احبهم كلهم بنفس المستوى

مع ان هذا شي بالقلب مايملكه الانسان وانا

احبهم كلهم بعدقلبي واعدل بينهم بس هالبنيه

احس انها اقرب بسمع ارائكم واشوف فيه احد مثلي

تحياتي

تصدقين أنا مثلج ………..أحب ولدي الوسطاني أكثر ما أدري يمكن علشان يشابه أبوه ماأدري بس الكل ملاح اني أعزه وأغفر له أخطاءه شسوي يا ربي غصب عني

تصدقين انا عندي ولد وليلحين ماحملت احاتي اذا جبت الثاني انشغل عنه
وااااااااااايد تاثر فيني هالشغلة معني تربيت في بيت وعددنا وايد مشالله بس الولد كان مفضل بيننا بس عن نفسي اخاف اني ما أعدل

انا بعد عبالي فيني شي
بس ياربي ما اقدر يفز قلبي على ولدي البجر اكثر من التوام مادري يمكن ليش هذيلا توام فكنت محتارة اعطي حنان حق منو ولامنو بس واغليهم كلهم ما اقصر عليهم ابشي
بس ولدي العووود غير عندي حتى يوم ولدت بالمستشفى ابجي مو من العوار لاننه اشلون ينام بعيد عني

من صجكم ؟؟؟

انا احبهم كثر بعض بالضببببببببببببببط ..

حتى لما اروح السوق ما اثبت شنو قاعدة اشتري ارد البيت القى اني يبت لهم كثر بعض اذا شريت حق الصغيرة نفنوف اشتري حق الكبيرة جنطة وما احس اني اميل حق وحدة فيهم اكثر من الثانية ثنتينهم عيوني الثنتين بس مادري اذا يبت ولد شلون لأني صج صج احب البنات يتراوالي اذا يبت ولد ماراح احبه كثرهم ..

يعني موبس انا بروحي في ناس وايد مثلي

رفرف لاجبتي الولد نشالله بياخذ غلاوتهم كلهم لأن البيبي الصغير دايما محبوب

انا احبهم كلهم

بس احيانا احس بجري اقرب لانها حنونه علي حيل

انا عندى الله يخليهم اثنين بس للامانه جنه بنتى البجر غيييييييير روحى فيها الله يخليها لى

كللللللللهم معزتهم وحدة
لو ابوس واحد لازم ابوس الباجي
لو اشتري علج لازم اشتري للباجي
ما احس ان في احد اغلى من احد
عسى الله يخليهم لي ولابوهم ويحفظهم ويهديهم

انا احبهم كلهم نفس الشي وماافرق بينهم واحاول ان شفت طبع حلو بواحد منهم سواء البنات ولا الولد احاول اخلي الكل يتطبع فيه الحمدالله وان شالله كلهم دوم بنفس الغلا يبقون ولا افرق بينهم

كلهك نفس المعزة و الله يشهد

بس انا اقول لكم ليش تحسون بالفرق

كل واحد منهم في شخصيته شغله تجذب الأهل اكثر من الباقي و هم الباقي نقس الطريقة

يعني انا ولدي الكبير مميز بأنه حنون وايد على و على خواته و يخاف عليهم و يحاتيهم على طول و اسم الله عليه راكد و مو راعي مشاكل

و البنت الي عقبه مميزة بأنها شخصيتها قوية و سوالفها حلوة و تتأقلم مع الكبار و الصغار و احسها رفيجتي بالطلعات و التسوق

اللي عقبها مميزة بأنها دلوووووووووووووووووعة و طييييييييييييبة من اهل الله على ما يقولون و ما تزعل من احد و على طول تسامح

اللي عقبها مميزة بأنها راعية شطانة حلوة و دمها عسل و حركية و ذكية اسم الله عليها حيل تاخذ اللي تبيه بدون ما تزعل اللي جدامها و هو يضحك بعد

يعني كل واحد منهم يفرض معزته بشي مميز فيه

و مرة سمعت شغلة بس ماني عارفة هي حديث ولا شنو مادري بصراحة

معناها ان اعز الأولاد الصغير حتى يكبر و المريض حتى يشفى و الغائب حتى يعود
و الله يخليهم و يصلحهم و يبارك فيهم و يرزقنا برهم

و مشكورة اختي صاحبة الموضوع على هالموضوع المميز

سبحان الله طلعت مو انا بروحى جذيه ……..بس والله غصبن عني

ولدى الصغير غيررررررررر ….واحاول انه ما يبين علي .

مدرى يمكن لان صفاته هي الصفات اللى كنت اتمناها ………

عسى الله يحفظهم ويصونهم ويقدرنا نعدل بينهم

انا عندي 3 صبيان الله يهديهم بس الثاني غيييييييييييييييييييييييير ماخذ قلبي يمكن لأنه شيطان وماكل الجو
بس هم البجر غير وايد حنون باليوم ايقولي مليون مره ماما احيج

بالنسبة لي ما ادري احبه كلهم بس بجري اموت عليه
يمكن لان الثاني صغيييييير ومايسوي حركات تجذبني

ياجماعة بعطيكم بعطيكم مثال راح تتأكدون منه ان محبة عيالكم وحدة الا وهو:
انتي تحبين عينج اليمين ولا عينج اليسار؟ بتقول نفس الشي بس في بعض المرات اذا حطيتي مكياج تلاقين رسمتي عين اضبط من العين الثانية بس هذا معناته ان العينين حلوين يعني الي بوصلكم اياه احنا نحب عيالنا نفس الشي بس ساعات تلاقين واحد منهم يسوي اشياء يتقرب فيها اكثر من الثانيين بس هذا مومعناته انهم اقل معزه … وشكرا